உடலுறவுக்கு பின் கட்டாயம் கடைப்பிடிக்க வேண்டிய 8 சுகாதார விஷயங்கள்..!

உடலுறவு என்பது இருவர் தங்களின் உணர்வுகளை பகிர்ந்துக்கொள்ளும் ஒரு அழகான விஷயம். பாலுறவு குறித்த அனைத்து விஷயங்களும் தெரியாவிட்டாலும், ஓரளவுக்கு அனைவருக்கும் இது குறித்த புரிதல் இருக்கும். ஆனால், உடலுறவுக்கு பின் நாம் கட்டாயம் செய்ய வேண்டிய விஷயங்கள் பற்றி உங்களுக்கு தெரியுமா?. ஆரோக்கியமான உடலுறவை பேண, உடலுறவுக்கு பின்னர் நாம் கட்டாயம் கடைபிடிக்க வேண்டிய சில விஷயங்களை பற்றி இங்கு காணலாம்.

ஆணுறையை அப்புறப்படுத்தவும் : உடலுறவின் போது நீங்கள் பயன்படுத்திய ஆணுறைகள் மற்றும் பிற பாதுகாப்பு அம்சங்களை கவனமாக அகற்றவும். பின்னர் அவற்றை, மற்றொரு பையில் போட்டு முடிச்சிட்டு குப்பை தொட்டியில் போடவும்.

சிறுநீர் கழிக்கவும் : உடலுறவுக்கு பின்னர் உங்கள் அந்தரங்க உறுப்பில் தங்கியிறுக்கும் விந்தணுக்களை முழுவதுமாக வெளியேற்ற சிறுநீர் கழிப்பது அவசியம். உடலுறவின் போது, உங்கள் அந்தரங்க உறுப்பில் தங்கியிருக்கும் அணுக்கள் மற்றும் பாக்டீரியாக்கள் தொற்றுக்கு வழிவகுக்கும்.

உள்ளாடைகளை மாற்றவும் : உடலுறவுக்கு பின்னர், நீங்கள் புதிய உள்ளாடைகளை அணிவது அவசியம். அதாவது, உடலுறவுக்கு முன் உடுத்திய உள்ளாடைகளை மீண்டும் பயன்படுத்த கூடாது. ஏனென்றால், அவற்றில் விந்தணுக்கள் தங்கி இருக்கலாம்.

தண்ணீர் குடிக்கவும் : உடலுறவின் போது ஏற்படும் ஆற்றல் இழப்பை ஈடுசெய்ய, உடலுறவுக்கு பின்னர் ஒரு கிளாஸ் தண்ணீர் குடிப்பது அவசியம். மேலும், உங்கள் உடலில் ஏற்பட்ட நீரிழப்பை சரி செய்ய இதுவே சரியான வழி ஆகும். இது உங்கள் உடல் உறுப்புகளை சிறப்பாக செயல்பட வைக்க உதவும்.

வெந்நீர் குளியல் : உடலுறவுக்கு பின்னர் ஏற்படும் உடல் வலி, களைப்பு போன்ற பிரச்சனைகளை தவிர்க்க, மிதமான சூட்டில் ஒரு வெந்நீர் குளியல் போடுவது நல்லது. முடிந்தால், பாத்-டப்பில் வெந்நீர் நிரப்பி சிறிது நேரம் அதில் ஓய்வு எடுப்பது நல்லது. இது உங்களுக்கு நல்ல உறக்கத்தை தருவதுடன், உடலை புத்துணர்ச்சியாக வைக்கும்.

கைகளை கழுவவும் : உடலுறவுக்கு பின்னர் முதலில் செய்ய வேண்டிய சில விஷயங்களில் ஒன்று கைகளை சோப்பு அல்லது கிருமி நாசினி கொண்டு சுத்தம் செய்வது. உடலுறவுக்கு பின் எந்த பொருட்களையும் தொட வேண்டாம். ஏனென்றால், உடலுறவிற்கு பின்னர் ஏற்படும் கிருமி தொற்றுகளை தவிர்க்க கைகளை சுத்தமாக கழுவுதல் அவசியம் ஆகும்.

உணவு உண்ணவும் : உடற்பயிற்சிக்கு பின்னர் நம் உடல் உணவை நாடி செல்வதைப் போல், உடலுறவுக்கு பின்னரும் நம் உடல் உணவை தேடி செல்லும். எனவே, உடலுறவுக்கு பின்னர் ஆரோக்கியமான உணவுகளை எடுத்துக்கொள்வது நல்லது. செரிமானத்திற்கு எளிதான உணவுகளை எடுத்துகொள்ளவது நல்லது. இது உங்கள் ஆற்றல் இழப்பை ஈடு செய்யும்.

தளர்வான ஆடைகள் : உடலுறவுக்கு பின்னர் உறங்கச் செல்லும் போது, தளர்வான ஆடைகளை அணிவது அவசியம். இந்த தளர்வான ஆடைகள், உடலின் சரியான இரத்த ஓட்டத்திற்கு உதவும் என்பதால், உடலுறவுக்கு பின்னர், இறுக்கமான ஆடைகளை தவிர்ப்பது நல்லது. இது உங்கள் உடலை அமைதியாக வைக்க உதவும்.