நாம் தினசரி பின்பற்றும் இந்த 8 பழக்கங்கள் உங்களுக்கே ஆபத்தாக மாறும் என்பது தெரியுமா..?

நாம் அனைவரும் ஆரோக்கியத்திற்காக பல சுகாதார விஷயங்களை மேற்கொள்வோம். அது காலையில் பல் துலக்குவது முதல் இரவு குளிப்பது வரை ஆரோக்கியத்தை பேன பல விஷயங்களை செய்வோம். அப்படி நாம் தினமும் நல்லது என நினைத்து செய்யக்கூடிய சில விஷயங்கள் நமக்கு தீங்கை விளைவிக்கும் என்பது உங்களுக்கு தெரியுமா? நம் ஆரோக்கிய வாழ்வை பாதிக்கும் அந்த ஒரு சில விஷயங்கள் பற்றி இந்த பதிவில் நாம் காணலாம்.

சாப்பிட்டதும் உறங்குவது : நம்மில் சிலருக்கு இரவு உணவு உண்டவுடன் உறங்கச் செல்லும் பழக்கம் இருக்கும். இந்த பழக்கம் ஆரோக்கியத்திற்கு நல்லது இல்லை. உண்டவுடன் உறங்க செல்வது உங்கள் செரிமான செயல்பாட்டை பாதிப்பதோடு, கொலஸ்ட்ரால் தேக்கத்திற்கு வழிவகுத்து தொப்பை உண்டாவதற்கு காரணமாக மாறுகிறது.

அதிக நேரம் ஹெட் செட் பயன்படுத்துவது : நம்மில் சிலருக்கு அதிகமாக பாட்டு கேக்கும் பழக்கம் இருக்கும். பாட்டு கேப்பது நல்லது தான். ஆனால், ஹெட்செட் அதிகமாக உபயோகிப்பது நல்லது அல்ல.  ஹெட் செட் மூலம் அதிகமாக பாட்டு கேட்பது, உங்கள் காதுகளின் சவ்வுகளை பாதிக்கும். அதேநேரம், காது நரம்புகளின் தொற்றுக்கும் வழிவகுத்து, காது மற்றும் வாய் வலிக்கு காரணமாக அமையும்.

தூங்குவதற்கு முன் உடற் பயிற்சி : நம்மில் சிலர் நேரமின்மை காரணமாக இரவு தூங்கச் செல்வதற்கு முன் சிலர் உடற்பயிற்சி செய்வதை வழக்கமாக வைத்துள்ளோம். இவ்வாறு செய்வது உடல் மொலிவுறுதல் பிரச்சனைக்கு வழிவகுக்கலாம். அதுமட்டும் அல்ல, செரிமானப் பிரச்சனைக்கு வழிவகுக்கும்.

குப்புறப் படுப்பது : நம்மில் பலருக்கும் இருக்கும் பழக்கங்களில் ஒன்று. தலைகுப்புற படுப்பது. இரவு தூங்கும் போது தரையை பார்த்து படுப்பது படுப்பதால், கழுத்து எலும்புகளின் அழுத்தம் அதிகரிக்கும். இதன் விளைவாக கழுத்து வலி, முதுகு வலி மற்றும் சதை பிடிப்பு உள்ளிட்ட பிரச்சனைகள் ஏற்படும்.

நீண்ட நேரம் பல் துலக்குவது : சந்தேகமே வேண்டாம், என்னை போல உங்களுக்கும் நீண்ட நேரம் பல் துலக்கும் பழக்கம் இருக்கும். நீண்ட நேரம் பல்துலக்குவதால், பற்பசையில் உள்ள வேதிப்பொருட்கள் பல்லின் எனாமல் சிதைவுக்கு வழிவகுக்கும். அதேப்போன்று அளவுக்கு அதிகமாக பற்பசை பயன்படுத்தினாலும் பல் எனாமலை பாதிக்கும். மிளகு அளவிற்கு மட்டுமே பற்பசையை உபயோகிக்க வேண்டும்.

டீ-க்கு பின் தண்ணீர் குடிப்பது : பலருக்கும் இருக்கும் பழக்கங்களில் ஒன்று, தேநீருக்கு பின் தண்ணீர் குடிப்பது. சூடான பால், தேநீர், காபி போன்றவற்றை பருகியவுடன் குளிர்ந்த நீரை குடிப்பது நல்லது அல்ல. இவ்வாறு செய்வதால், வயிற்று உபாதைக்கு வழிவகுக்கும்.

சொடுக்கு போடுவது : கை விரல்களில் அடிக்கடி சிலர் சொடுக்கு போடுவது உண்டு. இவ்வாறு அடிக்கடி சொடுக்குப் போடுவது நரம்புத் தளர்ச்சி உள்ளிட்ட நரம்பியல் பிரச்சனைகளுக்கு வழிவகுக்கும் என ஆய்வுகள் தெரிவிக்கின்றன.

எச்சில் தொட்டு பணம் எண்ணுவது : ரூபாய் நோட்டுகள் எண்ணும் போதும்,  புத்தகத்தில் பக்கங்களை திருப்பும் போது நம்மில் சிலர் ‘விரல்களில் எச்சிலை தொட்டு’ பணத்தை எண்ணுவோம். இவ்வாறு எச்சிலை தொட்டு காகிதங்களை திருப்புவது கிருமி தொற்றுக்கு வழிவகும். நுரையீரல் பாதிப்பு கூட ஏற்படலாம். எனவே, இந்த பழக்கத்தை மாற்றுவது நல்லது.