கோடைக்காலத்தில் சர்க்கரை அளவை கட்டுப்பாட்டில் வைக்க சிரமாமக உள்ளதா..? இதை ஃபாலோ பண்ணி பாருங்க..!

கோடை காலம் ஏற்கனவே துவங்கி சூரியன் சுட்டெரித்து வரும் நிலையில், மக்கள் அனைவரும் சூரியனின் வெப்பத்திலிருந்து தங்களை பாதுகாப்பாக வைத்துக் கொள்ள பல்வேறு விதமான வழிமுறைகளை பின்பற்றி வருகின்றனர். கோடைக்காலம் மட்டுமின்றி ஒவ்வொரு பருவநிலைக்குமே நமது உடலில் சில மாற்றங்கள் ஏற்படும். அது போன்ற சூழல்களில் பருவ நிலைக்கு ஏற்றார் போல் வாழ்க்கை முறையை மாற்றி அமைத்து நமது உடலை ஆரோக்கியமாக வைத்துக் கொள்ள முயற்சி செய்ய வேண்டும்.

குறிப்பாக கோடை காலங்களில் நீரிழிவு நோயால் பாதிக்கப்பட்டவர்கள் மிகவும் பாதுகாப்பாக இருக்க வேண்டியது அவசியம் ஆகிறது. ஏனெனில் கோடையில் நிலவும் அதீத வெப்பமானது சர்க்கரை நோயாளிகளை பல்வேறு விதங்களில் பாதிக்க கூடும். ஏனெனில் வெப்ப நிலையில் மாற்றங்கள் ஏற்படும் போது ரத்தத்தில் உள்ள குளுக்கோஸ் அளவிலும் மாற்றங்கள் ஏற்பட்டு நோயாளிகளின் உடல்நிலையில் பாதிக்க வாய்ப்புகள் உண்டு.

இதைப் பற்றி பேசிய மருத்துவர் ஒருவர் கூறுகையில், கோடையில் சூரியனின் வெப்பமானது கண்டிப்பாக ரத்தத்தில் உள்ள சர்க்கரை அளவை பாதிக்கக்கூடும். குறிப்பாக இன்சுலின் குறைபாடு உள்ளவர்களுக்கும், ரத்தத்தில் உள்ள சர்க்கரை அளவை கட்டுப்படுத்த முடியாமல் இருப்பவர்களுக்கும் இது மிகப்பெரும் விளைவுகளை ஏற்படுத்தக்கூடும். மேலும் அதிக வெப்பத்தினால் உடலில் நீர் இழப்பு ஏற்படும்போது இவையும் ரத்தத்தில் உள்ள சர்க்கரை அளவில் சமநிலையற்ற தன்மையை ஏற்படுத்தலாம் என்று கூறியுள்ளார்.

எனவே கோடை காலங்களில் நமது ரத்தத்தில் உள்ள சர்க்கரை அளவை கட்டுப்படுத்த கடைபிடிக்க வேண்டிய வழிமுறைகள் பற்றி இப்போது பார்ப்போம்.

உடலை நீர்ச்சத்துடன் வைத்திருக்க வேண்டும் : கோடை காலங்களில் தினசரி நமது உடலுக்கு தேவையான நீரை அருந்துவது மிகவும் முக்கியமானது. எங்கேயும் வெளியே சென்றாலும் கூட சிறிய அளவிலான தண்ணீர் பாட்டில்களையும், எலக்ட்ரோலைட்டுகளையும் எடுத்து செல்வது மிகவும் உபயோகமாக இருக்கும். குறைந்த பட்சம் ஒரு நாளைக்கு இரண்டு லிட்டர் தண்ணீர் ஆவது குடிப்பது அவசியமாகிறது.

