உங்களுக்கு செடி வளர்க்க ஆசை, ஆனா வீட்டில் குறைந்த இடமே உள்ளதா..? இப்படி செஞ்சு பாருங்க..!

பலருக்கும் வீட்டில் செடி வளர்க்க ஆசை இருக்கலாம். ஆனால் வீட்டில் போதிய இடம் இன்மையால் செடி வளர்க்கும் எண்ணத்தையே கைவிட்டு விடுவார்கள். குறிப்பாக நகரங்களில் உள்ள வீடுகளில் மண் தரைகளைவிட சிமெண்ட் மூடிய கான்கிரீட் தரைகளே அதிகம் இருக்கும். இது செடி வளர்க்க தகுந்ததல்ல என்பதாலும் செடி வளர்க்க முடியாமல் விட்டுவிடுவார்கள்.

இப்படி நீங்களும் புலம்புகிறீர்கள் எனில் இனி கவலையே வேண்டாம். தற்போது நிறைய நவீன செடிவளர்ப்பு முறைகள் வந்துவிட்டன. அவற்றைப் பின்பற்ற எவ்வளவு குறுகிய இடத்திலும் செடி வளர்க்கலாம். எவ்வாறு என கீழே பார்க்கவும்.

நீங்கள் மாடியில் உள்ளீர்கள். படிகட்டுகள்தான் இருக்கின்றன என்றால் இப்படி தொட்டிகள் வாங்கி ஒவ்வொரு படியிலும் வைத்து வளர்க்கலாம். இதில் காய்கறிகள், பூ என எந்த செடிகளையும் வளர்க்கலாம். காண்பதற்கு அழகாகவும் இருக்கும்.

நீளவாக்கில் குறுகிய இடம்தான் உள்ளது என்றால் இப்படி கட்டையில் படி போல் அமைத்து அதன் ஒவ்வொரு படியிலும் இப்படி அடுக்கு முறையில் செய்து செடி வளர்க்கலாம்.

சதுர வடிவில் இடம் உள்ளது என்றால் அங்கு நிறை செடி வளர்க நினைத்தால் சுற்றிலும் இப்படி டையர் அல்லது கட்டையில் பாக்ஸ் போல் செய்து அதில் செடிகள் வளர்க்கலாம். மீதம் சுற்றிலும் சுவர் இருந்தால் அதில் தொங்கும் தொட்டிகள் அமைத்து செடி வளர்க்கலாம்.

சுவர் மட்டும்தான் உள்ளது என்றால் பிளாஸ்டிக் பாட்டில்களை சேகரித்து துளையிட்டு மண் நிரப்பி இப்படி சுவற்றில் தொங்கவிடலாம்.

தூக்கி எறியும் தேங்காய் சிரட்டைகளைப் பயன்படுத்தியும் செடி வளர்க்கலாம். இதை குறைந்த ஜன்னல் ஓர இடத்திலும் வைத்து வளர்க்கலாம்.

இரண்டு பேர் நிற்கும் அளவுதான் இடம் உள்ளது. ஆனால் பெரிய செடி வைக்க வேண்டும் என்றாலும் அங்கு இப்படி பாக்ஸ் செய்து அதில் செடிகளை வளர்க்கலாம். இதில் தக்காளி, கொத்தமல்லி , காய்கறிகள் போன்றவையும் வளர்க்கலாம்.

பாக்ஸில் செடி வளர்ப்பு

எப்படி செடி வளர்ப்பதாக இருந்தாலும் அந்த இடத்தில் கொஞ்சமேனும் சூரிய வெளிச்சம் , காற்றோட்டம் இருக்க வேண்டும். அப்போதுதான் செடி ஆரோக்கியமான வளர்ச்சியைப் பெறும். வேகமாகவும் வளரும்.