உங்களுக்கு ஒற்றை தலைவலி இருந்தால் இந்த உணவுகளை தொடவே தொடாதீர்கள்..!

ஒற்றைத் தலைவலியைத் தூண்டும் பல விஷயங்கள் உள்ளன, பலவீனமான வலி சில நேரங்களில் குமட்டல், தலைசுற்றல் மற்றும் ஒளி மற்றும் ஒலிக்கு சத்தம் மண்டைக்குள் கேட்கும். இதுபோன்ற அறிகுறிகளுடன் நீங்கள் நீண்ட காலமாக ஒற்றைத் தலைவலியால் அவதிப்பட்டு வருகிறீர்கள் எனில் சில உணவுகள் உங்கள் தலைவலியை தூண்டும். எனவே அவை என்னென்ன உணவுகள் என தெரிந்துகொள்ளுங்கள். இனி அவற்றை தவிர்ப்பது நல்லது.

ஒற்றை தலைவலி என்றால் என்ன? : டாக்டர் விக்ரம் சர்மா, மூத்த ஆலோசகர் நரம்பியல் நிபுணர் பேசுகையில் ஒற்றைத் தலைவலி என்பது நரம்பியல் சார்ந்த பிரச்னையாக வகைப்படுத்தப்படும் ஒரு வகை தலைவலி கோளாறு. மிதமான முதல் கடுமையான தீவிரத்தன்மையுடன் தொடர்புடைய நரம்பியல் அறிகுறிகளைக் கொண்டுள்ளது.

சிலருக்கு தலைவலி ஏற்படுவதற்கு ஒன்றிரண்டு நாட்களுக்கு முன்பே ஒற்றைத் தலைவலி அறிகுறிகள் ஆரம்பிக்கலாம் என்று அவர் கூறுகிறார். இது 'ப்ரோட்ரோம்' நிலை என்று அழைக்கப்படுகிறது. அதன் அறிகுறிகளாக பசி, சோர்வு அல்லது குறைந்த ஆற்றல், மனச்சோர்வு, அதிவேகத்தன்மை, எரிச்சல் அல்லது கழுத்து விறைப்பு ஆகியவை அடங்கும். ஒற்றைத் தலைவலி கடுமையாக நரம்பு துடிக்கும் வலி அல்லது துடிக்கும் உணர்வு இருக்கும். இது பொதுவாக தலையின் ஒரு பக்கத்தில் மட்டுமே இருக்கும். அவ்வாறு தலைவலி இருக்கும்போது குமட்டல் அல்லது வாந்தி, அல்லது ஒளியின் தீவிர உணர்திறன் (போட்டோபோபியா) மற்றும் ஒலி (ஃபோனோபோபியா) ஆகியவையும் இருக்கும்.

இதுபோன்ற சமயங்களில் நீங்கள் சில உணவுகளை தவிர்த்தல் நல்லது. ஏனெனில் அவை உங்கள் வலியின் தீவிரத்தை அதிகரிக்கலாம் என்கிறார் மருத்துவர் சர்மா. எனவே அவை என்னென்ன பார்க்கலாம்.

சாக்லேட்டுகள்: சாக்லேட்டுகள் ஒற்றைத் தலைவலி தாக்குதல்களுக்கு முக்கிய காரணியாக இருக்கின்றன. அமெரிக்கன் மைக்ரேன் அறக்கட்டளையில் வெளியிடப்பட்ட ஒரு ஆய்வின்படி, சாக்லேட்டுகள் ஒற்றைத் தலைவலியை 22 சதவிகிதம் வரை அதிகரிக்கும் வாய்ப்பு கொண்டுள்ளதாக கூறப்பட்டுள்ளது.

காஃபின்: அதிகப்படியான காஃபின் உட்கொள்வது ஒற்றைத் தலைவலியைத் தூண்டும். சாக்லேட், காபி, டீயில் அதிக அளவு காஃபின் உள்ளது.

சீஸ்: ஒரு ஆய்வின்படி, ஒற்றைத் தலைவலி கொண்டவர்களில் 35% க்கும் அதிகமானோர் சீஸ் பழக்கம் அதிகம் இருப்பது தெரிய வந்துள்ளது. இவர்களுக்கு ஒற்றை தலைவலியின் தூண்டுதலுக்கும் சீஸ் முக்கிய பங்கு வகிப்பதை கண்டறிந்துள்ளனர்.

செயற்கை சர்க்கரை : பல பதப்படுத்தப்பட்ட உணவுகளில் செயற்கை இனிப்புகள் நிரம்பியுள்ளன என்பது உங்களுக்குத் தெரியுமா..? குறிப்பாக இது ஒற்றைத் தலைவலியை ஏற்படுத்தும். எனவே இனி செயற்கை இனிப்பை தவிர்த்துவிடுங்கள்.

மோனோ சோடியம் குளுட்டமேட் (MSG) கொண்ட உணவுகள்: MSG என்பது குளுட்டமிக் அமிலத்தின் சோடியம் உப்பு. இது சில உணவுகளில் சேர்க்கப்படுகிறது. அமெரிக்கன் மைக்ரேன் அறக்கட்டளையின் படி, MSG கடுமையான ஒற்றைத் தலைவலியை தூண்டலாம் என கணித்துள்ளது.

பதப்படுத்தப்படும் இறைச்சிகள்: நிறம் மற்றும் சுவையைப் பாதுகாக்கும் நைட்ரேட்டுகள் இறைச்சிகளில் அதிகமாக பயன்படுத்தப்படுகின்றன. டெலி மீட், ஹாம், ஹாட் டாக், சாசேஜ் ஆகியவற்றில் காணப்படுகின்றன. இந்த உணவுகள் நைட்ரிக் ஆக்சைடை இரத்தத்தில் வெளியிடுகின்றன, இது மூளையில் உள்ள இரத்தக் குழாய்களை விரிவடையச் செய்யும் என்று ஹெல்த்லைன் ஆய்வு கூறுகிறது.

புளித்த உணவுகள் : புளித்த உணவுகளும் ஒற்றைத் தலைவலியை தூண்டுவதில் முக்கிய பங்கு வகிக்கின்றன. அதாவது பனீர் , சோயா சாஸ் போன்றவை கடுமையான பாதிப்பை உண்டாக்கும்.