STD மற்றும் STI.. இவை இரண்டிற்கும் உள்ள வேறுபாடு என்ன..? அறிகுறிகளும்.. சிகிச்சை முறைகளும்..

பாலியல் ஆரோக்கியம் சார்ந்த பிரச்சனைகளை தெரிந்தவர்கள் பலரும் எஸ்டிடி மற்றும் எஸ்டிஐ ஆகிய வார்த்தைகளை கேள்விப்பட்டிருப்பார்கள். STD என்பது பாலியல் ரீதியாக பரவக் கூடிய நோய்கள் என்பதன் சுருக்கம் ஆகும். STI என்பது பாலியல் ரீதியாக பரவக் கூடிய தொற்றுகள் என்பதன் சுருக்கம் ஆகும்.

எஸ்டிடி மற்றும் எஸ்டிஐ ஆகிய இரண்டுமே உச்சரிப்பிலும், பாதிப்பு அளவிலும் ஒன்றுபோல தோன்றினாலும் அவை வெவ்வேறானவை ஆகும். எஸ்டிடி என்பது பாலியல் உறவு மூலமாக பரவுகின்ற தொற்று நோய்களை குறிக்கும் சொல் ஆகும். அதே சமயம், எஸ்டிஐ என்பது சமீப காலமாக சுகாதாரத்துறை பணியாளர்கள் மத்தியில் பிரபலமாகி வருகிறது.

நிபுணர்கள் சொல்வது என்ன? பாலியல் நல மருத்துவ நிபுணர் சிராக் பண்டாரி இதுகுறித்து கூறுகையில், “எஸ்டிடி என்பதை வேறுபடுத்தி இப்போது எஸ்டிஐ என்ற சொல் பயன்படுத்தப்பட்டு வருகிறது. ஏனென்றால் இந்த எஸ்டிஐ அனைத்தையும் உள்ளடக்கியதாகவும், துல்லியமானதாகவும் இருக்கிறது. பாலியல் ரீதியாக பரவக் கூடிய அனைத்து தொற்றுகளுமே நோயை உண்டாக்குபவை அல்ல.

சில தொற்றுகளுக்கு எந்த அறிகுறியும் இருக்காது மற்றும் தாமாகவே குணமாகிவிடும். சில தொற்றுகள் வளர்ந்து தீராத நோய் என்ற நிலைக்குச் செல்லும். ஆனால், எஸ்டிடி என்பது இந்த தொற்றுகளின் மூலமாக ஏற்படக் கூடிய நோய்களை மட்டும் குறிக்கிறது.

STI அபாயம் : எஸ்டிஐ தொற்றுகளுக்கு உரிய சிகிச்சைகளை எடுத்துக் கொள்ளாவிட்டால், அவை மிகுந்த விளைவுகளை ஏற்படுத்தக் கூடும். உதாரணத்திற்கு குழந்தையின்மை, நீடித்த வலி அல்லது சில வகை புற்றுநோய்களுக்கான அபாயங்கள் ஆகிய விளைவுகளை எதிர்கொள்ள வேண்டியிருக்கும்.

ஆகவே பாலியல் நடவடிக்கைகள் மூலமாக ஏற்படக் கூடிய இந்த அபாயங்களை உணர்ந்து, உங்கள் துணையுடன் சேரும்போது இதுபோன்ற தொற்றுகள் பரவாத வண்ணம் உங்களை பாதுகாத்துக் கொள்ள வேண்டும்.

எளிதாக STI பாதிப்பு ஏற்படும் : மருத்துவர் சிராக் பண்டாரி இதுகுறித்து கூறுகையில், “எஸ்டிஐ குறித்து போதுமான விழிப்புணர்வு இல்லை. பெரும்பாலும் இது அறிகுறிகளை காட்டாது என்பதால் பலருக்கு தொற்று இருப்பதே தெரியாமல் இருப்பார்கள். இதனால் தங்களை அறியாமலேயே தங்கள் துணைக்கு பரப்பி விடுவார்கள். இதுபோன்ற தொற்றுகளில் இருந்து தற்காத்துக் கொள்ளவும், துணைக்கு பரப்பி விடாமல் இருக்கவும் அவ்வபோது பரிசோதனை செய்து கொள்ள வேண்டும்’’ என்று தெரிவித்தார்.

எஸ்டிஐ மற்றும் எஸ்டிடி தடுப்பு முறைகள் : பாதுகாப்பான முறையில் பாலியல் உறவை மேற்கொள்வதுதான் இந்த இரண்டு பிரச்சினைகளையும் தவிர்ப்பதற்கான ஒரே வழிமுறையாகும். உதாரணத்திற்கு ஆணுறை பயன்பாடு மிக, மிக அவசியம். ஹெபிவி போன்ற எஸ்டிஐ தொற்றுகளுக்கு எதிராக தடுப்பூசி செலுத்திக் கொள்ள வேண்டும்.

எச்சரிக்கை தேவை : பாலியல் உறவில் ஈடுபடும்போது நமக்கெல்லாம் எஸ்டிஐ தொற்றுகள் ஏற்பட வாய்ப்பே இல்லை என்று நினைப்பவராக நீங்கள் இருக்கலாம். ஆனால், பாலியல் தொற்று ஏற்பட்ட பிறகு பார்த்துக் கொள்ளலாம் என்று நீங்கள் நினைப்பதாக அர்த்தம் அல்ல. இருப்பினும், அவ்வபோது எஸ்டிஐ தொற்றுகள் குறித்து பரிசோதனை செய்து கொள்வது உங்களை தற்காத்துக் கொள்ள உதவும்.