உங்க குழந்தை சாப்பிடாம அடம் பிடிக்குதா?... அப்போ இத செய்யுங்க!!

குழந்தைகளை சாப்பிட வைப்பது அவ்வளவு எளிமையான காரியம் அல்ல. நாம் கொடுக்கும் எல்லா உணவுகளையும் அவர்கள் சாப்பிடுவதில்லை. சில சமயங்களில் நாம் கொடுக்கும் உணவுகளை சமத்தாக சாப்பிட்டு முடிப்பார்கள். சில சமயம் சாப்பிட மறுப்பதுடன் ஆடம் பிடிப்பார்கள். அப்படி, சாப்பிட மறுக்கும் குழந்தைகளை சாப்பிட வைப்பது எப்படி என இங்கே பார்க்கலாம்.

உங்கள் குழந்தைகள் பசி இல்லை என்று சொன்னால் அவர்களை எப்பவும் சாப்பிடுமாறு கட்டாயப்படுத்த வேண்டாம். சிலர் வலுக்கட்டாயமாக அவர்கள் சாப்பிட வேண்டும் என கட்டாயப்படுவத்துவோம். ஆனால், அப்படி செய்வது அவர்களின் மன ஆரோக்கியத்தை பாதிக்கும்.

குழந்தைகளுக்கு உணவு கொடுக்கும் நேரத்தை வழக்கப்படுத்துங்கள். தினமும் 3 வேளை சரியான நேரத்தில் உணவளியுங்கள். அடிக்கடி அவர்களுக்கு நொறுக்கு தீனிகளை அளிப்பது குழந்தையின் பசியை குறைக்கும். இதனால், அவர்கள் சரிவர சாப்பிடமாட்டார்கள்.

குழந்தைகளுக்கு உணவு ஊட்டும் போது பொறுமை மிகவும் அவசியம். உணவின் நிறம், வடிவம், நறுமணம் மற்றும் அமைப்பு பற்றி பேசுவதன் மூலம் உங்கள் குழந்தையை சாப்பிடுவதற்கு ஊக்குவிக்க முடியும். குழந்தைக்கு பிடித்த உணவுகளையும் சேர்த்து பரிமாறுங்கள்.

உணவை சாப்பிடும் போது எதாவது உணவு பிடிக்கவில்லை என்றால் கூட மறு உணவு தயாரிக்கும் வரை அவர்களை டேபிளில் இருந்து எழுந்திருக்க விடாதீர்கள். உணவு குறித்து ஊக்குவித்து கொண்டே இருங்கள். சாப்பிடும் நேரத்தை சரியாக கடைபிடிக்க சொல்லுங்கள். அவர்களுக்கு பிடித்த உணவுகளை செய்து கொடுங்கள்.

ப்ரக்கோலி மற்றும் பிற காய்கறிகளை சாஸ் உடன் பரிமாறலாம். குழந்தைகளுக்கு குக்கீஸ் பிடிக்கும் என்றால் வித விதமான வடிவங்களில் தயாரித்து கொடுக்கலாம். பல்வேறு வண்ண உணவுகளை பரிமாறுங்கள். தட்டில் வண்ணமயமான உணவுகள் இருந்தால் அது அவர்களை சாப்பிட தூண்டும்.

சூப்பர் மார்க்கெட் அல்லது மளிகைக் கடைக்கு செல்லும் போது பழங்கள், காய்கறிகள் மற்றும் பிற ஆரோக்கியமான உணவுகளைத் தேர்ந்தெடுக்க உங்களுக்கு உதவுமாறு உங்கள் பிள்ளையிடம் கேளுங்கள். சமைப்பதற்கு அவர்களது உதவியை நாடுங்கள். மாவு பிசைவது, பலம் உரிப்பது போன்ற வேலைகளை செய்யும் போது உணவு மீது இவர்களின் ஆர்வம் அதிகரிக்கும்.

உணவுகளை வெறுமனே பரிமாறாமல் அதை கிரியேட்டிவ் வடிவங்களில் செய்து பரிமாறலாம். காய்கறிகளை பல்வேறு வடிவங்களில் நறுக்கி குழந்தைகளுக்கு சாப்பிட கொடுக்கலாம். அவர்களுக்கு பிடித்த வடிவமைப்புகளை செய்ய சொல்லலாம். இது அவர்களின் ஆர்வத்தை அதிகரிக்கும்.

உணவின் போது  டிவி, மின்னணு சாதனங்கள் போன்றவற்றை பயன்படுத்த கூடாது. குழந்தை உணவில் மட்டுமே கவனம் செலுத்த வேண்டும். அப்பொழுது தான் நல்லா பசிக்கவும் செய்யும், குழந்தையும் வயிறு நிரம்பிய உணர்வை பெறுவார்கள். மொட்டை மாடியில் விளையாடவிட்டு உணவு கொடுப்பது. பறவைகள், விலங்குகள் ஆகியவற்றை காட்டி உணவு ஊட்டலாம்.

நீங்கள் இனிப்புகளை வெகுமதியாக அளிப்பது குழந்தைகளுக்கு இனிப்பின் மீதான விருப்பத்தை அதிகரிக்கும். வாரத்தில் இரண்டு நாட்கள் மட்டும் இனிப்பை வழங்கலாம். மற்ற நேரங்களில் இனிப்பு உணவுகளை தவிர்ப்பது நல்லது. இனிப்பின் மீது குழந்தைகளுக்கு அதிக நாட்டம் ஏற்பட்டால், அவர்கள் உணவு என்பதை தவிர்ப்பார்கள்.