உங்கள் குழந்தைகள் பொய் சொல்கிறார்கள் என்பதை எவ்வாறு கண்டறிவது?

சிறந்த பெற்றோர்கள் என்பது அவர்களின் குழந்தை வளர்ப்பிலேயே தெரிந்துவிடும். குழந்தையில், அனைத்து பெற்றோர்களும்  நல்லொழுக்கத்தையும், நன்னடத்தைகளை பற்றியும் தங்களது குழந்தைகளுக்கு கற்றுக்கொடுக்கின்றனர். இருப்பினும், சில விஷயங்களை குழந்தைகள் தாங்களாகவே கற்றுக்கொள்கின்றனர். அதில் ஒன்று தான் பொய் சொல்வது. உண்மையில் குழந்தைகள் பொய் சொல்வது என்பது அவர்களின் புத்திசாலித்தனத்தின் வெளிப்பாடு என்கிறார்கள் உளவியலாளர்கள்.

குழந்தையின் பொய்களுக்குப் பின்னே அவர்களின் நரம்பியல் வளர்ச்சி, சமூகத்தைப் புரிந்துகொள்ளும் விதம், உணர்ச்சி நிலை ஆகியன எல்லாம் மேம்பட்டு இருப்பதை உணரலாம் என்கிறார்கள். பெரும்பாலான குழந்தைகள் பிரச்னைகளுக்கு முற்றுப்புள்ளி வைக்கவும், பிரச்சனைகளைத் தவிர்க்கவும் பொய் சொல்வதாக வல்லுநர்கள் தெரிவித்துள்ளனர். குழந்தைகள் தங்கள் பெற்றோரிடம் சொல்லும் பொய்கள் கூட அழகுதான்.

இருப்பினும், சிறு வயதிலேயே நாம் அவர்களை கண்டிக்கவில்லை என்றால் நாமே நம் குழந்தைகளை தவறு செய்வதற்கு ஊக்குவிக்கிறோம் என்று அர்த்தமாகிவிடும். இருப்பினும் சில பெற்றோர்கள் தங்கள் குழந்தைகள் பொய் சொல்வதில்லை என்று நம்பிக்கை வைத்துள்ளனர். ஆனால் அவ்வாறு நினைப்பது தவறு. உங்கள் குழந்தை உங்களிடம் பொய் சொன்னால் அதனை கண்டுபிடிக்க சில அறிகுறிகள் இருக்கின்றன. அவற்றை குறித்து காண்போம்.

திணறல்: உங்கள் குழந்தை பொதுவாக மிகவும் அமைதியான, உணர்ச்சிகளை கட்டுக்குள் வைத்திருக்கும் குழந்தையாக இருக்கும் பட்சத்தில், உரையாடலுக்கு இடையில் அவர்களில் ஏற்படும் திணறல் மூலம் அவர்கள் பொய் சொல்கிறார்கள் என்பதை உணரலாம். அவர்கள் பொய் சொல்லும்போது அவர்களுக்கு ஒருவித சந்தேகம் இருப்பதால், அதுதான் தடுமாற்றத்தைத் தூண்டுகிறது. குழந்தைகள் பொய் சொல்லும் போது பொதுவாக ஏற்படும் ஒரு அறிகுறியாகும்.

கண் தொடர்பு: குழந்தைகள் பெரும்பாலும் பொய் சொல்லும்போது அசாதாரண கண் தொடர்புகளில் ஈடுபடுவார்கள். இளைய குழந்தைகள் உங்களது பார்வையைத் தவிர்க்கும்போது, ​​வளர்ந்த குழந்தைகள் உங்கள் கண்களைப் பார்ப்பதில் அதிக நம்பிக்கையுடன் இருப்பார்கள்.

மீண்டும் மீண்டும் பேசுவர்: திணறல் தவிர, குழந்தைகள் பெற்றோரிடம் பொய் சொல்லும்போது அவர்கள் சொல்வதையே அடிக்கடி கூறுவார்கள்.

அமைதியின்மை : அமைதியின்மை அல்லது ஓய்வின்மை என்பது குழந்தைகளில் பொய் சொல்வதற்கான ஒரு உறுதியான அறிகுறியாகும்.

பேசும் தொனியில் மாற்றம் : பொய் சொல்லும்போது, உங்கள் குழந்தையின் குரல் வழக்கம் சாதாரணமாக இருப்பதை விட அதிகமாக இருக்க வாய்ப்பு உள்ளது.

ரம்பளிங் (துறுதுறு) : உங்கள் குழந்தை இயல்பாகவே பேசாமல் இருந்து, இடைவிடாமல் பேசினாலோ, தன்னை விளக்கிக் கொண்டாலோ, தற்காத்துக் கொள்ள முயன்றாலோ, அவர்கள் பொய் சொல்கிறார்கள் என்று அர்த்தம்.

ஹைலி டிபென்சிவ் : உங்கள் பிள்ளை பொய் சொன்னால், அவர்கள் தங்கள் கூற்றுக்கள் சொல்வதிலும், தங்களை தற்காத்து கொள்வதிலும் குறியாக இருப்பார்கள். இருப்பினும், நீங்கள் அதை அசாதாரணமான அறிகுறிகளுடன் சேர்த்துக் கொள்ள முடியும்.

அவர்கள் சொல்லும் கதையில் நிலைத்தன்மையின்மை : குழந்தைகள் கற்பனையாக இருக்கும்போது, ​​அவர்கள் நிச்சயமாக ஒரு மாயையான கதையை சொல்லலாம். இருப்பினும், அவர்களின் கதைகள் சீரற்றதாகவும் பல ஓட்டைகள் இருப்பதாகவும் இருக்கும். இதன் மூலம் உங்கள் குழந்தை பொய் சொல்கிறது என்பதைக் கண்டறியலாம்.