முகத்தை வைத்தே உங்கள் ஆரோக்கியத்தை பற்றி சொல்லிடலாம்.. எப்படி தெரியுமா..?

அகத்தின் அழகை முகத்திலேயே கண்டு விட முடியும் என்று கூறுவார்கள். அந்த அளவிற்கு முகம் என்பது மிகவும் முக்கியத்துவம் வாய்ந்ததாக உள்ளது. ஒருவரின் முகத்தை வைத்தே அவரது அகத்தின் அழகு மட்டும் இல்லாமல் அவரது உடலின் ஆரோக்கியத்தையும் நம்மால் கூறி விட முடியும். ஏனெனில் நமது உடல் உறுப்புகளிலோ அல்லது நமது உடலுக்கு தேவையான ஊட்டச்சத்துகளிலோ ஏதேனும் குறைபாடுகள் ஏற்படும்போது நமது முகத்தில் அவற்றுக்கான அறிகுறிகள் உடல் வெளிப்படுத்தும்.

கண்களுக்கு கீழே பைகள் போன்று உருவாவது: பொதுவாகவே சிலருக்கு அவர்களது கண்களுக்கு கீழே வீங்கியது போன்ற அமைப்பு உண்டாகி இருக்கும். இது பெரும்பாலும் அவர்களது சிறுநீரகத்தில் உள்ள பிரச்சனையை வெளிபடுத்துகிறது. எனவே ஒருவருக்கு இந்த அறிகுறி ஏற்பட்டால் உடனடியாக மருத்துவரை அணுகி ஆலோசனை பெறுவது நல்லது.

சிவந்த கண்கள்: அவரது கண்கள் எப்போதுமே மிகவும் சிவந்த நிறத்திலேயே இருந்தால் அவர்களது கல்லீரல் ஆரோக்கியமற்று இருப்பதற்கான அறிகுறி ஆகும். மேலும் கண்கள் மஞ்சள் நிறத்தில் இருப்பதும் கல்லீரல் குறைபாட்டிற்கான அறிகுறி ஆகும்.

வாய் ஓரங்களில் வெடிப்பு : சிலருக்கு அவர்களது வாயோரங்களிலும் அல்லது உதட்டோரங்களிலும் அவ்வபோது வெடிப்புகள் உண்டாகும். இது வைட்டமின் பி12 குறைபாட்டிற்கான அறிகுறியாகும். இதற்காக ரத்த பரிசோதனை செய்து கொள்வது நல்லது.

முகத்தில் தோன்றும் கரும்புள்ளிகள் : இது பெரும்பாலானோருக்கு இருக்கும் பிரச்சனையாகும். முகத்தில் ஒருவருக்கு கரும்புள்ளிகள் தோன்றும் பட்சத்தில் அவரது உடலில் வைட்டமின் டி குறைபாடு உள்ளது என்று அர்த்தம். இந்த அறிகுறிகள் ஒருவருக்கு தென்பட்டால் உடனடியாக மருத்துவரை அணுகி அதற்கேற்ற ஊட்டச்சத்து மிகுந்த மருந்துகளை எடுத்துக் கொள்வது அவசியமாகும்.

முகப்பரு : முகப்பருக்கள் பெரும்பாலும் இளம் வயதினரின் பதின்ம காலங்களில் உருவாவது தான். ஆனால் சில சமயங்களில் முகத்தில் ஏற்படும் முகப்பருக்களானது நாம் உட்கொள்ளும் உணவினாலும், வயிற்றின் ஆரோக்கியம் குறைபட்டிருப்பதையும் சுட்டிக் காட்டுவதற்கான அறிகுறிகள் ஆகும். இவற்றை ஆரம்பத்திலேயே கண்டறிந்த சரி செய்யவில்லை எனில் அவை நாளடைவில் முகத்தில் அதிக முகப்பருக்களை ஏற்படுத்தக்கூடும்.

கண்ணிற்குகீழே உண்டாகும் கரு வளையங்கள் : ஒருவரது முகத்தில் அதிக அளவில் கருவளையம் இருக்கிறது எனில், அவரது உடலில் இருக்கும் இன்சுலின் எதிர்ப்புக்கான அறிகுறியாக இருக்கலாம். எனவே உடனடியாக மருத்துவரை அணுகி ஆலோசனை பெறுவது நல்லது.

முகத்தில் அதிக அளவு முடி வளர்வது : பெண்களுக்கு முன்னர் எப்போதும் இல்லாத வகையில் திடீரென தாடைகள், உதடுகளின் மேல் பகுதி போன்ற பகுதிகளில் அதிக அளவு முடி வளர்வதை உணர்ந்தால் இது பாலிசிஸ்டிக் ஓவரி சின்ட்ரோம் என்று நோயின் அறிகுறியாக இருக்கலாம்.

தடிப்புகள் மற்றும் வீக்கங்கள்: முகத்தில் சில இடங்களில் திடீரென தடிப்புகள் மற்றும் வீக்கம் ஆகியவை ஏற்பட்டு முகத்தின் அழகையே பாழ்படுத்தி விடக்கூடும். முகத்தில் சிகப்பு நிறத்தில் தோன்றும் இவை பெரும்பாலும் உடலின் செரிமான மண்டலத்தில் இருக்கும் பிரச்சனைகளின் அறிகுறியாகவே முகத்தில் ஏற்படுகிறது.