அழகான சிரிப்பை மறைக்கும் மஞ்சள் பற்களுக்கு இனி குட்-பை... உங்களுக்கான சிறந்த வழிகள்..!

இன்று மஞ்சள் கறை படிந்த பற்கள் பலரது சிரிப்பை மறைத்து வைத்து விட்டது. ஒரு நபரின் அழகான சிரிப்பிற்கு மஞ்சள் நிற பற்கள் ஒரு தடையாக இருக்கக்கூடும். பற்கள் மஞ்சளாக இருப்பது ஒரு சிலருக்கு தாழ்வு மனப்பான்மையை ஏற்படுத்துகிறது. இது அவர்களது தன்னம்பிக்கையை குறைத்து பல வழிகளில் பிரச்சனைகளைத் தருகிறது.

பற்களை ஒழுங்காக பராமரிப்பதன் காரணமாகவும் அதனை சரியாக சுத்தம் செய்யாததன் காரணமாகவே மஞ்சள் பற்கள் ஏற்படுகிறது. ஒருவேளை நீங்களும் இந்த பிரச்சனையால் அவதிப்பட்டு வருகிறீர்கள் என்றால் உங்களுக்கான எளிமையான தீர்வுகள் சில இங்கே கொடுக்கப்பட்டுள்ளது. அவற்றை பின்பற்றுவதன் மூலமாக மஞ்சள் நிற பற்களுக்கு குட் பை சொல்லிவிட்டு, எவ்வித சங்கடமுமின்றி அழகாக சிரிக்க தொடங்குங்கள்.

இந்த பேஸ்ட்டை பயன்படுத்தினால் மஞ்சள் கறை மறைந்து விடும், இந்த பொடியை பயன்படுத்தினால் மஞ்சள் கறையில் இருந்து நீங்கள் தப்பித்து விடலாம் என்ற விளம்பரங்கள் பலவற்றை நீங்கள் கேள்விப்பட்டிருக்கலாம். ஆனால் அது போன்ற பொருட்களை பயன்படுத்துவது நமக்கு உடனடி தீர்வுகளை அளித்தாலும், அது நமது பற்களை சேதப்படுத்தக் கூடும். மஞ்சள் பற்களை போக்க வீட்டு வைத்தியங்களே சிறந்தது.வீட்டில் கிடைக்கக்கூடிய எளிமையான பொருட்களை பயன்படுத்தி, அதிக செலவு இல்லாமல் பற்களில் இருக்கக்கூடிய மஞ்சள் கறையை போக்கிவிடலாம். அப்படியான சில வீட்டு வைத்தியங்கள் இதோ:-

பேக்கிங் சோடா மற்றும் எலுமிச்சை: பேக்கிங் சோடா மற்றும் எலுமிச்சை என்பது பற்களை வெண்மையாக்க கூடிய ஒரு பிரபலமான காம்பினேஷன் ஆகும். பேக்கிங் சோடா மற்றும் எலுமிச்சை சாறு ஆகிய இரண்டும் பற்களில் உள்ள மஞ்சள் கறையைப் போக்க பெரிதும் உதவுகிறது. இதனை பயன்படுத்துவதற்கு சிறிதளவு பேக்கிங் சோடாவில் ஓரிரு துளிகள் எலுமிச்சை சாறு ஊற்றி, ஒரு பேஸ்ட்டாக குழைத்து அதனை வழக்கமாக பல் துலக்குவது போல பற்களில் மென்மையாக தேய்க்க வேண்டும். பின்னர் ஒரு சில வினாடிகளுக்கு பிறகு வாயை தண்ணீர் கொண்டு கழுவி கொள்ளலாம். எனினும் இதில் நீங்கள் புரிந்து கொள்ள வேண்டிய ஒரு விஷயம் என்னவென்றால், அதிகப்படியான பேக்கிங் சோடா ஈறுகளுக்கு ஆபத்தானது. எனவே குறைவான அளவு பேக்கிங் சோடா பயன்படுத்துவதை உறுதிப்படுத்திக் கொள்ளுங்கள். அதுமட்டுமில்லாமல் அடிக்கடி இதனை பயன்படுத்தக் கூடாது.

தேங்காய் எண்ணெய் : பற்களை வெண்மையாக்குவதில் தேங்காய் எண்ணெய் ஒரு மேஜிக் போல செயல்படுகிறது. பல வைத்தியங்களை முயற்சி செய்தும், மஞ்சள் நிற பற்களை போக்க முடியாமல் டயர்ட் ஆகி போன உங்களுக்கு தேங்காய் எண்ணெய் ஒரு சிறந்த தீர்வாக அமையும். இதற்கு தேங்காய் எண்ணெய்யை பற்கள் மற்றும் ஈறுகளில் குறைந்த பட்சம் ஐந்து நிமிடங்களுக்காவது மென்மையாக தேய்க்க வேண்டும். இது மஞ்சள் கரையை போக்குவது மட்டுமல்லாமல் பற்சொத்தையையும் தடுக்க உதவும். தேங்காய் எண்ணெய்க்கு பதிலாக பற்களை வெண்மையாக நல்லெண்ணையையும் பயன்படுத்தலாம்.

ஆப்பிள் சைடர் வினிகர் : உங்கள் பற்கள் வைரம் போல மின்ன வேண்டும் என்று நீங்கள் நினைத்தால், அதற்கான சிறந்த ஆப்ஷன் ஆப்பிள் சைடர் வினிகர் ஆகும். இதில் பாக்டீரியா எதிர்ப்பு பண்புகள் காணப்படுவதால் வாயில் இருக்கக்கூடிய பாக்டீரியாக்களை கொன்று, பற்களில் படிந்திருக்கும் கரைகளை போக்க வல்லது. இதனை பயன்படுத்துவதற்கு சிறிதளவு ஆப்பிள் சைடர் வினிகரை தண்ணீரில் கலந்து மவுத்வாஷ் போல வாயில் ஊற்றி கொப்பளிக்கலாம். அப்படி இல்லாமல் நீங்கள் வழக்கமாக பயன்படுத்தும் டூத் பிரஷை ஆப்பிள் சைடர் வினிகரில் முக்கி பற்களை பொறுமையாக ஒரு சில நிமிடங்களுக்கு தேய்க்கலாம். பின்னர் தண்ணீர் வைத்து வாயை கொப்பளித்து விடுங்கள். மீண்டும் அதிகப்படியான ஆப்பிள் சைடர் வினிகர் உங்கள் ஈறுகளை அரித்துவிடும் என்பதை மனதில் கொள்ளுங்கள்.

கடுகு எண்ணெய் மற்றும் உப்பு : பற்களை வெண்மையாக ஈசியான ஒரு வீட்டு வைத்தியத்தை நீங்கள் தேடுகிறீர்களானால், இந்த பைத்தியம் உங்களுக்கு தான். கடுகு எண்ணெயில் பாக்டீரியாக்களை எதிர்க்க கூடிய பண்பு உள்ளது. அதோடு உப்பானது பற்களில் படிந்திருக்கும் கறைகளைப் போக்கக்கூடியது. இவை இரண்டும் சேர்ந்து பற்களில் படிந்திருக்கும் மஞ்சள் கறையை அகற்றும். இதற்கு கடுகு எண்ணெய் மற்றும் உப்பை கலந்து பற்களில் ஒரு சில நிமிடங்கள் பொறுமையாக தேய்க்க வேண்டும். பின்னர் தண்ணீரால் வாயை கொப்பளிக்கவும். இந்த கலவையையும் மிதமான அளவு பயன்படுத்த வேண்டும் என்பதை நினைவில் கொள்க.