லாக்டவுன் காலத்தில் மாதவிடாய் நாட்கள் ஒழுங்கற்று இருக்கிறதா? இதைக் கட்டாயம் தெரிந்துகொள்ளுங்கள்..

லாக்டவுன் காலத்தில் பீரியட்ஸ் இடைவெளி மற்றும் சுழற்சியில் மாற்றம் ஏற்பட்டு ஒழுங்கற்று இருப்பதாக தோன்றுகிறதா? கவலைப்பட தேவையில்லை. நிபுணர்கள் கூறும் காரணங்களைப் படியுங்கள். அதையும் தாண்டிய பிரச்சனைகள் இருப்பதாக உணர்ந்தால் மருத்துவ ஆலோசனை பெறுங்கள்.

டெக்சாஸில் பணிபுரியும் மகப்பேறு மற்றும் பெண்கள் நல வாழ்வு மருத்துவரான ரூத் அருமலா, கொரோனா காலத்தில் மாதவிடாயில் ஏற்பட்டிருக்கும் பொதுவான மாற்றங்களைப் பட்டியலிட்டு அவை ஏன் என விளக்குகிறார்.

ஊடங்கு இருக்கும் இந்த நான்கு மாதங்களில் பலரும் மாதவிடாயில் ஒழுங்கற்ற நிலையை, சில நாட்கள் முன்பாகவோ அல்லது சில நாட்கள் தாமதமாகவோ வருவதை உணர்ந்திருப்பீர்கள். இதற்கு முதன்மையான காரணம் அழுத்தமும், நேரம் தவறிய உணவு மற்றும் உறக்க பழக்கங்களாக இருக்கலாம் என்கிறார் மருத்துவர் ரூத்.

சரியான ஊட்டச்சத்து மிகுந்த உணவுகளை உட்கொள்வதையும், மன அழுத்தம் இல்லாமல் இருக்கும் செயல்பாடுகளில் ஈடுபட்டாலே மாதவிடாய் ஒழுங்குக்கு வந்துவிடும் என்கிறார் மருத்துவர் ரூத்

8 நாட்கள் வரை மாதவிடாய் தாமதமானால் அது இயல்பான காரணங்களால் இருக்கலாம் என பரிந்துரைக்கும் ரூத், ஊரடங்கால் ஏற்பட்டுள்ள வாழ்க்கை முறை மாற்றங்களால் இது நடப்பதால், பதற்றப்படாமல் இருக்க வேண்டும் என ஆலோசனை தருகிறார்.