உங்க வீட்டு ஃபேன் வேகமாக சுற்றவில்லையா..? வெறும் 70 ரூபாய் செலவில் 5 மடங்கு வேகம் கிடைக்க சூப்பரான டிப்ஸ்..!

எல்லோர் வீடுகளிலும் மின்விசிறிகள் உண்டு. ஏர் கூலர், ஏசி வாங்க முடியாத சிலருக்கு கோடைக் காலத்திலும் மின்விசிறிதான் கைக்கொடுக்கிறது. ஆனால் குளிர்காலத்தில் மின்விசிறி இயல்பான வேகத்தில் இயங்கும். அந்த சமயத்தில் அந்த வேகம் போதுமானதாக இருக்கும். சில நேரங்களில் மின் விசிறியை பயன்படுத்தக்கூட மாட்டோம். ஆனால் கோடைக்காலம் வந்துவிட்டால் ஒரு நிமிடம் கூட மின்விசிறியின்றி இருக்க முடியாது.

கொளுத்தும் வெயிலுக்கு எப்போதும் சுற்றும் மின்விசிறியின் வேகம் குறைவாக இருப்பதை உணரலாம். அப்போதுதான் மின்விசிறி வேகம் குறைந்திருப்பதையே நாம் கவனிப்போம். ஏ.சி இல்லாத வீடுகளுக்கு இது பெரும் சிரமத்தை உண்டாக்கலாம். இதனால் சிலர் புது ஃபேன் கூட வாங்க முயற்சி செய்வார்கள். ஆனால் அவ்வளவெல்லாம் நீங்கள் செலவு செய்ய வேண்டிய அவசியமில்லை. வெறும் 70 ரூபாய் இருந்தால் போதும்.. எப்படி என மேலும் படியுங்கள்..!

மின் விசிறி வேகத்தை 5 ஆக கூட்டினாலும், அது 1-க்கு சமமாக ஓடும். இதற்கு பல காரணங்கள் இருக்கலாம். விசிறி இறெக்கைகள் தூசியால் அழுக்காக இருப்பதும் இதற்கு ஒரு காரணமாக இருக்கலாம். அந்த தூசி இறெக்கையின் சுழற்சி வேகத்தை கட்டுப்படுத்தி காற்றோட்டத்தை பாதிக்கும்.

விசிறி இறெக்கைகளை சுத்தம் செய்வதற்கு முன் மின்விசிறியை அணைக்க மறக்காதீர்கள். மின்விசிறியை அணைத்த பிறகு, ஃபேன் பிளேடுகளை முதலில் உலர்ந்த துணியால் சுத்தம் செய்யவும், பின்னர் ஈரமான துணியால் சுத்தம் செய்யவும்.

முதலில் ஈரத் துணியைப் பயன்படுத்தினால், அனைத்து தூசித் துகள்களும் மின்விசிறி பிளேடுகளில் ஒட்டிக் கொண்டு, சீராக சுத்தம் செய்ய முடியாது. துடைத்த பிறகும் அதன் மீது அழுக்குகள் இருப்பதை காணலாம். எனவேதான் முதலில் உலர்ந்த துணியைப் பயன்படுத்த வேண்டும்.

இந்த முறை வேலை செய்யவில்லை என்றால், மின்தேக்கியை அதிகரிப்பதன் மூலம் விசிறி காற்று வேகத்தை அதிகரிக்கலாம். பொதுவாக மின்தேக்கி (condenser) 70-80 ரூபாய்க்குள் வரும். இதை ஆன்லைன் இ-காமர்ஸ் தளங்களில் கூட வாங்கலாம் அல்லது எலக்ட்ரிக்கல் பொருட்களை விற்கும் கடைகளிலும் கிடைக்கும்.

மின்தேக்கியை மாற்றுவது அவ்வளவு கடினம் அல்ல. அதை நீங்களே மாற்றிக் கொள்ளலாம். இது விசிறி மோட்டருக்கு மேலே இருக்கும். பழைய மின்தேக்கியை அகற்றும் போது... அதன் கம்பிகள் எவ்வாறு அமைக்கப்பட்டுள்ளன என்பதைக் கவனியுங்கள். சரியாக அதே வழியில்.. புதிய மின்தேக்கியை அமைக்கலாம். அதன் பிறகு மின்விசிறியை ஆன் செய்தால்.. அது சூப்பர் ஸ்பீடில் சுழல்வதை கவனிக்கலாம்.