உங்களின் டேபிளில் இந்த 5 பொருட்களை வைத்தால் செல்வம் செழிக்கும்!

அன்றாடம் நாம் அதிகமாக உழைப்பதற்கு முக்கிய காரணமே பணம் தான். இன்றைய உலகில் பணம் இல்லாமல் நம்மால் எதையும் செய்ய இயலாது. அந்த அளவிற்கு நமது வாழ்வில் முக்கிய அங்கத்தை பணம் பிடித்துள்ளது. இதை சம்பாதிப்பதற்கு தான் இரவு பகலாக நாம் உழைத்து வருகிறோம்.

பணத்தை எளிதில் அதிகரிக்க சில வழிமுறைகள் உண்டு என்று வாஸ்து வல்லுநர்கள் கூறுகின்றனர். அந்த வகையில் மணி பிளான்ட் போன்ற சிறிய தாவரங்களை வீட்டில் நாம் வளர்ப்போம். இது போன்று மேலும் 5 முக்கிய பொருட்கள் உள்ளன. அவை என்னென்ன என்பதை பற்றி இந்த பதிவில் தெரிந்து கொள்வோம்.

சிரிக்கும் புத்தர் : ஆங்கிலத்தில் 'லாஃபிங் புத்தா' என்று சொல்ல கூடிய குபேரர் போன்ற பொம்மையை பலர் தங்களது டேபிளில் வைப்பது வழக்கம். ஆம், இது உண்மையில் சிறப்பாக செயல்படுவதாக பலர் நம்புகின்றனர். இந்த சிரிக்கும் புத்தரை நமது பணம் இருக்க கூடிய டேபிள் அல்லது வேறு அறைகளில் வைத்தால் வீட்டில் செல்வம் பெருகும். மேலும் மகிழ்ச்சி அதிகரிக்கும். இந்த சிலையை தினமும் காலையில் எழுந்த உடன் அதன் வயிற்றை துடைத்தால் போதும், நல்லதே நடக்கும். மேலும் இதை தென்மேற்கு மூலையில் வைக்கலாம்.

டிராகன் சிலை : ஃபெங் சுய் என்கிற சீன முறையால் அங்கீகரிக்கப்பட்ட தங்க டிராகனை வீடுகள் அல்லது கடைகளில் வைத்து கொள்ளலாம். இதை புத்தருக்கு அருகில் அல்லது அதன் எதிர் பக்கத்தில் வைக்கவும். ஃபெங் சுய் மற்றும் சீன கலாச்சாரத்தின் படி இந்த டிராகனானது அதிர்ஷ்டமான ஒன்றாகும். மற்றும் இது மிகவும் புனிதமானதாக கருதப்படுகிறது. இது உங்களுக்கு பல வெற்றிகளை தரும். எனவே ஒரு நல்ல சிலையை வாங்கி வையுங்கள்.

சிங் நாணயங்கள் : வெண்கல நிறத்தில் சதுரமாக வெட்டப்பட்ட மையத்துடன் வட்ட நாணயங்களை பணம் அதிகரிக்க பல இடங்களில் பயன்படுத்துவார்கள். இது சிவப்பு பட்டு அல்லது கயிற்றில் கட்டப்பட்டிருக்கும். இந்த நாணயங்கள் அதிர்ஷ்டத்தை தர கூடியவை. இதிலுள்ள வட்ட வடிவமானது சொர்க்கத்தைக் குறிக்கிறது மற்றும் சதுர வெட்டானது பூமியை குறிக்கிறது. இதை உங்கள் டேபிள் அல்லது கதவு கைப்பிடியில் தொங்க விடலாம்.

பணத் தவளை : இது செல்வத்தை ஈர்ப்பதாக கூறப்படுகிறது. இது தங்கம் அல்லது பீங்கான் ஆகியவற்றால் ஆனது. இதை உங்கள் மேசையின் நுழைவாயில் அல்லது வடக்குப் பகுதிக்கு அருகில் வைக்கலாம். குறிப்பாக இதை வெளிப்புறமாக வைக்க கூடாது. எனவே உள்நோக்கி நடனமாடுவது போன்ற முறையில் வைக்கலாம்.

ஊதுபத்திகள் : காலையில் ஊதுபத்திகள் இறைவனுக்கு காட்டி படைக்கும் பழக்கம் மிகவும் நல்லது. இதன் மூலம், உங்கள் வருமானத்தில் செழிப்பைத் தடுக்கும் எதிர்மறை ஆற்றல்களை விரட்ட முடியும். ஊதுபத்திகளில் சிவப்பு நிறங்கள் கொண்டவை மிகவும் சிறந்ததாக கருதப்படுகிறது.