உங்களிடம் இந்த பழக்கம் இருந்தால் சீக்கிரமே வயசாகிடும்..!

நமது வாழ்க்கை முறை நமது ஆரோக்கியத்தை பெரிதும் பாதிக்கிறது. நமக்கு வாழ்க்கையை ஆரோக்கியமாக வைக்க, நாம் என்ன சாப்பிடுகிறோம், எவ்வளவு உடற்பயிற்சி செய்கிறோம் மற்றும் பிற காரணிகள் மூலம் நம் ஆரோக்கியத்தை மேம்படுத்தலாம் அல்லது மோசமாக்கலாம். எனவே, நாம் பின்பற்றும் பழக்கவழக்கங்களை கவனத்தில் கொள்ள வேண்டியது அவசியம். முதுமை என்பது நமது உடலின் பொதுவான தேய்மானம் மற்றும் காலப்போக்கில் இயற்கையாக ஏற்படும் விஷயங்களில் ஒன்று. இதை தடுக்க முடியாது என்றாலும், கட்டுப்படுத்த முடியும். நம்மிடம் இருக்கும் சில பழக்கங்கள் நம்மை விரைவில் வயதானவராக காட்டும். அந்த பழக்கங்கள் என்ன என்பதை இங்கே காணலாம்.

அதிகமாக மது அருந்துதல் : அதிக அளவு மது அருந்துவதால், நாம் நினைத்ததை விட அதிகமான வயதான தோற்றத்தை பெறுவீர்கள். மது அருந்துவது ஆரோக்கியமற்றதாக இருந்தாலும், அதிகமாக குடிப்பது உங்கள் ஆரோக்கியத்தை கெடுக்கும். அத்துடன், இது பல்வேறு உறுப்புகளின் ஆரோக்கியத்தையும் செயல்பாட்டையும் பாதிக்கும்.

சரியான தூக்கமின்மை : ஒரு உடலுக்கு கிட்ட தட்ட 6 முதல் 7 மணி நேரம் ஓய்வு தேவைப்படும். அப்படி நாம் உடலுக்கு சரியான ஓய்வை கொடுக்காமல் இருந்தால், விரைவில் வயதான தோற்றம் காணப்படும். சரியான தூக்கமின்மை நமது உறுப்புகள் மற்றும் பல்வேறு உடல் செயல்பாடுகளை பாதிக்கிறது.

ஆரோக்கியமற்ற உணவு : இது அதிர்ச்சியான விஷயம் அல்ல என்றாலும், நம் எல்லாருக்கும் தெரிந்த ஒன்று. ஆரோக்கியமற்ற உணவைத் தொடர்ந்து சாப்பிடுவது வளர்சிதை மாற்றத்தைக் குறைத்தல், எடை அதிகரிப்பு, அதிக கொழுப்பு, நீரிழிவு போன்றவை பாதிப்புக்கான வாய்ப்புகளை அதிகரிக்கிறது. அதுமட்டும் அல்ல, நமது சரும பிரச்சனைகளை அதிகரிப்பதுடன், விரைவில் வயதான தோற்றத்தையும் கொடுக்கிறது.

குறைந்த உடல் அசைவு : நீரிழிவு நோய் மற்றும் அதிகரித்த இதய அபாயங்கள் போன்ற பல ஆபத்தான நோய்களுக்கு குறைந்த உடல் அசைவுகள் தான் முக்கிய காரணமாக இருக்கிறது. இதனால், உடல் எடை அதிகரிப்பதுடன் முதுமையான தோற்றத்தையும் கொடுக்கும். சிலர் வேலையின் போது அதிகமாக உட்காந்திருப்பார்கள். நீங்கள் தொடர்ந்து உடற்பயிற்சி செய்தாலும் அதிகமாக உட்கார்ந்திருப்பது உடலில் இரத்த ஓட்டத்தை பாதிக்கிறது. வேலையின் போது நீங்கள் நடக்க அல்லது கால்களை நீட்ட முயற்சிக்க வேண்டும்.

