குழந்தைக்கு டயப்பர் அணிந்து சரும அலர்ஜி ஏற்பட்டுள்ளதா..? இந்த வழிகளை பின்பற்றுங்கள்..!

குழந்தைகளுக்கு டயப்பர் அணிவது சகஜமாகிவிட்டாலும் அவை குழந்தையின் சருமத்திற்கு ஏற்றதாக இல்லை. அவை சரும அலர்ஜியை ஏற்படுத்துகின்றன. சரும தடிப்புகள், தோல் சிவத்தல், புண் ஏற்படுதல் போன்ற சருமத்தைப் பாதிக்கும் பக்க விளைவுகள் ஏற்பட்டால் கீழே குறிப்பிடும் வீட்டுக் குறிப்புகளைப் பின்பற்றுங்கள்.

ஆப்பிள் சிடர் வினிகர் : கிருமித் தொற்றுகளை அழிக்கும் வல்லமை ஆப்பிள் சிடர் வினிகருக்கு உண்டு. ஒரு கப் தண்ணீரில் ஒரு ஸ்பூன் ஆப்பிள் சிடர் வினிகர் கலந்து டையப்பர் அணியும் இடத்தில் கழுவுங்கள். அலர்ஜி ஏற்படாது.

ஆலிவ் எண்ணெய் : அழற்சியை நீக்கக்கூடிய மற்றும் கிருமித் தொற்று நுண்ணுயிரிகளைக் கொல்லக்கூடிய பண்புகள் ஆலிவ் எண்ணெய்யில் இருக்கின்றன. சருமத்தில் அலர்ஜி ஏற்பட்டிருந்தால் ஒரு சொட்டு எண்ணெய் ஊற்றி அந்த இடத்தில் தடவி வர அலர்ஜி குறையும்.

சோளமாவு : குழந்தையின் டயப்பரைக் கழட்டியவுடன் அந்த இடம் ஈரமாக இருக்கும். அந்த ஈரப்பதம் குழந்தைக்கு சரும அலர்ஜியை ஏற்படுத்தும். அதை உடனே உறிஞ்ச சோள மாவுவை பவுடர் போல் சுற்றிலும் பூசுங்கள். மென்மையான சருமம் பாதுகாக்கப்படும்.

தேங்காய் எண்ணெய் : பூஞ்சைகளை அழிக்கும் ஆற்றல் தேங்காய் எண்ணெய்க்கு உண்டு. இது சருமத்தின் ஈரப்பதத்தையும் தக்க வைத்துக் கொள்ளும். டயப்பர் போடும் இடத்தில் தேங்காய் எண்ணெய் தடவினால் சருமத் தொற்றுகள் வராது.

தாய்ப் பால் : குழந்தைகளின் டயப்பர் ராஷஸ்களை நீக்கும் ஆற்றல் இருக்கிறது என பல ஆய்வுகள் உறுதி செய்துள்ளன. இது எந்தவித பக்க விளைவுகளையும் ஏற்படுத்தாது. பாதிக்கப்பட்ட இடத்தில் தாய்ப் பாலை சிறிதளவு தேய்த்தால் தொற்றுகள் நீங்கும்.

தேன் : தேன் சிறந்த கிருமி நாசினி. இது சிறந்த மருந்தும் கூட. டயப்பரால் பாதிக்கப்பட்ட இடத்தில் தேனைத் தடவ அந்த இடத்தில் தழும்புகள், கருமை என எந்த சரும பாதிப்புகளும் இருக்காது.

பெட்ரோலியம் ஜெல்லி : இது சருமத்திற்குச் சிறந்த மாய்ஸ்சரைஸர். இது கிருமிகள் உற்பத்தி ஆவதையும் தடுக்கும். பக்கவிளைவுகளையும் அடியோடு நீக்கும். டயப்பர் போடும் முன் பெட்ரோலியம் ஜெல்லி தடவுங்கள்.