மேக்கப் கலையாமல் ப்ளோட்டிங் பேப்பரை பயன்படுத்துவது எப்படி?

குறிப்பாக எண்ணெய்ப் பசையுள்ள சருமம் கொண்டவர்களுக்கு, முகம் பிசுபிசுப்பாகக் காட்சியளிக்கும். எனவே ஆயில் ஸ்கின் வகையைச் சார்ந்த பெண்கள், ப்ளோட்டிங் ஷீட்களை கைவசம் வைத்திருப்பது மிகவும் நல்லது.

முகத்தில் வழியும் அதிகப்படியான எண்ணெய் மற்றும் வியர்வையைக் கச்சிதமாக துடைத்தெடுக்க ப்ளோட்டிங் பேப்பர்கள் பயன்படுகின்றன. பருத்தியால் ஆன ப்ளோட்டிங் பேப்பர்.

மேக்கப்பை அழிக்காமல் லேசாக ஒத்தி எடுப்பதன் மூலமாக வியர்வை மற்றும் எண்ணெய்ப் பசையை க்ளீனாக எடுக்க உதவுகிறது. தற்போது சரும வகைகளுக்கு ஏற்ப ஏராளமான ப்ளோட்டிங் பேப்பர்கள் விற்பனைக்குக் கிடைக்கின்றன.

ஜிம்மில் அல்லது டான்ஸ் ஃப்ளோரில் வியர்க்க விறுவிறுக்கப் பயிற்சி செய்து பிறகு, முகத்திலிருந்து எண்ணெய் கலந்த வியர்வை அதிக அளவில் வெளியாகும். இதனை ப்ளோட்டிங் ஷீட்களை பயன்படுத்திச் சுத்தப்படுத்தலாம். மற்றவர்களை விட எண்ணெய்ப் பசை அதிகமுள்ள சருமத்தைக் கொண்டவர்களின் மேக்கப்பை சிறப்பாகப் பாதுகாக்க ஆயில் ப்ளோட்டிங் ஷீட்கள் கிடைக்கின்றன.

மேக்கப் உடன் இருக்கும் முகத்தில் வியர்வையோ, எண்ணெய் பிசுபிசுப்போ எட்டிப்பார்த்தால், உடனே உங்கள் ஹேண்ட்பேக்கில் வைத்துள்ள ப்ளோட்டிங் பேப்பரை எடுங்கள். முதலில் உங்கள் தாடை பகுதி, மூக்கு, நெற்றி, கன்னங்கள் ஆகிய பகுதிகளில் மெதுவாக ஒத்தி எடுக்க வேண்டும்.

வியர்வை வழியும் இடத்தில் முதலில் ப்ளோட்டிங் ஷீட்டை வைத்து சில நொடிகளுக்குப் பின்னர் எடுக்கவும், இப்போது அந்த பேப்பர் வியர்வை அல்லது எண்ணெய்யை உறிஞ்சப்பட்டிருக்கும். இதேபோல் முகத்தின் அனைத்து பகுதிகளிலும் செய்ய வேண்டும்.

மேக்கப் அழியாமல் இருக்க வேண்டும் என்றால், எக்காரணம் கொண்டும் ப்ளோட்டிங் பேப்பரை முகத்தில் வைத்துத் தேய்க்கவோ, அழுத்தித் துடைக்கவோ கூடாது. சருமத்தின் மீது வைத்து ஜென்டிலாக ஒத்தி எடுத்தாலே போதும், வியர்வை, அழுக்கு, எண்ணெய்ப் பசை ஆகியவற்றை ப்ளோட்டிங் பேப்பர் பக்காவாக சுத்தம் செய்துவிடும்.

‘கடுகு சிறுத்தாலும் காரம் குறையாது’ என்பது போல், பார்க்க சிறியதாக இருந்தாலும் ஒரு ப்ளோட்டிங் பேப்பர் ஒட்டுமொத்த முகத்தையும் சுத்தப்படுத்த போதுமானதாக இருக்கும். சரும பராமரிப்பு மீது அதிக அக்கறை கொண்டவர்கள் இரண்டு தாள்களைக் கூட பயன்படுத்தலாம்.