சம்மர் வந்தாலே உங்க ஃபிரிஜில் இப்படி சத்தம் கேட்குதா..? இந்த பிரச்சனையாக இருக்கலாம்.!

குளிர்சாதனப்பெட்டியில் உள்ள தெர்மோஸ்டாட்டிலிருந்து ஒரு சிக்னல் ஆன் அல்லது ஆஃப் ஆகும். இந்த சத்தம் எப்போதும் கேட்பது இயல்பானது. அதேபோல் ஃபிரிட்ஜ் ஓடும் சத்தமும் எப்போதும் கேட்கக்கூடியது. இருப்பினும், உங்கள் குளிர்சாதனப்பெட்டியில் இருந்து வழக்கத்திற்கு மாறாக வேறு வகையான சத்தம் வந்தால் நீங்கள் உடனடியாக எச்சரிக்கையாவது அவசியம். உடனே ஃபிரிட்ஜ்-ஐ பழுது பார்ப்பது அவசியம்.

குளிர்சாதன பெட்டியின் அடிப்பகுதியில் இருந்து வரும் சத்தம்: குளிர்சாதன பெட்டியின் அடிப்பகுதியில் இருந்து சத்தம் கேட்டால், வடிகால் தொட்டியில் சிக்கல் இருக்கலாம். எனவே அதை கழற்றி சுத்தம் செய்து மாட்டுங்கள்.

குளிர்சாதனப்பெட்டியின் பின்புறத்தில் இருந்து சத்தம் : உங்கள் குளிர்சாதன பெட்டியின் பின்புறத்தில் இருந்து சத்தம் வந்தால் மின்தேக்கி அல்லது கம்ப்ரசரில் பிரச்சனை இருக்கலாம். மின்தேக்கி விசிறியில் இருந்து சத்தம் வருவதாக நீங்கள் நினைத்தால், மின்விசிறி பிளேடுகளில் படிந்திருக்கும் தூசியை சுத்தம் செய்ய வேண்டும். இதற்கு ஒரு எலக்ட்ரீஷியன் உதவியை நாடலாம்.

குளிர்சாதனப்பெட்டியின் உள்ளே இருந்து சத்தம்: உங்கள் குளிர்சாதனப்பெட்டியின் உள்ளிலிருந்து சத்தம் வந்தால் பிரச்சனை ஃப்ரிட்ஜ் மின்விசிறியில் இருக்கலாம். இதைச் சரிபார்க்க, ஃபிரிட்ஜ் பழுது பார்ப்போரை அழைத்து சரி செய்யலாம்.

உங்கள் குளிர்சாதன பெட்டியில் கீச் சத்தம் : ஃபிரிட்ஜிலிருந்து கீச்சிடுவது அல்லது அதிக சத்தம் வருகிறது எனில் ஃபிரிட்ஜ் ஃபேன் மிகவும் மோசமாக உள்ளது என்று அர்த்தம். அதை உடனே சரி செய்ய எலக்ட்ரீஷியனை வரவழைத்து பழுது பாருங்கள்.

யாரோ தட்டுவது போல் சத்தம் : உங்கள் குளிர்சாதனப்பெட்டியில் இருந்து தட்டுவது போன்ற சத்தம் வந்தால், மின்தேக்கி செயலிழந்துவிட்டது அல்லது மோட்டார் சரியாக வேலை செய்யவில்லை என்பதற்கான எச்சரிக்கையாக இருக்கலாம்.

ஐஸ் பெட்டியில் கிளிக் செய்யும் ஒலி : உங்கள் ஐஸ் ஃப்ரீசரிலிருந்து கிளிக்-கிளிக் என்ற சத்தம் வந்தால், நீர் இணைப்பு வால்வு தளர்வாக இருக்கலாம் அல்லது நீர் விநியோகம் செய்யும் ஒயர் துண்டிக்கப்பட்டிருக்கலாம். இதற்கு எலக்ட்ரீஷியன் உதவியையும் நாட வேண்டும்.