இந்தியர்களின் சராசரி உடல் எடை, 5 கிலோ அதிகரிப்பு - தேசிய ஊட்டச்சத்து நிறுவனம் அறிவிப்பு

இந்தியர்களின் சராசரி உடல் எடை, ஐந்து கிலோ அதிகரிக்கப்பட்டுள்ளதாக தேசிய ஊட்டச்சத்து நிறுவனம் அறிவித்துள்ளது.

2010ம் ஆண்டு, இந்தியாவில் ஆண்களின் சரியான எடை 60 கிலோ எனவும், பெண்களின் எடை 50 என்றும் தேசிய ஊட்டச்சத்து நிறுவனம் தெரிவித்தது.

இந்தநிலையில் 10 ஆண்டுகளுக்கு பிறகு வெளியிடப்பட்டுள்ள அறிவிப்பில், ஆண்களுக்கான சரியான எடையை 65 ஆக உயர்த்தியுள்ளது.

அதேபோல பெண்களுக்கான உகந்த எடை 55 எனவும் குறிப்பிட்டுள்ளது. ஆண்களுக்கு ஏற்ற உயரம் 5. 8 அடி எனவும், பெண்களுக்கு 5. 3 சரியான உயரம் என்றும் தெரிவித்துள்ளது.