Relationship Tips : என்னதான் துணையாக இருந்தாலும் சில விஷயங்களை மனதிற்குள்ளேயே வைத்துக்கொள்வது நல்லது..!
என்னதான் தாம்பத்திய வாழ்க்கையில் நீங்கள் ஒருவருக்கொருவர் விஷயங்களை பகிர்ந்து கொண்டாலும், அந்நோனியமாக இருந்தாலும் உங்கள் மனதில் தோன்றும் சில எண்ணங்களை மட்டும் வெளியே சொல்லக்கூடாது. அவை என்ன என்பதை தெரிந்துகொள்ளுங்கள்.
தாம்பத்திய உறவில், நல்ல புரிதலுடன் வாழ்க்கையை வழிநடத்த வெளிப்படைத்தன்மை மிக அவசியம். எனவே, உங்கள் எண்ணங்களை உங்கள் துணையுடன் பகிர்ந்து கொள்ள வேண்டும் என்ற ஒரு பொதுவான கருத்தை எல்லோரும் சொல்வது வழக்கம். இருப்பினும், உங்கள் உறவை பாதிக்கக்கூடிய எண்ணங்களைப் பற்றி சொல்லலாமா? வேண்டாமா? என்று எப்போதாவது சிந்தித்து உள்ளீர்களா? என்னதான் தாம்பத்திய வாழ்க்கையில் நீங்கள் ஒருவருக்கொருவர் விஷயங்களை பகிர்ந்து கொண்டாலும், அந்நோனியமாக இருந்தாலும் உங்கள் மனதில் தோன்றும் சில எண்ணங்களை மட்டும் வெளியே சொல்லக்கூடாது. அவை என்ன என்பது குறித்து கீழே காண்போம்.
எரிச்சலூட்டும் சிறிய நடத்தை : உங்கள் துணை நாள் முழுவதும் செய்யும் சிறிய விஷயங்களால் நீங்கள் எரிச்சலடையலாம். இருப்பினும், நீங்கள் மகிழ்ச்சியாகவும், உறவில் திடமாகவும் இருந்தால், இதுபோன்ற சிறிய விஷயங்களில் கவனம் செலுத்துவது மதிப்புக்குரியது அல்ல. உங்கள் துணையை பாதுகாப்பற்றதாக உணரவைப்பது அல்லது புண்படுத்தப்படுவதை விட அவற்றை ரகசியமாக வைத்திருப்பது நல்லது.
உங்கள் பழைய காதலின் நினைவுகள்: உங்கள் முறிந்து போன பழைய உறவில் இருந்து நீங்கள் இன்னும் மீளவில்லை என்றால், காட்டாயம் நீங்கள் அதில் இருந்து மீண்டு வரவேண்டும். சில நேரங்களில் உங்கள் முன்னாள் காதலி அல்லது காதலன் என்ன செய்கிறார்கள் என்று நீங்கள் யோசிக்கலாம். ஆனால் அதை பற்றி நீங்கள் உங்கள் துணையுடன் ஒரு போதும் பேச வேண்டாம். உங்கள் அன்புக்குரியவரிடம் உங்கள் பழைய காதலை பற்றி நீங்கள் விவாதிப்பதற்கு பதிலாக நெருங்கிய நண்பர்களிடம் இதை பற்றி நீங்கள் பேசலாம். ஏனெனில் அவர்கள் உங்கள் விஷயங்களை மிக ரகசியமாக வைத்திருக்க முடியும்.
உங்கள் துணையின் குடும்பத்தை பற்றி எவ்வாறு உணருகிறீர்கள்: உங்கள் கணவன் அல்லது மனைவியின் குடும்பம் ஒரு விதமான நச்சு சூழலை உருவாக்கும் வரை, நீங்கள் உங்கள் துணையிடம் அவரது குடும்பத்தை பற்றி சிறிய விஷயங்களை கூட பகிர்ந்து கொள்ள வேண்டாம். உங்கள் துணையிடம் அவரது குடும்பத்தை பற்றி நகைச்சுவையாக பேசி சிரிக்கலாமே தவிர ஒருபோதும் அவமதிக்கும் வகையில் எதையும் சொல்ல வேண்டாம்.
உங்கள் துணையின் நண்பர் உங்களை அட்ராக்ட் செய்யும் போது: எல்லோருக்கும் வேறொரு நபரிடம் ஈர்ப்பு இருப்பது இயல்பானது. இதில் வெட்கப்படுவதற்கு ஒன்றுமில்லை என்றாலும், இந்த ஈர்ப்பைப் பற்றி உங்கள் துணையிடம் சொல்வது பெரும்பாலும் அவர்களை புண்படுத்துவதற்கு சமம். இது அவர்களில் வருத்தமான, பொறாமை, பாதுகாப்பின்மை மற்றும் அருவருப்பான உணர்வுகளைத் தூண்டும். எனவே உங்கள் எண்ணங்களை நீங்கள் உங்கள் துணையிடம் சொல்லாமல் இருப்பதே சிறந்தது.
உங்கள் உறவு குறித்து உங்களுக்கு இருக்கும் சந்தேகம் : உண்மையிலேயே உறவைப் பற்றி உங்களுக்கு சந்தேகம் இருப்பதாக ஒருபோதும் சத்தமாக சொல்லாதீர்கள். உங்கள் துணையுடன் இதுபோன்ற எண்ணங்களைப் பகிர்ந்து கொள்வதற்கு முன்பு அவர்கள் மீது உட்கார்ந்து சில உள் வேலைகளைச் செய்யுங்கள். பிறகு அதை பற்றி பொறுமையாக பேசுங்கள்.
எதிர்கால குறிக்கோள்களைப் பற்றி நீங்கள் எப்படி உணருகிறீர்கள் : நீங்கள் உங்கள் வாழ்க்கையை ஒருவருடன் பகிர்ந்து கொள்ளும்போது, எதிர்காலம் பற்றிய கருத்துக்களை பற்றி பேசுவீர்கள். இதில் உங்கள் துணையின் குறிக்கோள்கள் மற்றும் அவை உங்கள் இருவரின் எதிர்காலத்தை எவ்வாறு பாதிக்கலாம் என்பதும் அடங்கும். இருப்பினும், ஒருவரின் குறிக்கோள்களை நோக்கி செயல்படுவது தனிப்பட்ட மற்றும் பெரும்பாலும் பாதிக்கப்படக்கூடிய பயணமாகும். அவர்களின் தனிப்பட்ட செயல்முறையை மதிக்கும்போது நீங்கள் ஆதரவாக இருக்க முடியும்.
பழைய உறவுகளில் நீங்கள் தவறவிட்ட விஷயங்கள்: இது முற்றிலும் இயல்பானது மற்றும் உங்கள் தற்போதைய துணையிடம் எந்தவிதமான அதிருப்தியையும் குறிக்கவில்லை என்றாலும், அதை அவர்களிடம் சத்தமாக சொல்லக்கூடாது. அதற்கு பதிலாக, உங்கள் தற்போதைய வாழ்க்கையில் நீங்கள் தவறவிட்ட எதையும் இணைக்க ஒரு வழியைக் கண்டுபிடித்து அதனை வெளிப்படுத்துங்கள்.