அதிக மன அழுத்தம் : ஒவ்வொருவருக்கும் வெளியில் சொல்ல முடியாத பல பிரசனைகள் இருக்கும். தனிப்பட்ட வாழ்க்கை, வேலை என அனைத்து விஷயங்களிலும் பிரச்சனைகள் இருக்கும். பிரச்சனைகளுக்கு கண்டிப்பாக தீர்வு என ஒன்று இருக்கும். நீங்கள் நீண்ட காலத்திற்கு மன அழுத்தத்துடன் இருப்பது, உங்களின் உடலை சேதப்படுத்துகிறது மற்றும் வயதாவதை துரிதப்படுத்துகிறது.

காஃபி & டீ பழக்கம் : தேநீர் மற்றும் காபி சில ஆரோக்கிய நன்மைகளைக் கொண்டுள்ளன. ஆனால், அதை ஒரு குறிப்பிட்ட அளவிற்கு உட்கொள்ளும் போது மட்டுமே. அளவுக்கு அதிகமான டீ மற்றும் காபி உட்கொள்வது உங்களை வேகமாக முதுமையாக்குகிறது.

சூரிய கதிகள் : சூரிய ஒளியானது தோல் புற்றுநோயின் அபாயத்தை அதிகரிப்பதாக நிரூபிக்கப்பட்டுள்ளது. நீண்ட நேரம் சூரிய ஒளியில் இருப்பது சருமத்தில் சுருக்கங்களை ஏற்படுத்துகிறது மற்றும் தோல் வயதானதை துரிதப்படுத்துகிறது. எனவே, வெளியில் செல்லும் போது சன்ஸ்கிரீன்களை பயன்படுத்துவது நல்லது.

நெருக்கம் இல்லாமை : நெருக்கம் மற்றும் ஆரோக்கியமான பாலியல் உறவுகள் ஒருவரின் ஆயுட்காலத்தை அதிகரிக்க உதவுகின்ற என ஆய்வுகள் கூறுகின்றனர். உடல் மற்றும் மனதளவிலான நெருக்கம் மகிழ்ச்சியான ஹார்மோன்களின் உற்பத்தியை அதிகரிக்கிறது. இதனால், நாம் பார்ப்பதற்கு ஏப்போதும் இளமையாக தெரிவோம்.

பருவகால உணவுகள் இல்லை : பருவகால உணவுகள் இயற்கை முறையில் பயிரிடப்படுவதால் ஊட்டச்சத்துக்கள் நிறைந்துள்ளன. எனவே, குறிப்பிட்ட பருவத்தில் விளையும் பழங்கள் மற்றும் காய்கறிகளை உட்கொள்வது அவசியம். அதே போல, நவநாகரீக உணவுமுறைகளை பின்பற்றுவதால் உடலில் அதிக அழுத்தம் ஏற்பட்டு தேய்மானம் ஏற்படுகிறது.

உணவைத் தவிர்ப்பது : பிஸியான வேலை வாழ்க்கை, இரவு நேர வேலை, காலையில் தாமதமாக எழுவது ஆகியவை நமது காலை உணவு முறையை மாற்றியமைக்கும். ஆனால், அதைப் பற்றி நம்மில் பலர் கவலைப்படுவதில்லை. நமக்கு தேவையான ஆற்றல் நமது உடலுக்கு கிடைக்காத போது நமது சருமம் மற்றும் ஆரோக்கியம் தேய்ந்துவிடும்.

புகைபிடித்தல் : மது அருந்துவதைப் போலவே, புகைபிடிப்பதும் ஒருவரின் ஆரோக்கியத்தை மோசமாக்கும். இது முதுமையை துரிதப்படுத்துகிறது. ஆரோக்கியமாக சாப்பிடுவதும், தினமும் உடற்பயிற்சி செய்வதும் உடலில் உள்ள பல்வேறு உறுப்புகளின் செயல்பாட்டை மேம்படுத்துகிறது.