விட்டமின் டி குறைபாடு கொரோனா நோயாளிகளிடையே இறக்கும் அபாயத்தை அதிகரிக்கிறது - ஆய்வு

தற்போதைய மருத்துவ அவசரத் தேவையில் விட்டமின் டி இன்றியமையாத ஊட்டச்சத்தாக இருக்கிறது. விட்டமின் டி குறைபாடு கொரோனா நோயாளிகளை அதிகரிப்பது மட்டுமன்றி இறக்கும் அபாயத்திற்கும் கொண்டு செல்வதாக ஆய்வு தெரிவிக்கிறது. இந்த ஆய்வானது ‘PLOS ONE Journal’ என்னும் இதழில் வெளியிடப்பட்டுள்ளது.

இஸ்ரேலின் சஃபேடில் உள்ள பார்-இலன் பல்கலைக்கழகத்தின் ஆராய்ச்சியாளர்கள் மற்றும் இஸ்ரேலின் நஹாரியாவில் உள்ள கலிலி மருத்துவ மையத்தின் ஆராய்ச்சியாளர்கள் ஆகியோர் இணைந்து நடத்திய இந்த ஆய்வில் , வைட்டமின் D குறைபாடானது கொரோனா நோயின் தீவிரம் அதிகரிப்பதற்கும், நோயாளிகள் இறப்பதற்குமான தொடர்பை சுட்டிக்காட்டினர். நோய்த்தொற்றுக்கு முன்னரே வைட்டமின் டி அளவை ஆய்வு செய்ததில் முதன்மையானது இந்த ஆய்வு ஆகும்.

MedRxiv இல் ஆரம்பத்தில் வெளியிடப்பட்ட முடிவுகளின் அடிப்படையில் இந்த கண்டுபிடிப்புகள் உருவாக்கப்பட்டுள்ளன. ஏப்ரல் 2020 மற்றும் பிப்ரவரி 2021 க்கு இடையில் கலிலீ மருத்துவ மையத்தில் (ஜிஎம்சி) அனுமதிக்கப்பட்ட 1,176 கொரோனா நோயாளிகளின் பதிவுகளை ஆய்வு செய்தது. அதில் அவர்களின் விட்டமின் டி அளவு மற்றும் நோயின் தீவிரத் தன்மையை கண்கானித்தது.

அதில் , விட்டமின் டி குறைபாடுள்ளவர்கள் அதாவது விட்டமின் டி- யானது 20 ng/mL க்கும் குறைவானவர்கள் 40 ng/mL க்கும் அதிகமாக இருப்பவர்களைக் காட்டிலும் கொரோனா தொற்றால் 14 மடங்கு பாதிக்கப்படுவதற்கான வாய்ப்புகள் இருப்பதாகக் கூறியுள்ளது.

பாதிக்கப்பட்ட கொரோனா நோயாளிகளில் வைட்டமின் டி குறைபாடுள்ளவர்கள் 25.6 சதவீதமாக இருந்தனர். அதில் 2.3 சதவீதத்தினர் இறந்துள்ளனர்.

வயது, பாலினம், பருவம் (கோடை/குளிர்காலம்), நாட்பட்ட நோய்கள் போன்ற காரணங்களின் அடிப்படையிலும் ஆய்வு மேற்கொள்ளப்பட்டது. மேலும் குறைந்த வைட்டமின் டியின் தாக்கம், நோயின் தீவிரம் மற்றும் இறப்புக்கு குறிப்பிடத்தக்க பங்களிப்பை கொண்டிருந்தது என்று ஆய்வாளர்கள் குறிப்பிட்டுள்ளனர்.

எனவே "வைட்டமின் D இன் இயல்பான அளவைப் பராமரிப்பது அவசியம் என ஆய்வாளர்கள் அழுத்தமாக கூறியுள்ளனர். குறிப்பாக இது வைரஸால் பாதிக்கப்பட்டவர்களுக்கு நன்மை பயக்கும்" என்று கலிலி மருத்துவ மையம் மற்றும் பார்-இலன் பல்கலைக்கழகத்தின் மருத்துவ பீடத்தின் Azrieli டாக்டர் Amiel Dror கூறினார். இவர்தான் ஆய்வுக்கு தலைமை தாங்கினார்.

"உள்ளூர் சுகாதார அதிகாரிகள் மற்றும் உலகளாவிய சுகாதார அமைப்புகளால் அறிவுறுத்தப்பட்டபடி, வைட்டமின் டி நோய்த் தாக்குதல்களில் முக்கிய பங்கு வகிக்கின்றன. அவை மனிதனுக்கு எவ்வளவு முக்கியம் என்பதை இந்த ஆய்வு கூறியுள்ளது“ என்று மருத்துவர் கூறியுள்ளார்.

தற்போதைய ஆய்வில் பங்கேற்ற உட்சுரப்பியல் நிபுணரான டாக்டர் அமீர் பாஷ்கின், "சுவாச நோய்க்கான நோயெதிர்ப்பு சக்திக்கு வைட்டமின் டி கூடுதல் நன்மையைக் கொண்டிருக்கும்போது, ​​கோவிட்-19 தொற்றுநோய்க்கும் இது உதவியாக இருக்கும்."

மேலும் ஒரு சிலர் மட்டும் கொரோனா நோய்த்தொற்றுக்கு கடுமையாக பாதிக்கப்பட என்ன காரணம் என்று இன்னும் முழுமையாக கண்டறியப்படாமல் இருக்கும் சூழலில் எங்களுடைய இந்த ஆய்வும் அவர்களுக்கு உதவியாக இருக்கும் என்று கூறியுள்ளனர்.