பாத்ரூமில் துர்நாற்றம் வீசுகிறதா ? இந்த குளியலறை செடிகளை வளர்க்கலாம்..

குளித்து விட்டு வெளியே வந்த பிறகு உங்கள் பாத்ரூம் ஈரமாக மற்றும் மோசமாக இருக்கும். ஈரப்பதம் காரணமாக உங்கள் பாத்ரூம் துர்நாற்றம் வீசும் இடமாக மாறி விடும். எனினும் பலருக்கும் தினசரி பாத்ரூமை சுத்தம் செய்வது என்பது இயலாத காரியம்.

இதற்காக சில electrical dehumidifier-ஐ வாங்க விரும்புவார்கள். டிஹுமிடிஃபையர் என்பது காற்றில் உள்ள ஈரப்பதத்தின் அளவை குறைக்க, துர்நாற்றத்தை அகற்ற, பூஞ்சை காளான் வளர்ச்சியை தடுக்க பயன்படுகிறது. இது காற்றில் இருந்து தண்ணீரை பிரித்தெடுப்பதன் மூலம் செயல்படுகிறது. எனினும் ஈரப்பதத்தை உறிஞ்ச டிஹுமிடிஃபையருக்கு பதிலாக சிறந்த தேர்வாக குளியலறை செடிகள் இருக்கின்றன. ஆம், தாவரங்களை வெளிப்புறங்களில் அல்லது உட்புறங்களில் தொட்டிகளில் வளர்ப்பது போல, நம் பாத்ரூமிலும் வைத்திருக்கலாம். இங்கே ஈரப்பதத்தை உறிஞ்சும் சில குளியலறை தாவரங்கள் பற்றி பார்க்கலாம்..

அசேலியா (Azalea):இந்த செடி மிக அழகான பூக்களுடன் ஊதா, இளஞ்சிவப்பு, சிவப்பு அல்லது வெள்ளை நிற வர்ணத்தில் இருக்கும். இது இயற்கையிலேயே வெது வெதுப்பாக மற்றும் ஈரப்பதமாக இருக்கும். எனவே உங்கள் குளியலறையில் குறிப்பாக இந்த செடிக்கு காலை சூரிய ஒளியை வழங்கினால்அசேலியா சிறப்பாக செயல்படும். நன்கு வடிகட்டிய கொள்கலனில் வைத்து, குறிப்பாக வெப்பமான கோடை மாதங்களில் தொடர்ந்து தண்ணீர் ஊற்றவும். பானைகளில் அடைக்கப்பட்ட அசேலியாக்கள் பெரிதாக வளராது, மெதுவாக மட்டுமே வளரும்,

பாஸ்டன் ஃபெர்ன் (Boston fern): இது மிக அழகான வெப்பமண்டல தாவரம். ஈரமான காலநிலையில் இந்த பாஸ்டன் ஃபெர்ன் செழித்து வளரும் என்பதால் எனவே உங்கள் குளியலறையில் உள்ள ஈரப்பதத்தை இது எளிதில் உறிஞ்சிவிடும்.

பீஸ் லில்லி (peace lily):மற்றொரு நல்ல தோற்றமுடைய குளியலறை தாவரமாக உள்ளது இந்த பீஸ் லில்லி. இதன் இலைகள் காற்றில் இருந்து ஈரப்பதத்தை உறிஞ்ச பயன்படுகிறது மற்றும் சுற்றுப்புறத்தில் உள்ள நச்சுகளை நீக்குகிறது. மண் காய்ந்தவுடன், குறிப்பாக தாவரத்தின் இலைகள் வாடி உதிர தொடங்கும் போது மட்டுமே தண்ணீர் ஊற்றினால் போதுமானது.

ஸ்பைடர் பிளான்ட் (Spider Plant):இது மிகவும் தகவமைக்க கூடிய தாவரங்களில் ஒன்றாகும். காற்று மாசுபாடுகள் மற்றும் ஈரப்பதத்தை திறம்பட நீக்குகிறது. ஈரப்பதமான, குறைந்த-ஒளி சூழலில் நன்கு செழித்து வளர்கிறது. இன்டோர் ஹேங்கிங் பாஸ்கேட்டில் வைத்து வளர்க்க சிறந்த தேர்வாகும்.

டில்லான்சியா (Tillandsia):டில்லான்சியா தாவரமானது அதன் இலைகள் மூலம் காற்றில் உள்ள ஈரப்பதத்தை உறிஞ்சிவிடும் தன்மை கொண்டது. குளியலறை செடிகளில் இது ஒரு அருமையான தேர்வாகும். ஏனென்றால் இதை வளர்க்க உங்கள் கைகளை மண்ணால் அழுக்காக்க வேண்டிய அவசியமில்லை. நீங்கள் ஒவ்வொரு வாரமும் சில நிமிடங்கள் குழாய் நீரில் ஊறவைத்தாலே போதும். இதற்கு அதிக சூரிய ஒளியும் தேவையில்லை.

பெகோனியா (Begonia):பெகோனியா சுமார் 1,800 தாவர இனங்களை கொண்ட ஒரு பரந்த வகை ஆகும். இவை பொதுவாக தொட்டிகளில் நன்றாக வளர்வதை போல சூடான, ஈரப்பதமான குளியலறைகளிலும் சிறப்பாக வளரும். குளியலறையையில் உள்ள ஈரமான காற்றை அகற்ற உதவும்.

ஸ்னேக் பிளான்ட் (Snake Plant):இந்த துவாரத்தின் பெயரை பார்த்து பயந்து விடாதீர்கள். இது உண்மையில் உங்கள் குளியலறையில் வைக்க கூடிய சிறந்த தாவரங்களில் ஒன்றாகும். இது அதிகப்படியான ஈரப்பதத்தை மட்டும் உறிஞ்சாமல், ஃபார்மால்டிஹைட் போன்ற பொதுவான வீட்டு நச்சுகளை வடிகட்டுகிறது.

சைக்லேமன் (Cyclamen):இது நிச்சயமாக உங்கள் குளியலறை அனுபவத்தை மேம்படுத்தும். கண்ணைக் கவருவதைத் தவிர, இது ஈரப்பதத்தின் அளவைக் குறைத்து, நீங்கள் சுவாசிக்கும் காற்றை புத்துணர்ச்சியாக்கும்.

பிலோடென்ட்ரான் (Philodendron):இந்த தாவரம் வெப்பமண்டலத்தை பூர்வீகமாகக் கொண்டது. இதன் சில வகைகள் 8 அடி வரை வளரும், எனவே உங்கள் குளியலறையின் அளவிற்கு ஏற்ப சரியானவற்றை தேர்வு செய்வதை உறுதிப்படுத்தி கொள்ளுங்கள்.