இன்னும் 4 நாட்கள்தான்... வேதனை வலிகளுக்கு அர்த்தம் கிடைக்கப்போகிறது - செல்வராகவன் மனைவி குழந்தை பிறப்பு பற்றி நெகிழ்ச்சி..!

7ஜி ரெயின்போ காலனி, ஆயிரத்தில் ஒருவன், புதுப்பேட்டை, என் ஜி. கே என பல ஹிட் திரைப்படங்களைக் கொடுத்த செல்வராகவனுக்கு இந்த வருடம் ஜாக்பாட்தான் அடிக்கப்போகிறது. தனுஷை வைத்து ஆயிரத்தில் ஒருவன் இரண்டாம் பாகம் எடுக்கப்போவதாக புத்தாண்டு அன்று போஸ்டர் வெளியிட்டார். அதோடு ஆயிரத்தில் ஒருவன் முதல் பாகத்தை ரீரிலீஸ் செய்தார். 2010 ஆண்டு வெளியான படமாக இருந்தாலும் கனிசமான அளவில் திரையரங்குகளில் கூட்டம் நிறைகிறது.

அதைத் தொடர்ந்து நேற்று அவருடைய மனைவி கீதாஞ்சலி 3வது குழந்தைப் பெற்றெடுக்க இன்னும் 4 நாட்கள்தான் உள்ளது என இன்ஸ்டாவில் தெரிவித்துள்ளார்.

செல்வராகவனின் மனைவி கீதாஞ்சலி இன்ஸ்டாகிராமில் மிகவும் ஆக்டிவானவர். அவருக்கு 36.6k ஃபாலோவர்களைக் கொண்டுள்ளார். சமீபத்தில் தனுஷ், ஐஷ்வர்யா என குடும்பத்தினருடன் கொண்டாடிய புத்தாண்டை இன்ஸ்டாவில் பகிர்ந்தது மிகவும் வைரலானது.

அதைத் தொடர்ந்து நேற்று அவர் ”இன்னும் 4 நாட்கள் உள்ளன. தூக்கமில்லா நாட்கள்..அதிகம் தூங்கி வழிந்த நாட்கள், வலி வேதனைகள் என அனைத்திற்கும் அர்த்தம் கிடைக்கப் போகிறது” என பகிர்ந்துள்ளார்.

அதாவது தற்போது கீதா நிறைமாத கர்ப்பிணியாக இருக்கிறார். எனவே மருத்துவர் கொடுத்த குறிப்புப் படி குழந்தைப் பிறக்க இன்னும் நான்கு நாட்கள் இருக்கின்றன என்பதையே அவ்வாறு கூறியுள்ளார். கீதா , செல்வராகவனுக்கு பிறக்கப்போவது மூன்றாவது குழந்தை. அவர்களுக்கு ஏற்கனவே மகன் மற்றும் மகள் என இரு குழந்தைகள் இருப்பது குறிப்பிடத்தக்கது.