என்றும் இளமையான தோற்றத்தை பெற தினமும் இந்த விஷயங்களை கடைபிடிக்கவும்..!

நம் அனைவருக்கும் இளமையான தோற்றத்தை பெற வேண்டும் என்ற ஆசை இருக்கும். அதற்காக நாம் ஆயிரக்கணக்கில் செலவழித்து பல கிரீம்களையும், சிகிச்சைகளையும் செய்கிறோம். ஆனால், தினசரி நாம் இயற்கையாக செய்யக்கூடிய விஷயங்களை தவறாமல் செய்தாலே என்றும் இளமையான தோற்றத்தை பெறலாம் என்பது உங்களுக்கு தெரியுமா?. ஒரு பைசா செலவில்லாமல் சில இயற்கையான விஷயங்கள் மூலம் உங்கள் இளமையை எப்படி காப்பது என இங்கே காணலாம்.

தினமும் மசாஜ் செய்யுங்கள் : ரிஃப்ளெக்சாலஜி என்பது ஒரு வகையான மசாஜ் ஆகும். இது உங்கள் கால்கள் மற்றும் கைகளின் வெவ்வேறு பகுதிகளுக்கு அழுத்தம் கொடுப்பதாகும். இந்த மசாஜ் சருமத்தின் இளமை தோற்றத்துக்கு உதவும். உங்கள் தோல் சுருக்கத்தை கட்டுப்படுத்தும்.

கழிவுகளை தினமும் அகற்றுங்கள் : உடலில் தேங்கியிருக்கும் கழிவுகள் சருமத்தின் இளமை தோற்றத்தை பாதிக்கும். எனவே, சரியான நேரத்திற்கு மலம் கழிப்பது, சரியான கால இடைவெளியில் சிறுநீர் கழிப்பது மற்றும் ஆரோக்கிய உணவுகளை எடுத்துக்கொள்வது அவசியம் ஆகும். இதன் மூலம் உங்கள் இளமையை பாதுகாக்கலாம்.

நன்றாக தண்ணீர் பருகுங்கள் : தண்ணீர் உங்கள் சருமத்தை ஈரப்பதத்துடன் வைத்திருக்க உதவுகிறது. எனவே, தினமும் போதுமான அளவு தண்ணீர் அருந்தி வருவது உங்கள் சரும ஆரோக்கியத்தை மேம்படுத்த உதவும். தண்ணீர் உங்கள் சருமத்தை ஈரப்பதத்துடன் வைப்பதுடன், எப்பொழுதும் இளமையாக இருக்க உதவும்.

சரியான உடற்பயிற்சி : மன அழுத்தம் நீங்கவும் உடலை கட்டுக்கோப்பாக வைக்கவும் உடற்பயிற்சி செய்வது அவசியம். வெளியே சென்று இயற்கையான சுவாச காற்றை சுவாசித்து வரலாம். இது உங்கள் சருமத்தை இளமையாகவும், உறுதியாகவும் வைக்க உதவுகிறது. இல்லையெனில், தினமும் 1:30 மணிநேரம் வாக்கிங் அல்லது ஜாக்கிங் செய்யலாம்.

எப்போதும் மகிழ்ச்சியாக இருங்கள் : மிசோரி பல்கலைக்கழகம் நடத்திய ஆய்வு ஒன்றில், அதிகமாகச் சிரிப்பவர்கள் இளமையாக இருப்பதாக கண்டறியப்பட்டுள்ளது. எனவே, கவலைகளை மறந்து சிரிக்க கற்றுக் கொள்ளுங்கள். இது உங்களை என்றும் இளமையாக இருக்க உதவும்.

ஆரோக்கியமான உணவு : கொலாஜன் மற்றும் எலாஸ்டின் இரண்டும் அமினோ அமிலங்களின் சங்கிலிகளால் ஆன புரதங்கள். அவைதான் நமது சருமத்தை உறுதியாகவும், இறுக்கமாகவும் வைக்க உதவுகிறது. இவற்றை பெற ஊட்டச்சத்து மிக்க உணவுகளை சாப்பிடுவது அவசியம்.

நல்ல தூக்கம் : இரவில் நன்றாக ஆழ்ந்து தூங்குவது உங்கள் சருமத்தையும் உங்கள் மனநிலையையும் ஆரோக்கியமாக வைக்க உதவுகிறது. எனவே, என்றும் இளமையாக இருக்க நன்றாக தூங்குவது அவசியம். குறைந்தது, 6 முதல் 8 மணிநேரம் உறங்குவார்கள் என்றும் அழகாகவும் இளமையாகவும் காணப்படுவார்கள்.

சரும பராமரிப்பு : சருமத்தின் மேற்பரப்பில் உள்ள இறந்த செல்களை நீக்குவது மிகவும் அவசியம். எனவே, வாரத்திற்கு ஒருமுறை சருமத்தை ஸ்க்ரப் செய்து மிகவும் அவசியம். இது உங்கள் சருமத்தை என்றும் இளமையாக வைக்க உதவுகிறது. இதனால், சரும தொற்றுக்களை குறையும்.

விட்டமின் ஏ உணவுகள் : சருமத்தை இளமையாக வைக்க விட்டமின் ஏ அவசியம். இது நமது சருமத்தை மென்மையாக வைக்கும் புரதமாகும். இது கொலாஜன் உற்பத்தியை அதிகரிக்கிறது. எனவே, விட்டமின் ஏ அடங்கிய உணவுகளை நீங்கள் எடுத்துக் கொள்ளுங்கள்.