ஏ.சி , ஏர் கூலர் இல்லாமல் இந்த கோடைக்காலத்தை சமாளிக்க வேண்டுமா..? அப்போ இந்த 10 விஷயங்களை தெரிஞ்சுக்கோங்க..!

கோடைக்காலம் வந்துவிட்டாலே வீட்டிலும் சரி, வெளியே சென்றாலும் சரி வெயிலின் தாக்கத்தை சமாளிப்பது சற்று கடினம்தான். அதற்காக நாம் எப்போதும் ஏ.சி. , ஃபேனை போட்டு வைத்திருக்க முடியாது. கரண்டு பில் எகிறிவிடும். வாங்கும் வருமானம் கரண்ட் பில் கட்டவே சரியாக இருக்கும். எனவே வீட்டை எப்போதும் குளுமையுடன் வைத்துக்கொண்டால் இந்த பிரச்சனையே இருக்காது. எப்படி என்று கேட்கிறீர்களா..? மேலும் படியுங்கள்...

எக்ஸாஸ்ட் ஃபேன் பயன்படுத்துங்கள் : வீட்டில் இருக்கும் வெப்பம் நிறைந்த காற்றை வெளியேற்ற உதவும் எக்ஸாஸ்ட் ஃபேன் பயன்படுத்துவதால் வீடு கூலாக இருக்கும்.

ஐஸ் கட்டி மற்றும் டேபிள் ஃபேன் : கடுமையான வெயில் தாக்கம் இருந்தால் ஒரு பவுள் நிறைய ஐஸ் கட்டிகளை நிரப்பி அதை டேபிள் ஃபேன் முன் வைத்தால் ஏசி போல் சில்லென காற்று வீசும்.

கதவுகளைத் திறந்து வையுங்கள் : வெளிக்காற்று உள்ளே வருமாறு கதவுகள் மற்றும் ஜன்னல்களைத் திறந்த வையுங்கள். அதேசமயம் வீட்டில் இருக்கும் வெப்பமும் வெளியேறும். மாலை நேரத்திலும் கதவைத் திறந்து வைத்தால் குளிர்சியான காற்று வீட்டை கூலாக்கும்.

தேவையற்ற அடைப்பை நீக்குங்கள் : வீட்டில் தேவையற்ற மர சாமான்கள், கட்டு கட்டாக பழைய நியூஸ் பேப்பர்கள் என குவித்து வைத்திருந்தால் அவற்றை உடனே நீக்கி வீட்டை சுத்தமாக வைத்துக் கொள்ளுங்கள். காற்று உள்ளே செல்ல இடத்தை விசாலமாக்குங்கள்.

செடி வளர்க்கலாம் : வீட்டிற்குள் இடம் இருந்தால் ஆங்காங்கே செடிகள் வைத்தால் வீடு குளிர்சியை தக்க வைக்கும். அதேபோல் வீட்டில் ஆங்காங்கே பவுல்களில் தண்ணீர் நிரப்பி கூழாங்கற்களைப் போட்டு வைத்தாலும் வீட்டில் குளுமை நிறைந்திருக்கும்.

காட்டன் துணி பயன்படுத்துங்கள் : ஸ்கிரீன் துணி. சோஃபா கவர், கட்டில் மெத்தை, தலையணை என எதுவாயினும் அவற்றிற்கு காட்டன் துணிகளை பயன்படுத்துங்கள். அவை வீட்டின் குளிர்ச்சியை தக்க வைக்கும். சிந்தடிக் போன்றவை சூட்டை கிளப்பக் கூடியது. முடிந்தால் தலையணை உறைகளில் அரிசியை நிரப்பி அதை தலைக்கு வைத்துத் தூங்குவதாலும் குளுர்ச்சி கிடைக்கும்.

தேவையற்ற மின் சாதனங்களை அனைத்து வையுங்கள் : வீட்டில் பல்பு தேவையில்லாமல் எரிந்தாலோ, கணினி, ஃபிரிஜ் என மின் சாதனப் பொருட்கள் தேவையில்லாமல் ஓடிக் கொண்டிருந்தால் அதை அனைத்து விடுங்கள். அவை வெப்பத்தை வெளியேற்றக் கூடியவை.

நீர் அருந்துங்கள் : அடிக்கடி நீர் அருந்துவதால் உங்கள் உடல் வெப்பம் தனிந்து ஈரப்பதம் தக்க வைக்கப்படும். இதனால் வெப்பத்தில் எரிச்சல் உங்களைத் தாக்காது.

நீர் நிறைந்த பழங்களை உண்ணுங்கள் : தர்பூசணி, கிர்ணி பழம், முலாம் பழம் , வெள்ளறி என நீர் நிறைந்த பழங்களை அதிகம் உட்கொள்ளுங்கள். இதனால் உடல் சூட்டை தனிக்கலாம்.

மொட்டை மாடியில் நீர் தெளியுங்கள் அல்லது தென்னை ஓலை பரப்புங்கள் : உங்கள் சீலிங் குளிர்ச்சியாக இருந்தால்தான் வீட்டின் வெப்பம் இறங்காது. அதற்கு அவ்வபோது மொட்டைமாடியில் தண்ணீர் தெளித்தால் சீலிங் குளிர்ச்சியாக இருக்கும். பச்சையான தென்னை ஓலைகளை மாடியில் பரப்புவதன் மூலம் நேரடியாக வெயில் வெப்பம் தாக்குவதைத் தவிர்க்கலாம். சீலிங் குளிர்ச்சியாக இருக்கும்.