சிறுநீர் இந்த நிறத்தில் வெளியேறினால் அலட்சியம் காட்ட வேண்டாம்.. இந்த விவரம் தெரியுமா?

மோசமான வாழ்க்கை முறை நீரிழிவு நோயை ஏற்படுத்துகிறது. நீரிழிவு நோய் பல நோய்களுக்கு ஆதாரமாக உள்ளது. இந்த நோயால் இரத்த சர்க்கரை அளவு அதிகரிக்கிறது. இது மிகவும் ஆபத்தான நோய். இதனால் முழு உலகமும் தவித்து வருகிறது. உலக சுகாதார அமைப்பின் (WHO) புள்ளிவிவரங்களின்படி, உலகில் 422 மில்லியனுக்கும் அதிகமான மக்கள் நீரிழிவு நோயால் பாதிக்கப்பட்டுள்ளதாக கூறப்பட்டுள்ளது. கணையத்தால் உற்பத்தி செய்யப்படும் இன்சுலின் அளவு குறைந்தாலோ அல்லது இன்சுலின் உற்பத்தி செய்யப்படாவிட்டாலோ, இரத்தத்தில் உள்ள சர்க்கரை அளவை சரிசமமாக வைக்க முடியாது. இதனால், இரத்த சர்க்கரை அளவு அதிகரிக்கும்.

இன்சுலின் இரத்தத்தில் உள்ள சர்க்கரையை குறைக்க உதவுகிறது. இன்சுலின் குறைபாடு ஏற்பட்டால், இரத்தத்தில் சர்க்கரையின் அளவு எல்லா இடங்களிலும் உயர்ந்து சிறுநீரையும் பாதிக்கிறது. நீரிழிவு நோயின் முதல் அறிகுறி பெரும்பாலும் சிறுநீரின் நிறம் ஆகும். சிறுநீரின் நிறம் பல நோய்களைக் குறிக்கலாம் என்றாலும், வேறு ஏதேனும் அறிகுறிகள் இருந்தால், அது நீரிழிவு நோயின் அறிகுறியாகும். எனவே, உடனடியாக ஒரு மருத்துவரை அணுகுவது நல்லது.

நீரிழிவு நோயின் அறிகுறிகள் .... பழுப்பு நிறத்தில் சிறுநீர் : ஹெல்த்லைன் தகவல்படி, உடலில் நீரிழிவு நோய் ஏற்பட்டால் சிறுநீர் வெளிர் பழுப்பு நிறமாக காணப்படும் என கூறப்படுகிறது. நீரிழிவு நோய் இரத்தத்தில் குளுக்கோஸின் அளவை அதிகரிக்கிறது. இன்சுலின் அளவு சரியாக இல்லாததால், காலப்போக்கில் சிறுநீர் வழியாக சர்க்கரை வெளியேற்றப்படும். இதனால், சிறுநீரின் நிறம் வெளிர் பழுப்பு நிறமாக தோன்றும். சர்க்கரை மட்டும் அல்ல கால்சியம் மற்றும் பிற பொருட்களும் வெளியேறத்துவங்கும்.

சிறுநீரின் வாசனையில் மாற்றம் : சிறுநீரில் சர்க்கரையின் அளவு அதிகமாக இருந்தால் குளுக்கோஸ் வாசனை வர ஆரம்பிக்கும். அதாவது, பழம் போன்ற இனிப்பு மணம் வரும். இந்த அறிகுறியை வைத்து சர்க்கரை நோய் இருப்பதை புரிந்து கொள்ளலாம். சிறுநீரில் சர்க்கரை கலந்த பழ வாசனை வந்தால் உடனடியாக மருத்துவரை அணுகவும்.

தீவிர பசி : நீரிழிவு நோயாளிகள் அடிக்கடி பசியை உணர்வார்கள். அத்துடன், அதிக உடல் சோர்வையும் உணர்வார்கள். கடுமையான பசி, அடிக்கடி தாகம் மற்றும் அடிக்கடி சிறுநீர் கழித்தல் இருந்தால், அவருக்கு நீரிழிவு நோய் ஏற்பட்டுள்ளதற்கான வாய்ப்புகள் அதிகம். அதே போல, கை மட்டும் கால்களில் கூச்சம் ஏற்படும். எனவே, இந்த அறிகுறிகள் சிறுநீரின் நிறத்துடன் இருந்தால், உங்களுக்கு நீரிழிவு நோய் வருவதற்கான வாய்ப்புகள் அதிகம். இந்த அறிகுறிகள் தென்பட்டால், மருத்துவரை அணுகுவது நல்லது.