குளிர்காலத்தில் துணிகளை காய வைத்தாலும் ஈரம் காய்வதில்லையா..? இந்த 5 டிப்ஸ் ஃபாலோ பண்ணுங்க..!

குளிர்காலத்தில் துணிகளை உலர்த்துவது மிகவும் கடினமான விஷயம். அதே சமயம் அடர்ந்த மூடுபனி மற்றும் மேக மூட்டத்தால் சூரிய ஒளியின் தாக்கம் குறைவாகவே இருக்கும். இதனால் ஆடைகளை துவைத்து காய வைத்தாலும் ஈரம் சட்டென காயாமல் துர்நாற்றம் வீசும். குறிப்பாக அப்பார்ட்மெண்ட் போன்ற இடங்களில் வீட்டுக்குள் அல்லது பால்கனியில் காய வைப்பதாக இருந்தால் ஈரத்தை உலர்த்துவது கடினம். ஈரமான ஆடைகளுடன், வீட்டிலும் துர்நாற்றம் வீசத் தொடங்கும். அணியும்போது துர்நாற்றம் இருக்கும். எனவே இந்த பிரச்சனையை சமாளிக்க சில ஸ்மார்டான விஷயங்களை கையாளுவது அவசியம். எனவே குளிர்காலத்தில் துணிகளை உலர்த்துவதற்கான சில எளிய குறிப்புகளை அறிந்து கொள்வோம்.

சரியான இடத்தில் உலர் ஆடைகள் : குளிர்காலத்தில், மக்கள் பெரும்பாலும் ஈரமான ஆடைகளை வீட்டின் உள்ளேயே மேசை, நாற்காலிகள் மீது காய வைக்கிறார்கள். ஆனால் துணிகளை உலர்த்துவதற்கு கயிறு கட்டி காய வைப்பதே சிறந்தது. இதன் காரணமாக, வெளிப்புறக் காற்று ஆடைகளை உலர்த்த உதவும். இதனால் துணி துர்நாற்றமின்றி உடனே காயும்.

ஹீட்டர் பயன்படுத்தலாம் : குளிர்காலத்தில் குளிர்ச்சியைத் தவிர்க்க பலர் அறை ஹீட்டர்களைப் பயன்படுத்துகிறார்கள். அதே நேரத்தில், அறை ஹீட்டர் உதவியுடன், ஈரமான ஆடைகளை எளிதாக உலர வைக்கலாம். இதற்கு துணி காய வைக்கும் ஸ்டாண்ட் வாங்கி காய வையுங்கள். இதன் காரணமாக அனல் காற்றால் உடைகள் உடனே காய்ந்துவிடும்.

ஒரு துண்டு பயன்படுத்துங்கள் : துணிகளை உலர்த்துவதற்கு நீங்கள் துண்டுகளைப் பயன்படுத்தலாம். இதற்காக, டவலை விரித்து, ஈரமான ஆடைகளை அதன் மேல் வையுங்கள். இப்போது மேலே மற்றொரு டவலை வைத்து அழுத்தினால் டவல் ஈரத்தை உறிஞ்சிக்கொள்ளும். பின் துணிகளை உலர வைத்தால் துணிகள் விரைவாக உலரும்.

ஹேர் டிரையரை பயன்படுத்தலாம் : ஈரமான ஆடைகளை உடனடியாக உலர்த்துவதற்கு ஹேர் ட்ரையரைப் பயன்படுத்துவதும் சிறந்தது. ஈரமான ஆடைகள் மீது ஹேர் டிரையரை காட்ட ஈரம் காயும். குறிப்பாக குளிர்காலத்தில் உள்ளாடைகளை உலர்த்துவதற்கு இந்த செய்முறையை நீங்கள் முயற்சி செய்யலாம்.

துணிகளை நன்கு பிழிய மறக்காதீர்கள் : துணிகளைத் துவைத்த பிறகு, சரியாகப் பிழியவில்லை என்றால் துணிகளில் தண்ணீர் தங்கிவிடும். இதனால் உடைகள் சீக்கிரம் உலராது. எனவே துணியை மிஷினில் போட்டாலும் ஒரு முறை நீங்கள் பிழிந்து காய வையுங்கள். இதன் காரணமாக ஆடைகள் விரைவாக உலர்ந்துவிடும்.