கவனம்… இந்த பழக்கங்கள் உங்கள் மூளையின் ஆரோக்கியத்தை பாதிக்குமாம்!

நாம் எவ்வளவுதான் மாற்ற நினைத்தாலும் சில பழக்கங்களை நம்மால் விட முடியாது. அவை கேட்ட பழக்கமாகவும் இருக்கலாம் நல்ல பழக்கமாகவும் இருக்கலாம். நாம் அன்றாடம் செய்யும் சில நடவடிக்கைகள் நமது மூளையின் ஆரோக்கியத்தை பாதிக்கும் என்று ஆராய்ச்சியாளர்கள் கூறுகின்றனர். அந்தவகையில், நமது மூளையின் ஆரோக்கியத்தை பாதிக்கும் சில பழக்கங்கள் பற்றி இங்கு பார்க்கலாம்.

காலை உணவை தவிர்த்தல் : காலை உணவு என்பது உடலில் ஏற்படும் வளர்சிதை மாற்றத்திற்கு அவசியமான ஒன்று. அதுமட்டும் அல்ல, அன்றைய தினத்தை புத்துணர்சியுடன் துவங்க காலை உணவு மிகவும் முக்கியம். எனவே, காலை உணவை தவிர்ப்பது மூளை ஆரோக்கியத்தை பாதிக்கிறது. அதுமட்டும் அல்ல, உடல் எடையை அதிகரிக்கவும் வழிவகுக்கும்.

போதிய தூக்கமின்மை : ஒருவர் நாள் ஒன்றுக்கு 7 முதல் 8 மணி நேரம் உறங்குவது அவசியம் ஆகும். ஏனென்றால், இது உங்கள் உடல் உறுப்புகள் மற்றும் மன ஆரோக்கியத்திற்கு நன்மைபயக்கும். அளவுக்கு குறைவாக ஓய்வெடுப்பது மற்றும் தூக்கத்தை தள்ளிப்போடுவது போன்ற விஷயங்களால் உங்கள் முளையின் ஆரோக்கியம் பாதிக்கப்படும்.

அதிகமாக தனிமையில் இருப்பது : கைப்பேசி, கணினி என தனியே அமர்ந்து நேரத்தை செலவிடுவதை காட்டிலும், மனிதர்களுடன் அதிக நேரம் செலவிடுவதே மூளையின் செயல்பாட்டை அதிகரிக்கும் என ஆய்வுகள் கூறுகின்றன. எனவே, ஒரு 1 மணி நேரமாவது இயந்திரங்களோடு அல்லாமல் மனிதர்களுடன் பழகுங்கள்.

பொரித்த உணவுகள் : சிப்ஸ், பிரென்ச் ப்ரைஸ் போன்ற எண்ணெயில் பொரித்த உணவுகளை அதிகமாக சாப்பிடுவது மூளையின் செயல்பாட்டை பாதிக்கும் என ஆய்வுகள் தெரிவிக்கின்றன. அதே போல, கார்போஹைட்ரேட் நிறைந்த பானங்களை பருகுவதும் மூளையின் ஆரோக்கியத்தை பாதிக்கும் பாதிக்கும்.

அதிகமாக ஹெட்ஃபோன் பயன்படுத்துவது : தற்போதைய இளைஞர்கள், குழந்தைகள் என அனைவரும் அதிகமாக பயன்படுத்து விஷயங்களில் ஒன்று ஹெட்ஃபோன். இந்த பழக்கம் நமது மூளையின் ஆரோக்கியத்தை பாதிக்கும் என்பது உங்களுக்கு தெரியுமா?. ஹெட்ஃபோன்களை அதிக சத்தத்துடன் பயன்படுத்துவது மூளை நரம்புகளை பாதிக்கும். அதுமட்டும் அல்ல, அதிக சத்தத்துடன் ஹெட்ஃபோன் பயன்படுத்துவது உங்கள் கேட்கும் திறனையும் பாதிக்கும் என கூறப்படுகிறது.

குறைவான உடல் அசைவு : உங்கள் உடலுக்கு சரியான அளவு வேலை கொடுக்காமல் ஒரே இடத்தில் படுத்திருப்பது, அமர்ந்திருப்பதும் மூளையின் செயல்பாட்டை குறைத்து மூளையின் ஆரோக்கியத்தை பாதிக்கும் என ஆய்வின் முடிவுகள் கூறுகின்றனர். அதுமட்டும் அல்ல போதிய உடல் அசைவுகள் இல்லாவிட்டால், உடல் எடை அதிகரிப்பு, மன அழுத்தம் என பல்வேறு பிரச்சனைகளை ஏற்படுத்தும்.

புகைப்பழக்கம் : அளவுக்கு அதிகமாக புகை பிடிப்பது மூளையின் செயல்பாட்டை குறைக்கிறது. அதுமட்டும் அல்ல, உங்கள் நினைவாற்றலை பாதிப்பதுடன், அல்சைமர் உள்ளிட்ட பிரச்சனைகளுக்கு வழிவகுக்கும் என ஆராய்ச்சியாளர்கள் குறிப்பிடுகின்றனர். பொதுவாக புகைப்பிடிப்பதால், பல்வேறு நோய்களும் ஏற்படும்.

அதிகமாக இருளில் இருப்பது : உடல் ஆரோக்கியத்திற்கு சூரிய ஒளி அவசியம். அந்த வகையில் சூரிய ஒளியை தவிர்த்து அதிக நேரம் இருட்டில் இருப்பதும் உங்கள் மூளையின் செயல்பாட்டை பாதிக்கும். அதுமட்டும் அல்ல, சூரிய ஒளி வைட்டமின் D உடலுக்கு கிடைக்க உதவுகிறது.