டாய்லெட்டை எப்போதும் நறுமணத்துடனும் , சுத்தமாகவும் வைத்துக்கொள்ள வேண்டுமா..? உங்களுக்கான சில டிப்ஸ்

பாத்ரூம் துர்நாற்றம் யாருமே விரும்பாத ஒன்று. இருப்பினும் அதைப் பயன்படுத்தித்தான் ஆக வேண்டும். இருப்பினும் அந்த துர்நாற்றம் போக்க முடியாதது அல்ல. நம்முடைய பராமரிப்பும், பாதுகாப்புமே பாத்ரூமை சுத்தமாக வைத்துக்கொள்ளும். எவ்வாறு என்பதைக் காணலாம்.

டாய்லெட் பிரெஷ் : பாத்ரூம் என்பது கிருமிகளின் சொர்க்கம். ஆக அங்குக் கிருமிகள் அதிகரிக்குமே தவிரக் குறையாது. அதைக் கட்டுப்படுத்த டாய்லெட் பிரெஷுகளை வைக்கக்கூடிய டப்பாவில் கொஞ்சம் வாசனை திரவியங்கள், வீட்டைத் துடைக்கப் பயன்படுத்தப்படும் லிக்குவிடை அதில் ஊற்றுங்கள். அதற்குள் டாய்லெட் பிரெஷை முக்கி வையுங்கள்.

குப்பைத் தொட்டி பராமரிப்பு : பாத்ரூமில் வைக்கப்படும் குப்பைத் தொடியில் அதிகபட்சமாக டிஷ்யூ பேப்பர், பெண்கள் பயன்படுத்தப்படும் நாப்கின்கள், ஷாம்பூ கவர் போன்ற பாத்ரூம் பயன்பாடுகள்தான் இருக்கும். இருப்பினும் அவையும் துர்நாற்றத்தை ஏற்படுத்தக்கூடியவையே. குப்பைத்தொட்டியைத் தினமும் சுத்தமாக வைத்துக் கொள்ளுங்கள். தினமும் சேரும் குப்பைகளை அன்றே கொட்டிவிடுங்கள்.

பேப்பர் ரோலில் வாசனை திரவியங்கள் : பாத்ரூமில் பேப்பர் ரோல் பயன்படுத்துகிறீர்கள் எனில் அதில் இரண்டு சொட்டு வாசனை எண்ணெய் ஊற்றுங்கள். பாத்ரூமில் வாசனை நீடித்திருக்க இதுவும் ஒரு வழி.

வாசனை கலந்த மெழுகுவர்த்தி : வாசனை கலந்த மெழுகுவர்த்திகள் வீட்டின் வாசனைக்கு மட்டுமல்ல பாத்ரூம் துர்நாற்றம் நீக்கவும் உதவும். வீட்டில் இருக்கும்போது பாத்ரூமில் இந்த மெழுகுவர்த்தியை ஏற்றி வைப்பதால் துர்நாற்றம் நீங்கும். அதன் வெப்பமும் துர்நாற்றத்தை நீக்கும்.

காற்று வெளியேற போதுமான வசதி : துர்நாற்றம் பாத்ரூம் உள்ளேயே சூழ்ந்துகொள்ளாமல் இருக்கக் காற்று வெளியேறுமாறு ஜன்னல் வையுங்கள். பாத்ரூம் கதவையும் அவ்வப்போது திறந்து வைத்து துர்நாற்றத்தை நீக்கலாம்.

டாய்லெய் டேங்க் சுத்தம் : டாய்லெட்டின் ஃபிளஷ் செய்யக் கூடிய டேங்க்கி ஒரு கப் வினிகர் ஊற்றுங்கள். ஒவ்வொரு ஃபிளஷிலும் டாய்லெட் புத்துணர்ச்சியாகும்.

டவலை சுத்தம் செய்யுங்கள் : பாத்ரூமில் பயன்படுத்த மாற்றி வைக்கப்படும் டவல்களை அடிக்கடி துவைத்து சுத்தமாக வைத்துக் கொள்ளுங்கள். ஈரமாகத் தொங்க விடாமல் நன்குக் காய வைத்துப் பயன்படுத்துங்கள்.

பாத்ரூமை அடிக்கடி கழுவுங்கள் : இரண்டு நாளுக்கு ஒரு முறை பாத்ரூமை முற்றிலுமாகக் கழுவுங்கள். சோப்புத் தண்ணீரின் கொஞ்சம் வாசனைத் திரவியங்கள் பயன்படுத்துங்கள். இதனால் எண்ணற்றக் கிருமிகளும் அகலும்.