உங்க வீட்டில் மூட்டைப் பூச்சி தொல்லையா..? அப்போ இதை செய்யுங்க!

உங்கள் கட்டிலை சுற்றிலும் மூட்டை பூச்சி இருந்தால், கண்டிப்பாக உங்களால் நிம்மதியாக தூங்க முடியாது. இது, மனித இரத்தத்தை குடித்து வாழும் ஒரு மிகச்சிறிய பூச்சி. மூட்டை பூச்சி இரவு நேரங்களில் தான் ரெம்ப சுறுசுறுப்பாக செயல்படும். இந்த மூட்டை பூச்சியின் முட்டைகள் நம்ம வீட்டிற்கு வருபவர்களின் லக்கேஜ், உடைகள், பர்னிச்சர் மூலம் அனைத்து வீடுகளுக்கும் எளிமையாக பரவும். மூட்டை பூச்சி கடிப்பால் அலற்சி, சரும தடிப்பு போன்ற ஆரோக்கிய குறைபாடுகள் ஏற்பட வாய்ப்புள்ளது. இந்த பூச்சிகளை விரட்ட உதவும் சில எளிமையான குறிப்புகள் பற்றி இங்கே காணலாம்.

கிராம்பு : அமிலத்தன்மை கொண்ட கிராம்பு, மூட்டப் பூச்சியை விரட்ட உதவுகிறது. ஒரு ஸ்ப்ரே பாட்டிலில் தண்ணீர், கிராம்புகளை நிரப்பி, நன்றாக குலுக்கி, பின்னர் பூச்சிகள் உள்ள பகுதிகளில் தெளிக்க மூட்டைப் பூச்சித் தொல்லை குறையும்.

டீ ட்ரீ ஆயில் : நுண்ணுயிர் எதிர்ப்பு பண்பு கொண்ட டீ ட்ரீ எண்ணெயினை தண்ணீரில் கலந்து மூட்டை பூச்சிகள் அதிகம் உள்ள இடத்தில் தெளித்து விட, பூச்சிகளின் தொல்லை படிப்படியாக குறையும்.

புதினா : புதினா இலைகள் ஒரு சிறந்த பூச்சி விரட்டி ஆகும். அந்த வகையில் இந்த புதினா இலைகளை கசக்கி படுக்கை மற்றும் தலையணைக்கு அடியில் வைத்துவிட, மூட்டைப் பூச்சிகளின் தொல்லை குறையும்.

லாவெண்டர் ஆயில் : லாவெண்டர் எண்ணெயில் இருந்து வரும் வாசம், மூட்டை பூச்சிகளை மரணம் வரை கொண்டு செல்லும். எனவே, இந்த வாசனை எண்ணெயினை தண்ணீருடன் கலந்து பூச்சிகள் அதிகம் உள்ள இடத்தில் தெளிக்க நல்ல பலன் கிடைக்கும்.

மிளகுக்கீரை : மிளகுக்கீரையில் இருந்து வெளிப்படும் எரிச்சலூட்டக்கூடிய ஒரு வித வாசனை, மூட்டைப்பூச்சி உள்ளிட்ட பல வித பூச்சிகளை விரட்ட உதவுகிறது. படுக்கை, தலையணைக்கு அடியில் இந்த இலைகளை வைத்துவிட மூட்டைப் பூச்சி தொல்லை குறையும்.

பேக்கிங் சோடா : சமையலுக்கு நாம் பயன்படுத்தும் சோடா மாவு, மூட்டைப் பூச்சி உள்பட பல வகை பூச்சிகளை விரட்ட உதவுகிறது. ஒரு ஸ்ப்ரே பாட்டிலில் தண்ணீருடன் சோடா மாவு கலந்து, பூச்சிகள் தென்படும் இடத்தில் தெளிக்க பூச்சித தொல்லை குறையும்.

வசம்பு : நாட்டு மருந்து கடைகளில் கிடைக்கும் இந்த வசம்பு, மருத்து பயன்பாட்டிற்கு அதிகம் பயன்படுத்தப்படும் ஒரு பொருள் ஆகும். இந்த பொருளை தண்ணீரில் ஊற வைத்து, பின்னர் இந்த தண்ணீரை மட்டும் பூச்சிகள் உள்ள இடத்தில் தெளிக்க நல்ல பலன் கிடைக்கும்.

லெமன் க்ராஸ் : மற்ற தாவரங்களை போல் இல்லாமல் இந்த எலுமிச்சைப் புல், மூட்டை பூச்சிகளையும் அதன் முட்டைகளையும் அழிக்கும் தன்மை கொண்டது. இந்த எலுமிச்சைப் புல்லினை அரைத்து தண்ணீரில் கலந்து பூச்சிகள் உள்ள இடத்தில் தெளிக்க நல்ல பலன் கிடைக்கும்.