உங்கள் தந்தை உடனான பந்தத்தை பலப்படுத்திக் கொள்வது எப்படி?

ஒவ்வொரு குழந்தைக்கும் தனது அப்பா தான் வாழ்க்கையில் முதல் ஹீரோ. அப்பா மீது அளவுகடந்த அன்பும், மரியாதையும் கொண்டிருக்கின்ற அதே சமயம், அவர் மீதான சிறு அச்ச உணர்வு காரணமாக எப்போதும் தள்ளியே இருப்பார்கள். தனக்கு ஏற்படும் குழப்பங்கள், வாழ்க்கையின் முக்கிய முடிவுகள் போன்றவற்றை தந்தையோடு பகிர்ந்து கொள்ள குழந்தைகள் தயக்கம் காட்டுகின்றனர். குழந்தைகள் வளர்ந்த பின்னாலும் கூட, தந்தை உடனான இடைவெளி அதிகரித்துக் கொண்டே போகிறது. ஆனால், வாழ்க்கையில் நீங்கள் சந்திக்கும் மற்ற எல்லா நபர்களைக் காட்டிலும் உங்கள் தந்தை தான் உங்களுக்கு சிறந்த வழிகாட்டியாகவும், நண்பராகவும் இருக்க முடியும். அதை உணர்ந்து தந்தை உடனான பந்தத்தை பலப்படுத்தும் நடவடிக்கைகளை நாம் முன்னெடுக்க வேண்டும்.

பொதுநலன் குறித்த விஷயங்களை பேசுங்கள் : நீங்கள் உங்கள் நண்பர்களோடு இருக்கும்போது எப்படி விளையாட்டு, அரசியல், தினசரி நிகழ்வுகள் குறித்து கலகலப்பாக பேசுகிறீர்களோ.அதைப் போலவே தந்தையிடமும் பேசுங்கள். உங்கள் இருவருக்கு இடையே குதூகலத்தை ஏற்படுத்தவும், பிணைப்பை பலப்படுத்தவும் இது உதவும்.

ஒருவருக்கு ஒருவர் நேரம் ஒதுக்குவது : கல்வி ரீதியாக நீங்களும், பணி ரீதியாக உங்கள் தந்தையும் பிசியானவராக இருக்கலாம். ஆனால், இருவருக்கும் ஒத்து வருகிறார்போல நேரம் ஒதுக்கிக் கொள்ள வேண்டும். அந்த சமயத்தில் ஒரு கப் காஃபி அருந்தலாம் அல்லது சிறிது தூரம் நடைபயணம் செய்யலாம்.

அப்பா மகிழ்ச்சி அடையும் விஷயங்களை செய்யலாம்: உங்கள் தந்தைக்கு கிரிக்கெட் விளையாடுவது அல்லது மீன் பிடிப்பது அல்லது லாங் டிரைவ் செல்வது என ஏதேனும் ஒன்று பிடித்தமான விஷயமாக இருக்கும். அது எதுவென்று அறிந்து கொண்டு, தந்தையுடன் அந்த நடவடிக்கையை முன்னெடுத்து செல்லுங்கள்.

உங்களின் முக்கியமான விஷயங்கள் குறித்து பேசவும் : தந்தையிடம் உங்கள் நம்பிக்கை எது, கனவு எது, அச்சம் எது என்பதை பகிர்ந்து கொள்ளவும். உங்களைப் பற்றி அவர் நன்றாக புரிந்து கொள்ள இது உதவிகரமாக இருக்கும்.

ஒருவருக்கு, ஒருவர் நேர்மடையுடன் இருக்கவும் : பிரச்சினைக்குரிய விவாதங்களை தவிர்த்துவிட்டு, ஒருவருக்கு ஒருவர் நேர்மையான தகவல் தொடர்பை முன்னெடுத்துச் செல்லுங்கள். அது ஆரோக்கியமான பந்தம் அமைய உதவிகரமாக இருக்கும்.

உறுதுணையாக இருக்க வேண்டும் : ஏதேனும் ஒரு விஷயத்திற்கு ஊக்கப்படுத்துபவராக அல்லது கஷ்ட காலங்களில் தோளோடு தோள் நிற்பவராக நீங்கள் இருக்க வேண்டும். உங்கள் ஆதரவு எது என்பதை நீங்கள் வெளிப்படுத்துவதன் மூலமாக பந்தம் பலப்படும்.

நன்றியுணர்வு முக்கியம் : வாழ்க்கையில் உங்கள் தந்தை உங்களுக்கு எந்த அளவுக்கு முக்கியமானவர் என்பதை வெளிப்படுத்துங்கள். சின்ன, சின்ன விஷயங்களுக்கும் கூட நீங்கள் நன்றி சொல்லும்போது உங்கள் தந்தை உங்களை நினைத்து பெருமிதம் அடைவார்.