யோகா மூலம் உடல் எடையை குறைக்க முடியுமா..? அதற்கான ஆசனங்கள் என்னென்ன..? 

உடலும் , மனதும் ஒருங்கினைக்க வைக்கும் மேஜிக் யோகாவில் உள்ளது. இதை அனுபவித்த பலரும் ஒப்புக்கொள்வார்கள். அதோடு ஆரோக்கியமான வாழ்க்கை முறை தேர்வு செய்யும் பலர் யோகாவையும் தங்களுடைய அன்றாட வாழ்க்கையில் ஒன்றாக பழக்கப்படுத்திக்கொள்கின்றனர். குறிப்பாக உடல் எடையை குறைக்க முயலும் பலரும் யோகாவை தேர்வு செய்கின்றனர். உண்மையில் யோகா உடல் எடையை குறைக்க உதவுமா..? அதனால் இன்னும் என்னென்ன நன்மைகளைப் பெறலாம்..? தெரிந்துகொள்ளுங்கள்.

மன ஆரோக்கியம் : யோகா ஆசனங்களை மேற்கொள்வதால் உடலின் உட்புற அழகு அதிகரிக்கும். தினசரி பயிற்சியால் சிந்தனைகளை ஒருங்கினைத்து கவனத் திறன் அதிகரிகும். மன அழுத்தம் இருக்காது. உடல் அமைதி கிடைப்பதால் பாசிடிவ் எனர்ஜி தானாக கிடைப்பதை உணரலாம்.

உடல் எடை குறையும் : மனம் ஒரு நிலையில் இணையும்போது நம் உடல் மீதும் கவனம் செலுத்த தொடங்குவீர்கள். இதனால் ஒழுங்குமுறைக்கு மாறும்போது உணவு மற்றும் உண்ணும் அளவும் மாறிவிடும். அதோடு அமைதியான மனநிலையில் பாசிட்டிவ் ஹார்மோன்களும் நமக்குக் கை கொடுக்கும். இதனால் உடல் எடையை எளிதிலும், விரைவிலும் குறைத்துவிடலாம் என 2016 ஆம் ஆண்டு நடத்தப்பட்ட ஆய்வில் கூறப்பட்டுள்ளது. எனவே முறையான உணவுப் பழக்கம் , ஆரோக்கியமான வாழ்க்கை முறை , யோகா என இருப்போருக்கு உடல் எடை தானாக குறையும்.

இதற்காக 5 எளிய வகை பயிற்சி ஆசனங்கள் இருக்கின்றன. அவை சர்வங்காசனா, தனுராசனா, திரிகோனாசனா,நாகாசனா மற்றும் கத்தி சக்ராசனா ஆகிய ஆசனங்கள் உடல் எடையை குறைக்க உதவுவதாக கூறப்படுகிறது. இதை தினசரி 20 நிமிடங்கள் செய்தால் கூட பலனை எதிர்பார்க்கலாம்.

உடலமைப்பு : யோகாவைப் பொருத்தவரை மூச்சுப் பயிற்சிதான் முதன்மையானது. இதை செய்வதால் உடலில் ஆக்ஸிஜன் அனைத்து உறுப்புகளுக்கும் சீராக சென்று சேர்கிறது. சுவாசிக்கின்றன. இதனோடு செய்யும் ஸ்ட்ரெச்சுகளும் உடலமைப்பை சீராக வைக்க உதவும். எலும்புகளுக்கு உறுதியளிக்கிறது.

நச்சு நீக்கி : உடலில் உருவாகும் கெட்ட கொழுப்புகள், நச்சுக் கிருமிகளை நீக்கி உடலை தூய்மையாக வைத்துக்கொள்ள உதவும் சிறந்த பயிற்சி.

காயங்களின் மருந்து : யோகா பயிற்சி உடலின் ஹார்மோன்களை சீராக இயக்க உதவும். இதனால் நோய் , உடலில் காயங்கள், முக அழகு, பருக்கள் என அனைத்தையும் குணமாக்கும். உடல் காயங்கள் மட்டுமல்ல மனதில் ஏற்பட்டுள்ள காயங்களுக்கும் யோகா சிறந்த மருந்து.

ஒட்டுமொத்த ஆரோக்கியம் : இப்படி உடல், மனம் என யோகாவால் பல வகையான நன்மைகளைப் பெற முடிகிறது. எனவே தினசரி யோகா பயிற்சி ஆரோக்கியமான வாழ்க்கைக்கு ஆதாரம்.