சிக்ஸ் பேக்கில் மாஸ் காட்டும் நடிகை டாப்ஸி.. அதற்காக அவர் செய்த பயிற்சிகள், டயட் என்ன தெரியுமா..?

மாடல் அழகியாக என்ட்ரி கொடுத்து தற்போது வெள்ளித்திரையில் வலம் வரக்கூடிய முக்கிய நடிகைகளில் ஒருவராக உள்ளவர் தான் டாப்ஸி. கடந்த 2010 ல் தெலுங்கு திரைப்படமான சும்மாண்டி நாதம் திரைப்படத்தின் மூலம் அறிமுகமாகியிருந்தாலும் அந்தளவிற்கு ரசிகர்கள் மனதில் இடம் பிடிக்கவில்லை.

பின்னர் கடந்த 2011-ல் மதுரை மற்றும் சேவல் சண்டையை கதைக்களமாக கொண்டு வெற்றிமாறன் இயக்கிய ஆடுகளம் படத்தில் ஆங்கிலோ இந்திய பெண்ணாக வலம் வந்து தமிழ் சினிமாவில் தனக்கென ஓர் அங்கீகாரத்தைப் பெற்றார் டாப்ஸி.

சுருள் முடி, கட்டுக்கோப்பான உடல், வெளிர் நிறம் என தனக்கே உரிய அடையாளத்தை மாற்றாமல் அடுத்தடுத்து  வந்தான் வென்றான், கஞ்சானா 2 , கேம் ஓவர் போன்ற தமிழ் திரைப்படங்களில் நாயகியாக வலம் வந்தார் டாப்ஸி.

இவ்வாறு பல திரைப்படங்களின் நடித்ததன் மூலம் தனக்கென ஓர் ரசிகர் பட்டாளத்தை வைத்துள்ள டாப்ஸி, எப்போதும் ஆரோக்கியம் மற்றும் உடல் எடையைக் கட்டுக்குள் வைத்திருக்க வேண்டும் என்பதற்கான பல தீவிர உடற்பயிற்சிகளைத் தவறாமல் மேற்கொண்டு வருகிறார். இந்த நிலையில் தான் சில தினங்களுக்கு முன்னதாக, 6 பேக்குடன், தன்னுடைய ஜிம் டிரெய்னருடன் இணைந்து புகைப்படம் ஒன்றை சோசியல் மீடியாவில் வெளியிட்டது ரசிகர்களிடம் பெரும் பரபரப்பை ஏற்படுத்தியது.

இதுக்குறித்து பலர் பல்வேறு கமெண்ட்டுகளை முன்வைத்தாலும், பலர் இவரின் கடின உழைப்பிற்கு நிச்சயம் பாராட்டுகளைத் தெரிவித்தே ஆக வேண்டும் என்று கருத்துக்களைப் பகிர்ந்து வருகின்றனர். அடுத்ததாக ஹிந்தியில் நடிக்கவிருக்கும் ஒரு புதிய படத்திற்காக சிக்ஸ் பேக் வைத்திருப்பதாகவும் நடிகை டாப்ஸி தெரவித்துள்ளார்.

இதுக்குறித்து இவரின் பயிற்சியாளர் தெரிவிக்கையில், தன்னுடைய அடுத்த படத்தில் நடிப்பதற்கு கடந்த நவம்பரில் என்னிடம் வந்து, எனக்கு சிக்ஸ் பேக் உடல் வேண்டும் என்ற கேட்டதாக தெரிவிக்கிறார். மேலும் இவர் இதற்கென காலக்கெடுவை எதுவும் வைக்கவில்லை ஆனால் தன்னுடைய அடுத்த பட சூட்டிங் ஆரம்பிப்பதற்குள் முடிக்க வேண்டும் என்ற மதிப்பிடப்பட்ட காலவரையறை கேட்டார்.

இந்த நிலையை அடைய பல முயற்சிகளை மேற்கொண்டதாகவும் கூறுகிறார். மேலும் கடந்த 5 ஆண்டுகளாக டாப்ஸி பன்னுடன் இணைந்து பணியாற்றி வருவதாகவும், எப்போது உடலை நல்ல முறையில் பராமரித்து வருவதாகவும் கூறுகிறார். இவரின் இந்த தீவிர முயற்சியினால் தான் 3 முதல் 4 மாதங்களில் இவர் 6 பேக்கை பெற முடிந்தது என்கிறார்.

டாப்ஸி பன்னு சமீபத்தில் blurr திரைப்படத்தில் குல்ஷன் தேவையாவுடன் இணைந்து நடித்திருந்தார். இதையடுத்து நடிகர் ஷாருக்குடன் இணைந்து நடித்திருக்கும் Dunki திரைப்படம் இந்தாண்டு இறுதியில் வெளியாக உள்ளது.