உஷார்.! இந்த அறிகுறிகள் இருந்தால் கவனிங்க.. சிறுநீரக செயலிழப்பா இருக்கலாம்!

நம் உடலில் உள்ள கழிவுகளை சுத்திகரிப்பதில் சிறுநீரகங்கள் முக்கிய பங்கு வகிக்கின்றன. இவை செயலிழக்கும் பட்சத்தில் உடலில் கழிவுகள் தேக்கமடையும். இறுதியாக உயிரிழப்பு ஏற்படும். நீரிழிவு, வயோதிகம், ஹைப்பர்டென்சன் போன்ற காரணங்களால் சிறுநீரக செயலிழப்பு ஏற்படும்.சிறுநீரக செயலிழப்பு ஏற்பட்டால் அதன் விளைவாக இதயம் மற்றும் ரத்த நாளங்கள் சம்பந்தப்பட்ட நோய்களும் வரும். இது மட்டுமல்லாமல் சிறுநீரகத்தில் பெரிய அளவிலான கட்டிகள் உருவாகி, சுற்றியுள்ள திசுக்களை சேதப்படுத்திக் கொண்டிருக்கும். இதனை குணப்படுத்த முடியாது.

உடல் சோர்வு : எந்தவொரு கடினமான வேலையும் செய்யாத சூழலிலும் உங்கள் உடல் சோர்வு அடைகிறது என்றால் நீங்கள் மருத்துவ நிபுணரை கலந்து ஆலோசிக்க வேண்டும். இது கவலைக்குரிய விஷயமாகும். உங்கள் உடலில் நிச்சயமாக ஏதோ ஒரு பாதிப்பு இருக்கிறது என்பதற்கான அறிகுறி இதுவாகும்.

பசி குறைவு : உங்களுக்கு பசியுணர்வு குறைந்து கொண்டே வருகிறது மற்றும் எதுவொன்றையும் சாப்பிட முடியாத சூழல் இருக்கிறது என்றால் அது சிறுநீரக செயலிழப்பிற்கான அறிகுறியாக இருக்கலாம்.

பாதம் மற்றும் கனுக்கால்களில் வீக்கம் : சிறுநீரக செயலிழப்பிற்கான மிக முக்கியமான அறிகுறிகள் இவையாகும். இந்த அறிகுறிகள் தோன்றினால் அதை கட்டாயம் அலட்சியம் செய்யக் கூடாது.

கண்களில் வீக்கம் மற்றும் சரும வறட்சி : உங்கள் கண்கள் வழக்கத்திற்கு மாறாக வீக்கம் அடைந்திருப்பின் அது சிறுநீரக செயலிழப்பிற்கான அறிகுறியாகும். இது மட்டுமல்லாமல், சிறுநீரக செயலிழப்பால் உடலில் கழிவுகள் சேருவதன் காரணமாக சருமத்தில் அரிப்பு ஏற்படும் மற்றும் கெட்ட வாடை வீசும்.

அடிக்கடி சிறுநீர் கழித்தல் : நமக்கு வழக்கமான இடைவெளியில் தான் சிறுநீர் வருகிறதா என்பதை நாம் கண்காணிக்க வேண்டும். சிறுநீர் கழிக்கும் இடைவெளி குறைவது அல்லது அடிக்கடி சிறுநீர் கழிப்பது ஆகிய இரண்டுமே சிறுநீரக செயலிழப்பின் அறிகுறிகள் தான்.

உயர் ரத்த அழுத்தம்  : கோபம், பதற்றம், காரசாரமான உணவுகள், எண்ணெயில் பொறித்த உணவுகள், துரித உணவுகள் போன்றவற்றை சாப்பிடுவதாலும் உயர் ரத்த அழுத்தம் அதிகரிக்கும் என்றாலும், இந்தப் பிரச்சினை தென்பட்டால் உடனடியாக சிறுநீரகங்களையும் பரிசோதனை செய்து கொள்ள வேண்டும்.

சிறுநீரகங்களை பாதுகாப்பது எப்படி : உங்கள் உடல்வாகிற்கு ஏற்றாற்போல நாளொன்றுக்கு 2 முதல் 3 லிட்டர் தண்ணீர் அருந்த வேண்டும். ஒரே அடியாக குடித்து விடாமல், அவ்வபோது இடைவெளி விட்டு கொஞ்சம், கொஞ்சமாக அருந்த வேண்டும். மதுப்பழக்கத்தை கைவிட வேண்டும் அல்லது கட்டுப்படுத்த வேண்டும். மருத்துவர்களின் பரிந்துரை இல்லாமல் மருந்தகங்களில் இஷ்டப்பட்ட மாத்திரைகளை வாங்கி சாப்பிடக் கூடாது. சிறுநீரை கழிக்காமல் அடக்கி வைக்கக் கூடாது.