உணவுகள் மூலம் போதுமான விட்டமின் டி-யை பெற முடியுமா..? குறைபாட்டை போக்கும் வழிகள்...

வைட்டமின் டி என்பது கொழுப்பு கரைதல் கொண்ட சத்தாகும். இதில் வைட்டமின் டி1, டி2 மற்றும் டி3 ஆகியவையும் உள்ளன. உங்கள் உடல் சூரிய வெளிச்சத்தில் படும்போது, தானாகவே வைட்டமின் டி உற்பத்தி செய்யப்படுகிறது. ரத்தத்தில் போதுமான அளவு வைட்டமின் டி இருப்பதை உறுதி செய்ய நாம் உணவு மற்றும் ஊக்க மருந்துகளை எடுத்துக் கொள்ளலாம்.

எலும்பு மற்றும் பற்களின் வளர்ச்சி, பலம் ஆகியவற்றுக்கும் இது முக்கியமானது. சில வகை நோய்களுக்கு எதிரான எதிர்ப்பு சக்தியை தர வல்லது. எனினும், வைட்டமின் டி-யை அதிகமாக எடுத்துக் கொண்டால் சிறுநீரக செயலிழப்பு ஏற்படும் என்று கூறப்படுகிறது. ஆகவே, வைட்டமின் டி சத்து குறித்த முறையான தகவல்களை நாம் தெரிந்து கொள்ள வேண்டியது அவசியமாகிறது.

அதிக வைட்டமின் டி எடுத்துக் கொண்டால் நல்லது : இல்லை. இது உண்மை கிடையாது. வைட்டமின் டி எந்த அளவுக்கு நன்மை அளிக்குமோ, அதே அளவு தீமையும் கொண்டது. 19 முதல் 70 வயது வரையிலான பெரியவர்கள் 15 mcg அளவும், 71 வயதுக்கு மேற்பட்டவர்கள் 20 mcg அளவும் வைட்டமின் டி எடுத்துக் கொள்ளலாம். 9 வயது மற்றும் அதற்கு மேற்பட்ட குழந்தைகள் 4,000 IU அளவில் வைட்டமின் டி எடுத்துக் கொள்ளலாம். அளவு மீறினால் சிறுநீரக பாதிப்பு ஏற்படும்.

உணவுகளில் இருந்து போதுமான அளவு வைட்டமின் டி கிடைத்துவிடும் (?) இது பொதுவான கருத்து. ஆனால், உணவில் இருந்து மட்டும் போதுமான அளவு வைட்டமின் டி கிடைத்துவிடாது. முட்டை, வெண்ணெய், பால் மற்றும் காளாண் போன்ற உணவுகளில் வைட்டமின் டி கிடைக்கும் என்றால், இது நமக்கு தேவைப்படும் அளவில் ஒரு பகுதி மட்டுமே.

எடை குறைக்க உதவுமா? உடல் எடையை குறைக்க வைட்டமின் டி உதவும் என்பதற்கான அறிவியல்பூர்வ ஆதாரம் எதுவுமே கிடையாது. ஆனால், வைட்டமின் டி குறைபாடு இருந்தால் உடல் பருமன் இருக்கலாம் என்று ஆய்வுகள் தெரிவிக்கின்றன.

சூரிய ஒளியில் இருந்து வைட்டமின் டி : ஆம், நமது சருமத்தின் மீது சூரிய ஒளி படரும்போது, அதில் இருந்து வைட்டமின் டி3 உற்பத்தி ஆகிறது. அது நமது கல்லீரலில் இருந்து சிறுநீரகத்திற்கு அனுப்பி வைக்கப்பட்டு, அங்கு வைட்டமின் டி ஆக மாறுகிறது. எனினுன், அதிக வெப்பத்தின் பாதிப்புகளை சமாளிக்க பாதுகாப்பான உடைகள் அவசியம்.

வைட்டமின் டி மற்றும் மன அழுத்தம் : உடலில் செரோடினின் உற்பத்தியாக வைட்டமின் டி உதவுகிறது. இந்த செரோடினின் என்பது நமது எண்ணப்போக்கிற்கு புத்துணர்ச்சி அளிக்கவும், முறையான தூக்கம் வரவும் உதவும். மன அழுத்தத்திற்கு பல வகையான காரணங்கள் உண்டு. வைட்டமின் டி குறைபாடு என்பதும் அந்த காரணங்களில் ஒன்று.

நோய் எதிர்ப்பு சக்தி : மூச்சுத்திணறல் பிரச்சினை மற்றும் இதர உடல்நலப் பிரச்சனைகளை தடுக்க வைட்டமின் டி உதவிகரமாக இருக்கிறது. வெளிப்புறத்தில் இருந்து வரும் நோய் கிருமிகளை எதிர்த்து இது போராடுகிறது.

வைட்டமின் டி மற்றும் ரத்த சர்க்கரை : சர்க்கரை நோயை நீங்கள் தடுக்க வேண்டும் என்றால், வைட்டமின் டி அளவை பரிசோதனை செய்து கொள்ள வேண்டும். ஏனெனில் உடலில் இன்சுலின் சுரப்பை அதிகரிக்க வைட்டமின் டி உதவுகிறது. இதனால், சர்க்கரை நோய் கட்டுப்படுத்தப்படுகிறது.