பிரிட்ஜை திறந்தாலே குப்புனு நாற்றம் அடிக்குதா..? அப்போ இதை ட்ரை பண்ணுங்க!

Tips to remove odour from your refrigerator | குளிர்சாதனப் பெட்டி வீடுகளில் அத்தியாவசிய பொருளாக மாறிவிட்டது. கிராமங்களில் இருப்பவர்கள் கூட தற்போது ஃப்ரிட்ஜை உபயோகிக்க ஆரமித்துவிட்டனர். எவ்வளவு நாள் ஆனாலும் காய்கறிகளை கெடாமல் இது பாதுகாக்கிறது. பெரும்பாலானோர் பிரிட்ஜை திறந்தாலே துர்நாற்றம் வீசும். ஆனால், அதை எப்படி சரி செய்வது என நம்மில் பலருக்கும் தெரியாது. குளிர்சாதனப் பெட்டியில் இருந்து வரும் துர்நாற்றத்தை நீக்குவதற்கான சில எளிய வழிமுறைகளை நாங்கள் உங்களுக்கு கூறுகிறோம்.

துர்நாற்றம் வீசக்காரணம் : நீண்ட நேரம் மின்சாரம் தடைபட்டால் பிரிட்ஜ்ஜில் உள்ள ஐஸ் கட்டிகள் உருகி தண்ணீர் வடிய ஆரம்பித்து விடும். இவை அப்படியே நீங்க வைத்த காய்கறி, டப்பாக்களில் தேங்கி துர்நாற்றம் வீசத்துவங்கும். எனவே முடிந்த அளவு பிரிட்ஜில் ஈரப்பதம் இல்லாமல் பார்த்துக்கொள்ளுங்கள்.

தோசை மாவு அதிகமாக துர்நாற்றம் வீசக் கூடிய பொருள். ஏனெனில் மாவு புளிக்கும் போது புளித்த துர்நாற்றம் அதிகமாக வீசும்.எனவே, அதை எப்போதும் மூடி உள்ள பாத்திரத்தில் வைக்கவும். முடிந்த அளவு தோசை மாவிற்கு என்று தனி டப்பாக்கள் பயன்படுத்துங்கள். அதே போல, பனீர், சீஸ், சாஸ் போன்றவற்றை அலுமினிய பேப்பரில் சுற்றி வையுங்கள். இதுவும் துர்நாற்றத்தை ஏற்படுத்தும்.

குளிர்சாதனப்பெட்டியை சுத்தம் செய்வதற்கு முன், ஃப்ரிட்ஜின் மெயின் சுவிட்சை அணைக்கவும். பிரிட்ஜின் உட்பகுதியை சுத்தம் செய்யும் போது சோப்புகளை உபயோகிக்க வேண்டாம். இது பெட்டியின் உட்புர சுவரை பழுதடைய வைக்கும். மாறாக சோடா உப்பு கலந்த வெந்நீரை பயன்படுத்துங்கள்.

பேக்கிங் சோடா மற்றும் வினிகரை பயன்படுத்துங்கள் : பிரிட்ஜ் துர்நாற்றத்தை போக்க பேக்கிங் சோடா சிறந்த பொருள். இதில், துர்நாற்றத்தை நீக்கும் தன்மை உள்ளது. எனவே, பிரிட்ஜில் உள்ள துர்நாற்றத்தை இது உறிஞ்சி வெளியேற்றும்.

பேக்கிங் சோடாவை தண்ணீரில் கலந்து பிரிட்ஜ்யின் தட்டுகளை சுத்தம் செய்யுங்கள். அல்லது, ஒரு பெளலில் பேக்கிங் சோடாவை உள்ளே வைத்து பிரிட்ஜ்யை மூடி விடுங்கள். 24 மணி நேரம் அப்படியே விட்டுவிடவும். இப்படி செய்வதால், பிரிட்ஜ்யில் உள்ள துர்நாற்றம் நீங்கும்.

ஒயிட் வினிகர் பிரிட்ஜில் உள்ள கிருமிகளை அழிக்கும் தன்மை உடையது. ஒரு கப் ஒயிட் வினிகரை பிரிட்ஜில் 24 மணி நேரம் திறந்து வைக்கவும். இப்படி செய்வதால் பிரிட்ஜ் உள்ள துர்நாற்றம் கட்டுப்படுத்தப்படும்.

காஃபி இயற்கையாகவே நறுமணத்தை தரக் கூடியது. எனவே, பிரிட்ஜ் துர்நாற்றத்தை நீக்க காபி பொடியை பயன்படுத்தலாம். சிட்ரஸ் அமிலம் பிரிட்ஜிற்கு புத்துணர்ச்சியான நறுமணத்தை கொடுக்கும். எனவே, காட்டன் பஞ்சை எடுத்து, அதை லெமன் ஜூஸில் நனைத்து பிரிட்ஜ் உட்புற மூலையில் வைக்கவும். இதனால், பிரிட்ஜ் துர்நாற்றம் நீங்குவதோடு, உங்க பிரிட்ஜ் பளபளப்பாக இருக்கும்.

ஆக்டிவேட் கரித்தூள் : ஆக்டிவேட் கரித்தூளுக்கும் துர்நாற்றத்தை உறிஞ்சும் சக்தி இருக்கிறது. எனவே, பிரிட்ஜ் துர்நாற்றத்தை போக்க கரியை ஒரு பாத்திரத்தில் போட்டு மூன்று நாட்களுக்கு உள்ளே வைக்கவும். வெப்பநிலை குறைவாக இருக்க வேண்டும். இப்படி செய்வதால் துர்நாற்றம் முற்றிலும் நீங்கும்.

குளிர்சாதனப் பெட்டியில் துர்நாற்றம் வீசாமல் இருக்க, பூ, காய்கறிகள், கீரைகள், பழங்களை தனித்தனி கவரி போட்டு வைக்கவும். உணவுப்பொருட்களை முறையாக மூடி உள்ள டப்பாக்களில் வைக்கவும். முடிந்த அளவு வாரம் 2 முறையாவது சுத்தம் செய்யுங்கள்.