தீபாவளிக்கு வீட்டை சுத்தம் செய்ய தயாராகிட்டீங்களா..? இந்த கிளீனிங் டிப்ஸை ஃபாலோ பண்ணுங்க... வீடே சும்மா தக தகனு மின்னும்...

தீபாவளி என்றாலே பாசிடிவ் விஷயங்களை கொண்டுவரும். அது முதலில் வீட்டை சுத்தம் செய்வதில் தொடங்குகிறது. அந்த வகையில் பழையவற்றை எறிந்துவிட்டு , தூசு , மாசுகளை நீக்கி என... வேலை சற்று அதிகமாகவே இருக்கும். இதற்காக வீட்டை சுத்தம் செய்ய பெருட்களை வாங்கி செலவு செய்வதைக் காட்டிலும் வீட்டில் இருக்கும் இந்த பொருட்களை வைத்தே எளிய முறையில் சுத்தம் செய்யலாம்.

கண்ணாடி பொருட்களை சுத்தம் செய்ய, வழப்பான பொருட்களை பளபளப்பாக்க ஷேவிங் கிரீமை தடவி 15 நிமிடங்கள் கழித்து துடைத்தால் நீங்காத கரைகள் கூட நீங்கி பளபளக்கும்.

கழிப்பறையில் உள்ள கறைகள், அழுக்குகளை சுத்தம் செய்ய பேக்கிங் சோடாவை தூவி 10 நிமிடங்கள் ஊற வைத்துப் பின் தேய்க்க எளிதில் நீங்கிவிடும்.

ஃபிரிட்ஜ், மைக்ரோ ஓவன், வாஷிங் மிஷின் போன்றவற்றை சுத்தம் செய்ய லெமன் ஆயில் கொண்டு துடைத்தால் சுத்தமாகும். வாசனை நன்றாக இருக்கும்.

சீலிங் ஃபேனை துடைக்க தலையணை உறையை விசிறிகளில் விட்டு அப்படியே வழித்து துடைத்து எடுக்க தூசிகள் பறக்காமல் உறையில் தேங்கிவிடும்.

ஜன்னல் கதவுகளை சுத்தம் செய்ய சாக்ஸ் துணி பயன்படுத்தி துடைக்கலாம். அதற்கு வினிகரை தண்ணீரில் கலந்து சாக்ஸை நனைத்து துடைக்கலாம்.

கட்டில் , சோஃபா, டைனிங் டேபில் போன்ற மரச்சாமான்களை சுத்தம் செய்ய தேங்காய் எண்ணெய்யை பருத்தி துணியால் தொட்டு துடைத்து எடுக்க பளபளக்கும். இது லெதர் சோஃபாக்களை துடைக்கவும் வசதியாக இருக்கும்.