பாலிவுட் நட்சத்திரங்களைப் போல ராயல் வெட்டிங்.. அதுவும் பட்ஜெட் விலையில்.. எங்கே தெரியுமா..?

பாலிவுட் நட்சத்திரங்கள் திருமணங்கள் என்று எடுத்துக்கொண்டால் பெரும்பாலான திருமணங்கள் ராஜஸ்தானின் மாளிகைகளில் கோட்டைகளிலும் தான் நடக்கும். ஆடம்பரமாக ராஜாக்களின் திருமணங்கள் போல நடத்த இந்த கோட்டைகளை தேர்வு செய்கின்றனர்.

ஷ்ரியா சரண் - ஆண்ட்ரி கோஷீவ்,  பிரியங்கா சோப்ரா - நிக் ஜோனாஸ் , ஹன்சிகா மோத்வானி - சோஹேல் கதுரியா போன்ற பல நடிகர் நடிகைகள், பெரிய புள்ளிகளின்  திருமணங்கள் எல்லாம் ராஜதானின் பல்வேறு கோட்டைகளில் தான் நடந்துள்ளது.ஆடம்பர இந்த கல்யாணகளுக்காக கோடிக்கணக்கில் செலவு செய்துள்ளனர்.

ஆனால் கோடிக்கணக்கில் செலவு செய்யாமல், பட்ஜெட் விலையில் அதே போன்ற ஆடம்பர கோட்டை பாணியிலான ராஜபோக திருமணங்களை செய்ய ஜார்கண்டில் ஒரு ஹோட்டல்  இருப்பது உங்களில் பலருக்கு தெரியாது. இப்போது தெரிந்துகொள்ளுங்கள்.

ராஞ்சியில் உள்ள பூட்டி மோரில் உள்ள ஹோட்டல் ராயல் ரிட்ரீட் ஜோத்பூர் அரண்மனையின் பாணியில் கட்டப்பட்டுள்ளது. ராஜஸ்தானில் உள்ள ஆடம்பர கொட்டைகளை பிரதிபலிக்கும் அமைப்புகளையே இந்த ஹோட்டல் கொண்டுள்ளது . பட்ஜெட்டில் ராயல் திருமணத்தின் உணர்வை நீங்கள் விரும்பினால், நிச்சயம் இது உங்களுக்கு சரியான தேர்வாக இருக்கும்.

ஹோட்டல் மேலாளர் விஸ்வநாத் கூறுகையில், பாலிவுட் ஜோடிகளைப் போல அழகான புகைப்படங்களை நீங்களும் எடுக்க விரும்பினால்,  இங்கு அதற்கான சிறப்பு இடங்கள் அமைக்கப்பட்டுள்ளன. அரண்மனையின் பால்கனி மற்றும் மொட்டை மாடியில் போட்டோஷூட்களுக்கு  ஏற்ற சிறப்பு ஏற்பாடுகள் செய்யப்பட்டுள்ளன.

பார்ப்பதற்கு மட்டும் அரச மாளிகை போல் இருப்பதில்லை. அதன் உணவு உபசரிப்புகளும் ராஜஸ்தானின்  அரச குடும்பங்களின் உணவு பழக்கங்களை பிரதிபலிக்கின்றன. திருமண நிகழ்வுகளுக்கு  நவாபி கபாப், நவாபி ருமாலி ரொட்டி, ஷீர்மல், அவத் ஸ்பெஷல் டம் பிரியாணி, மட்டன் மாலை கோஃப்தா, நவாபி சாகோரி சாட், அவத் ஸ்பெஷல் ஷாஹி பனீர் போன்ற லக்னோவி நவாபி பாணி உணவுகளை பரிமாறுகிறார்கள்.

அது மட்டும் இல்லைங்க... இங்கு தங்கும் விருந்தினர்கள் அரச குடும்பத்தைப் போல நடத்தப்படுகிறார்கள்.  தங்கும் இடங்கள்,  திருமணத்தின் ஒவ்வொரு செயல்பாடு நடக்கும் இடங்கள் என்று எல்லாமே அரசகுடும்ப பாணியிலேயே உள்ளது. இங்கு ஆர்கனைஸ் பின்னப்படும் மெஹந்தி, ஹல்தி நிகழ்வு, நிச்சயதார்த்தம், திருமணம் மற்றும் வரவேற்பு நிகழ்ச்சிகளுக்கு எல்லாம் ஆடம்பர ராயல் தீம் அடிப்படையிலான தயாரிப்புகளே உள்ளது.

அறைகள், திருமண மஹால்கள், போட்டோஷூட் இடங்கள், தவிர்த்து  நவீன பாணியிலான நீச்சல்  குளம் , 70 அடியில் இருந்து டைவிங் அடிக்கும் வசதி எல்லாம் இந்த ஹோட்டலில் உள்ளது.

இங்கே இந்த அரண்மனை போன்ற ஹோட்டலின் அறையில் இருந்து நீங்கள் சூரிய உதயம் மற்றும் சூரிய அஸ்தமனத்தின் அழகிய காட்சியைக் காணலாம். அதேபோல பால்கனியில் இருந்து முழு ராஞ்சி நகரத்தின் அழகை பார்க்கலாம். இங்கு முன்பதிவு செய்ய விரும்பினால், 9709771133 என்ற மொபைல் எண்ணில் தொடர்பு கொள்ளலாம்.