லாக்டவுன் வந்தாச்சு… உங்க ஃபிரிட்ஜில் தயார் நிலையில் வைக்க வேண்டிய இந்த 11 உணவுப் பொருட்களை மறந்துடாதீங்க…

இப்போது நமக்கு லாக்டவுன் என்பது புதிதல்ல. உடலளவிலும், மனதளவிலும் இவற்றை சமாளிக்கும் ஆற்றலை கடந்த இரண்டு ஆண்டின் அனுபவம் நமக்கு அளித்திருக்கிறது. இந்த வருடமும் கொரோனா எண்ணிக்கை அதிகரித்துக்கொண்டிருப்பதன் காரணமாக ஞாயிறு முழு ஊரடங்கும் மற்றும் இரவு ஊரடங்கு அறிவிக்கப்பட்டுள்ளது. எனவே அதற்கு இப்போதே தயாராகிவிடுங்கள். உங்கள் ஃபிரிட்ஜில் சேமித்து வைக்க வேண்டிய அத்தியாவசியமான 10 உணவுப் பொருட்களை பற்றி பார்ப்போம்.

பால் , தயிர் : இவை இரண்டுமே அத்தியாவசியத் தேவைகளில் முதலிடம் பிடிப்பவை. குறிப்பாக குழந்தைகள், பெரியவர்கள் உள்ள வீட்டில் அவசியம் தேவைப்படும். எனவே இவை இரண்டையும் தேவைக்கு கூடுதலாக ஒன்றை வாங்கி வைத்துக்கொள்ளுங்கள்.

காய்கறிகள் : இதுபோன்ற தொற்று காலத்தில் காய்கறி உணவுகள் அவசியம். எனவே உங்கள் தேவைக்கு ஏற்ப வாங்கி சேமித்து வைத்துக்கொள்ளுங்கள்.

பழ வகைகள் : பழ வகைகள் உடலுக்கு வைட்டமின் மற்றும் மினரல்களை அளிப்பதால் அவற்றை தவறாமல் உட்கொள்ளுங்கள். எனவே அவற்றையும் தேவைக்கு ஏற்ப சேமித்து வைத்துக்கொள்ளுங்கள்.

ரெடிமேட் உணவுகள் மற்றும் ஊறுகாய் : ரெடிமேட் மிக்ஸ் வகைகளை வாங்கி ஃபிரிட்ஜில் வைத்துக்கொண்டால் அவ்வப்போது தேவைக்கு சுலபமாக பயன்படுத்திக்கொள்ளலாம். ஒருவேளை உங்களுக்கு உடல் நிலை சரியில்லை என்றாலும் இந்த ரெடிமேட் மிக்ஸ் வகைகள் உதவலாம். ஊறுகாயும் அவசரத் தேவைக்கு உதவும் அத்தியாவசிய உணவுப் பொருளாகும்

ஜூஸ் வகைகள் : வீட்டில் குழந்தைகள் அல்லது பெரியவர்களாக இருந்தாலும் புத்துணர்ச்சிக்காக ஃபிரிட்ஜில் ஜூஸ் வகைகளை வாங்கி வைத்துக்கொள்வார்கள். கியாஸ் அடைக்காத ஃபிரெஷான பழச்சாறுகளும் இப்போது கிடைக்கின்றன. அவற்றையும் வாங்கி வைத்துக்கொள்ளுங்கள்.

நட்ஸ் மற்றும் உலர் பழங்கள் : டிரை ஃப்ரூட்ஸ் எனப்படும் உலர் பழங்கள் மற்றும் நட்ஸ் வகைகளையும் வாங்கி வைத்துக்கொள்ளுங்கள். இவற்றை தினம் ஒரு கையளவு சாப்பிட தேவையான ஊட்டச்சத்தை பெறலாம். இந்த சமயத்தில் இவை கட்டாயம் தேவை. எனவே நட்ஸ் , உலர் பழங்களை வாங்கி வைத்துக்கொள்ளுங்கள்.

எலுமிச்சை , இஞ்சி , புதினா : இவை மூன்றும் சாதாரண தொற்று முதல் கொரோனா தொற்று வரை நம்மை பாதுகாக்க உதவும். கடந்த கொரோனா லாக்டவுனில் இவை அதிகமாக விற்பனையானதை மறக்க முடியாது. எனவே அவசரத் தேவைக்கு இவை மூன்றையும் சேமித்து வைத்துக்கொள்வது நல்லது. குளிர்காலத்திற்கும் இவை தேவைப்படும்.

வெண்ணெய், நெய், சாஸ் வகைகள் : இவை மூன்றையும் அதிகமாக பயன்படுத்தும் பழக்கம் அதிகரித்துவிட்டது. எனவே இவை போதுமான அளவு இருக்கின்றனவா என்பதை பார்த்துக்கொள்ளுங்கள். இல்லையெனில் சேமித்து வைத்துக்கொள்ளுங்கள்.

சீஸ் மற்றும் பனீர் : சீஸ் மற்றும் பனீர் விரும்பிகள் இன்று அதிகரித்துவிட்டனர். பனீர் சமையலுக்கு பயன்படுத்தலாம். வீட்டில் இருப்பதால் ஸ்நாக்ஸ் சாப்பிடத் தோன்றும்போது சீஸ் கொண்டு சாண்ட்விச் அல்லது ஸ்நாக்ஸ் வகைகளை செய்யலாம்.

இறைச்சி : ஃபிரெஷ் இறைச்சியை ஃபிரீசரில் சேமித்து வைத்துக்கொள்ளுங்கள். இவை புரோட்டீனுக்கு மிகவும் அவசியம்.

முட்டை : முட்டையும் நம் அவசரத் தேவைக்கு உதவக்கூடியது. அதேசமயம் புரோட்டீன் சத்தும் நிறைவாக இருப்பதால் இதை வாங்கி வைத்துக்கொள்வது மிகவும் நல்லது.