சர்க்கரையின் அளவை கண்காணிப்பது : கோடை காலங்களில் அவ்வப்போது ரத்தத்தில் உள்ள சர்க்கரையின் அளவை சோதனை செய்து கொள்வது அவசியமானது. இதன் மூலம் ஒரு வேலை அதிக வெப்பத்தினால் உடலின் சர்க்கரை அளவில் மாறுதல் ஏற்பட்டாலும் அதனை சரி செய்ய முயற்சி செய்யலாம்.

இன்சுலின் அளவை பரிசோதிக்க வேண்டும் : சீரான இடைவெளியில் உடலில் உள்ள இன்சுலின் அளவை பரிசோதனை செய்வது மிகவும் அவசியமான ஒன்று. மேலும் வீட்டில் இருந்தாலும் அல்லது வெளியே சென்றாலும் உங்களுடன் குளுக்கோஸ் போன்றவற்றை எடுத்துச் செல்வது மிகவும் உபயோகமாக இருக்கும். ஒருவேளை ரத்தத்தில் சர்க்கரை அளவு குறைந்தாலும் அதனை சரி செய்ய இவை உதவும்.

சூரிய ஒளியிலிருந்து விலகி இருக்கும்: முடிந்த அளவு சூரிய வெப்பத்தில் நேரடியாக வெளியே செல்வதை தவிர்ப்பது நல்லது. மேலும் எங்கு வெளியே சென்றாலும் வெள்ளை நிற காட்டன் உடைகளை அணிந்து செல்வதன் மூலம் உடலை குளிர்ச்சியாக வைத்திருக்க முடியும். மேலும் சன்ஸ்க்ரீன் பயன்படுத்துவதும் அவசியமானது.முடிந்த அளவு சூரிய வெப்பத்தில் நேரடியாக வெளியே செல்வதை தவிர்ப்பது நல்லது. மேலும் எங்கு வெளியே சென்றாலும் வெள்ளை நிற காட்டன் உடைகளை அணிந்து செல்வதன் மூலம் உடலை குளிர்ச்சியாக வைத்திருக்க முடியும். மேலும் சன்ஸ்க்ரீன் பயன்படுத்துவதும் அவசியமானது.

நார்ச்சத்து மிகுந்த உணவை உட்கொள்ள வேண்டும் : முடிந்த அளவு தினசரி உணவில் நார் சத்துக்கள் அதிகம் நிறைந்த பச்சை காய்கறிகளை சேர்த்து கொள்வது நல்லது. இவர் ரத்தத்தில் உள்ள சர்க்கரை அளவை கட்டுப்படுத்த உதவும்.

சிட்ரஸ் பழங்களை உட்கொள்ள வேண்டும் : எலுமிச்சை, ஆரஞ்சு, தர்பூசணி போன்ற சிட்ரஸ் பழ வகைகளை கோடை காலங்களில் உட்கொள்வது உடலை நீர்ச்சத்துடன் வைத்திருக்க மிகவும் உதவும். மேலும் வெள்ளரிக்காய் மற்றும் இளநீர் போன்றவையும் அருந்துவது மிகவும் நல்லது.

சர்க்கரை இல்லாத பானங்கள் : உடலுக்கு குளிர்ச்சியைத் தரும் எலுமிச்சை ஜூஸ், தக்காளி ஜூஸ், மோர் போன்றவற்றில் சர்க்கரை சேர்க்காமல் குடிப்பதன் மூலம் உடலில் உள்ள சர்க்கரை அளவை கட்டுக்குள் வைப்பதுடன் உடலை நீர்ச்சத்துடனும் வைத்திருக்க முடியும்.

கலோரிகள் அதிகம் நிறைந்த பழங்களை மிதமாக உட்கொள்ள வேண்டும் : மாம்பழம் போன்ற கலோரிகள் அதிகம் நிறைந்த பழங்களை அதிக அளவு எடுத்துக் கொள்ளாமல், மிகவும் மிதமான அளவில் எடுத்துக் கொள்வதன் மூலம் ரத்தத்தில் சர்க்கரை அளவு அதிகரிப்பதை நம்மால் கட்டுக்குள் வைக்க முடியும்.