அழுக்கு படிந்த கண்ணாடியை நொடியில் பளபளக்கச் செய்யும் டிப்ஸ் : டிரை பண்ணி பாருங்க...

பெரும்பாலும், வீட்டைச் சுத்தம் செய்யும் போது, ஃபர்னிச்சர்கள், தரை, திரைச்சீலைகள், டேபிள் போன்றவற்றை மட்டுமே சுத்தம் செய்கிறோம். ஆனால் நம்மை எப்போதும் அழகாகக் காட்டும் கண்ணாடியை ஏனோ மறந்து விடுகிறோம். ஒருவேளை ஞாபகம் வந்து சுத்தம் செய்தாலும், கண்ணாடியில் உள்ள கறைகள் முழுமையாக மறைவதில்லை. கறை படிந்த கண்ணாடியால், முகமும் தெளிவாக தெரிவதில்லை.

இதற்காக சந்தையில் கிடைக்கும் மிரர் கிளீனர்கள் பல வீடுகளில் பயன்படுத்தப்படுகின்றன. ஆனால் அவை மிகவும் விலை உயர்ந்தவை என்பதால் பலராலும் அதை பயன்படுத்த முடியாது. அதேசமயம், கண்ணாடியை சுத்தமாக வைத்திருக்க நீங்கள் சிக்கனமான வழியைத் தேடுகிறீர்கள் என்றால், உங்களுக்கு உதவவே இந்த டிப்ஸ்.

இந்த டிப்ஸ் மூலம் அனைத்து கண்ணாடிகளையும் நிமிடங்களில் பிரகாசிக்கச் செய்யலாம். அதுமட்டுமின்றி, கண்ணாடி, மேசைகள் போன்றவற்றையும் தினமும் சுத்தமாகவும், நேர்த்தியாகவும் வைத்துக்கொள்ளலாம். எனவே கண்ணாடியை சுத்தமாக வைத்திருக்க எளிதான மற்றும் சிக்கனமான வழியை அறிந்து கொள்வோம்.

காகித பயன்படுத்துங்கள் : கண்ணாடியை சுத்தம் செய்ய துணிக்கு பதிலாக காகிதத்தை பயன்படுத்தினால், கண்ணாடியில் படிந்திருக்கும் ஈரப்பதத்தை எளிதில் அகற்றி விடலாம்.

டால்கம் பவுடர் அல்லது விபூதி பயன்பாடு : டால்கம் பவுடர் அல்லது விபூதியை பயன்படுத்தி கண்ணாடியை ஒளிரச் செய்யலாம். கறையும் நீங்கிவிடும். கண்ணாடியில்டால்கம் பவுடர் அல்லது விபூதியை தூவி சிறிது நேரம் அப்படியே விடவும். பிறகு டஸ்டர் அல்லது பேப்பர் கொண்டு அதை தொடாமல் தேய்த்தால் கண்ணாடி பளபளப்பாக மாறுவதை காணலாம்.

வெள்ளை வினிகர் பயன்படுத்தலாம் : கறை ஆழமாக இருந்தால், ஒரு ஸ்பூன் வெள்ளை வினிகரை வெதுவெதுப்பான நீரில் கலந்து, அதை ஒரு ஸ்ப்ரே பாட்டிலில் ஊற்றிக்கொள்ளுங்கள். இப்போது கண்ணாடி மீது தெளிக்கவும். பின்னர் கண்ணாடியை காகிதத்தால் சுத்தம் செய்து துடைத்தால் கண்ணாடி பளிச்சென்று மாறும்.

எலுமிச்சை பயன்பாடு : எலுமிச்சை சாற்றில் சிறிது தண்ணீர் கலந்து ஸ்ப்ரே பாட்டிலில் நிரப்பவும். இப்போது அதை கண்ணாடியில் தெளித்து ஒரு ஃபைபர் டவலால் துடைக்கவும். கண்ணாடி மிளிர்கிறதா..?