கே.ஜி.எஃப் ராக்கியின் ஃபிட்னஸ் சீக்ரெட் இதுதான்! 

கே.ஜி.எஃப் படம் மூலம் கன்னட சூப்பர் ஸ்டாராக இருந்த யாஷ் தற்போது பான் இந்தியா ஸ்டாராக அசத்தி வருகிறார். கன்னடம் மட்டுமின்றி தமிழ், தெலுங்கு, மலையாளம், இந்தி என அனைத்து ரசிகர்களும் யாஷ் நடிப்பிற்கு அடுத்தபடியாக கண்டு வியக்கும் மற்றொரு விஷயம் அவருடைய கட்டுமஸ்தான உடல் தோற்றத்தைத் தான். உடலை பிட்டாக வைத்துக் கொள்வதில் இளைஞர்கள் பலருக்கும் யாஷ் ரோல் மாடலாக மாறியுள்ளார். நடிகர் யாஷின் பிட்னஸ் சீக்ரெட் இதோ...

1. மிரளவைக்கும் யாஷின் மாஸ் லுக்: கே.ஜி.எஃப் படத்தில் யாஷ் உச்சகட்ட புகழ் அடைய, மாஸ் ஹீரோவுக்கே உரித்தான கட்டுமஸ்தான உடல் தோற்றம் மிகவும் உதவியது. தற்போது கே.ஜி.எஃப் 2 படத்திலும் தன்னுடைய உடலைக் கட்டுக்கோப்பாக வைத்திருக்க யாஷ் பல்வேறு உடற்பயிற்சிகள் மற்றும் உணவுப் பழக்கத்தை பின்பற்றியிருக்கிறார்.

2. கடின உழைப்பாளி: ஒரே ஒரு படம் மூலமாக உலக புகழ் அடைவது என்பது அனைவருக்கும் எளிதில் கிடைத்துவிடாது. கே.ஜி.எஃப் முதல் பாகத்தில் கிடைத்த பெயரையும், புகழையும் கே.ஜி.எஃப் 2 படத்திலும் பெற யாஷ் வழக்கத்தைவிட கடினமாக உழைத்தார்.

3..ஒழுக்கமான வாழ்க்கை முறை: யாஷ் ஒரு முறையான வாழ்க்கை முறை மற்றும் கண்டிப்பான தினசரி வழக்கத்தை பின்பற்றுகிறார். ஷூட்டிங்கில் என்ன தான் பிசியாக இருந்தாலும் தினமும் காலை 6 மணிக்கு எழுந்துவிடுவதை தனது வழக்கமாக கொண்டிருக்கிறார். அதன் பின்னர்

4. கார்டியோ பயிற்சி: தினமும் யாஷ் தனது உடற்பயிற்சியை கார்டியோ பயிற்சியுடன் தொடங்குகிறார். இது அன்றை தினத்தை சுறுசுறுப்பாக்கவும், அடுத்தடுத்து அவர் செய்ய உள்ள உடற்பயிற்சிக்கு சூடேற்றவும் உதவுகிறது.

5. கலப்பு பயிற்சி: சூப்பர் ஸ்டார் யாஷ் தனது தசைகளை அதிகப்படுத்தவும் வலுப்படுத்தவும் தனது வழக்கமான ஒரு மணி நேர மிக்ஸ்ட் டிரெய்னிங்கை பின்பற்றுகிறார். மார்பு, தோள்பட்டை, ட்ரைசெப்ஸ், பைசெப்ஸ் என அனைத்திற்குமான ஒர்க் அவுட்டை செய்கிறார்.

6. தினமும் இரு முறை உடற்பயிற்சி: ஒரே நாளில் எல்லா வகையான உடற்பயிற்சிகளையும் செய்யாமல் காலை மாலை இரண்டு வேளையும் பயிற்சியில் ஈடுபடுகிறார். மாலை நேரத்தில் ஹெவிவெயிட் பயிற்சி மற்றும் வேறுபட்ட சில உடற்பயிற்சிகளையும் மேற்கொள்கிறார்.

7. நிலைத்தன்மைக்கு முக்கியத்துவம்: உடலை எப்போதும் பிட்டாகவும், ஒரே மாதிரியும் வைத்துக்கொள்ள விரும்பும் யாஷ் வாரத்தில் 6 நாட்களும் உடற்பயிற்சி செய்கிறார். ஒரு நாளைக்கு ஒரு பயிற்சி என ஏழு நாட்கள் ஏழு பயிற்சிகளை என்று பிரித்து, ஸ்பெஷல் வொர்க் அவுட் செய்திருக்கிறார்.

8. கடுமையான உணவுக்கட்டுப்பாடு: யாஷ் கடுமையான டயட்டைப் பின்பற்றுகிறார். தினந்தோறும் சரிவிகித உணவை எடுத்துக்கொள்ளும் யாஷ், நொறுக்குத் தீனிகளை தீண்டவே மாட்டாராம்.

9. சீட்டிங் டயட்: வாரத்திற்கு 6 நாட்களும் கடுமையான உடற்பயிற்சி, தீவிர உணவுக் கட்டுப்பாடு என இருக்கும் யாஷ், வாரத்தில் ஒரு நாள் மட்டும் சீட்டிங் டயட் முறையை பின்பற்றுகிறார். அன்றைய தினம் தனக்கு பிடித்தமான உணவை உட்கொள்வதை வழக்கமாக கொண்டுள்ளார்.