பெண் குழந்தைகள் அப்பாவிடமிருந்து கற்றுக்கொள்ள வேண்டிய 15 ரூல்ஸ்.!

ஒவ்வொரு ஆண் மகனுக்குமே பெண் குழந்தை என்றால் மிகவும் பிடிக்கும். மேலும் பெண்களுக்கும் தங்களது வாழ்வின் முதல் ஹீரோவாக தனது தந்தை தான் இருக்க முடியும். அந்த அளவிற்கு அப்பா மகள் உறவு என்பது மிகவும் நெருக்கமானதாகவும் உயர்ந்த ஒன்றாகவும் இருந்து வருகிறது. அந்த வகையில் பெண் குழந்தைகள் தங்கள் தந்தையிடமிருந்து கற்றுக் கொள்ள வேண்டிய 15 விதிகளை பற்றி இந்த பதிவில் பார்ப்போம்.

எப்போதுமே தன்னம்பிக்கையோடு இருங்கள். மற்றவர்கள் உங்களை முதன் முதலில் பார்க்கும் போது உங்களது தன்னம்பிக்கை தான் உங்களை உயர்த்திக் காண்பிக்கும்.

பெண் குழந்தைகளின் தந்தைகள் எப்போதுமே நேர்மறை எண்ணம் கொண்டவராக இருப்பது நல்லது. ஏனெனில் அனைத்து பெண் குழந்தைகளுக்குமே தங்களது தந்தை தான் முதல் சூப்பர் ஹீரோவாக இருப்பார்கள்.

அனைவரையும் மதிக்க கற்றுக் கொள்ள வேண்டும். நாம் ஒருவருக்கு மரியாதை கொடுக்க கற்றுக் கொண்டால் தான் அதே மரியாதை நமக்கு திரும்ப கிடைக்கும் என்பதை மனதில் கொள்ள வேண்டும். மேலும் இந்த உலகில் உள்ள ஒவ்வொருவருமே தான் மரியாதையாக நடத்தப்பட வேண்டும் என்று தான் விரும்புவார்கள்.

வாழ்வில் சில நேரங்களில் கடினமான காலகட்டங்கள் வரலாம். ஆனால் என்ன விதமான கடினமான சூழ்நிலையாக இருந்தாலும் எவ்வளவு கஷ்டங்கள் வந்தாலும் சரியான பாதையில் இருந்து விலகி குறுக்கு வழியை தேர்வு செய்யக்கூடாது. எப்போதுமே நேர் வழியில் செல்வது மிகவும் நல்லது.

சில சமயங்களில் வாழ்வில் நீங்கள் மேற்கொள்ளும் அனைத்து முயற்சிகளும் தோல்வியில் முடியலாம் அல்லது நீங்கள் எதிர்பார்த்த முடிவு உங்களுக்கு கிடைக்காமல் இருக்கலாம். இது போன்ற சமயங்களில் உங்களது கண்ணோட்டத்தை மாற்றி நீங்கள் அந்த விஷயத்தை அணுகும் முறையில் மாற்றங்களை கொண்டு வருவதன் மூலம் நீங்கள் எதிர்பார்த்த வெற்றியை பெறுவதற்கு வாய்ப்புகள் அதிகம்.

வாழ்க்கை என்பது சாகசங்கள் நிறைந்தது. அதில் கரடு முரடான பாதைகளும் ரம்மியமிக்க இயற்கை காட்சிகளும் கலந்தே இருக்கும். எப்போதுமே வாழ்க்கை எளிதாகவே இருக்கும், மகிழ்ச்சியாகவே இருக்கலாம் என்ற எண்ணத்தை தூக்கி எறிந்து விட்டு சோதனைகளை எதிர்கொள்ள தயாராக இருக்க வேண்டும்.

முதலில் உங்களை நீங்கள் நம்ப வேண்டும். உங்களுக்கு உங்கள் மீதே நம்பிக்கை இல்லையெனில் மற்றவர் எப்படி உங்களை நம்புவார்கள் என்பதை புரிந்து கொண்டு செயல்படுவது நல்லது.

எப்போதுமே மற்றவர்கள் பேசும்போது அவர்கள் என்ன பேசுகிறார்கள் என்பதை கூர்ந்து கவனிக்க வேண்டும். அவர்களின் எண்ண ஓட்டங்கள் என்ன? அவர்களின் திட்டங்கள் என்ன என்று அனைத்தையும் முழுவதுமாக கேட்டு அதன் பிறகு உங்களது பதிலை கூறலாம்.

பொருளாதார ரீதியாக ஒவ்வொரு பெண்ணுமே சுதந்திரமாக இருக்க வேண்டும் என்பது முக்கியமான ஒன்று. முக்கியமாக இன்றைய உலகத்தில் பொருளாதார ரீதியாக நீங்கள் வலுவான நிலையை எட்டினாலே உங்களது வாழ்வில் பாதி பிரச்சனைகள் தீர்ந்துவிடும். எனவே இந்த விஷயத்தில் மற்றவர்களை சார்ந்து இருக்காமல் சுதந்திரமாக இருப்பது அவசியமான ஒன்று.

ஒரு பிரச்சனையை பற்றி அதிகமாக மனதை போட்டு குழப்பி கொள்ளாமல் இருக்க வேண்டும். எந்த அளவிற்கு ஒரு பிரச்சனைகள் நீங்கள் அதிகமாக நினைத்து குழப்புகிறீர்களோ அந்த அளவிற்கு அதற்கான தீர்வை கண்டறிவது கடினமான ஒன்றாக மாறிவிடும்.

எப்போதுமே மற்றவர் செய்த விஷயங்களை எடுத்துக்காட்டாக கொண்டு அதன் வழியே நடப்பது ஏற்றதல்ல. உங்களுடைய தனித்தன்மையை நிரூபிக்கும் விதத்தில் உங்களது திறமையின் மூலம் மற்றவர் உங்களை எடுத்துக்காட்டாக கொள்ளும்படி செயல்களை செய்ய வேண்டும்.

உங்களது வாழ்க்கையை செம்மையாக வழிநடத்த உதவும் முன் மாதிரியாக யாரையேனும் தேர்ந்தெடுத்துக் கொள்வது நல்லது. நீங்கள் தேர்ந்தெடுத்துக் கொள்ளும் அந்த நபரின் வாழ்வை பற்றி முழுவதுமாக அறிந்து, அவர் எந்தெந்த பிரச்சனைகளை எவ்விதமாக எதிர் கொண்டார் என்பதையும் அறிந்து அதன்படியே நீங்கள் உங்கள் வாழ்வை நடத்த முடியும்.

எப்போதுமே பெண் குழந்தைகள் தங்களை சுற்றி என்ன நடக்கிறது என்பதை பற்றி தெளிவாக தெரிந்து கொள்ள வேண்டும். மற்றவர்கள் உங்களிடம் எப்படி நடந்து கொள்கிறார்கள், அவர்களின் எண்ண ஓட்டங்கள் என்ன, நீங்கள் வசிக்கும் சூழலில் என்ன நடந்து கொண்டிருக்கிறது என்பது போன்ற அனைத்து விஷயங்களையும் தெரிந்து கொள்வது நல்லது.

விட்டுக் கொடுக்காமல் இருக்க வேண்டும். ஒரு பிரச்சனை ஏற்படும் பட்சத்தில் அந்தப் பிரச்சினை இருந்து தப்பிப்பதற்காக எப்போதுமே விட்டுக்கொடுத்து போவது சரியான தீர்வு அல்ல. முடிந்தவரை அந்தப் பிரச்சினையை தீர்க்க முயற்சி செய்ய வேண்டும்.