சாய் பல்லவி யதார்த்தமான நடிகை என சொல்வதற்கு என்ன காரணம்..? தெரிந்துகொள்ளுங்கள்..!

சாய் பல்லவி என்ற பெயரை கேட்டவுடனே நம் மனதில் சட்டென்று நினைவுக்கு வருவது பிரேமம் படத்தின் மலர் டீச்சர் கேரக்டர் தான். அந்தப் படத்தில் யதார்த்தமான நடிப்பை வெளிகாட்டி அனைத்து தரப்பு ரசிகர்கள் மனதிலும் இடம்பிடித்தவர் சாய் பல்லவி. இவரது முழு பெயர் சாய் பல்லவி செந்தாமரை ஆகும். மருத்துவ கல்வியை முடித்த அவர், நடிப்பின் மீது இருந்த ஆர்வம் காரணமாக சினிமா உலகில் அடியெடுத்து வைத்தார். தமிழ், தெலுங்கு மற்றும் மலையாள படங்கள் பலவற்றில் நடித்துள்ளார்.

ஃபேர்னஸ் கிரீம் விளம்பரத்தில் நடிக்க மறுத்தவர் : ஒன்றிரண்டு படங்கள் ஹிட் ஆன உடனேயே நடிகைகள் பலர் விளம்பரத்தில் நடிக்கத் தொடங்கி விடுவார்கள். குறிப்பாக, சிவப்பு அழகும், பொலிவும் தரக் கூடியது என்று சொல்லி ஃபேர்னஸ் கிரீம் விளம்பரங்களில் நடிப்பார்கள். ஆனால், அத்தகைய விளம்பரத்தில் நடிக்க மறுப்பு தெரிவித்தவர் சாய் பல்லவி. இது மட்டுமல்லாமல் திரையில் வெளிப்படுத்தும் நடிப்புத் திறன் மூலமாக எண்ணற்ற ரசிகர்களின் மனதை கொள்ளை கொண்டவர்.

இயற்கையான அழகுக்கு முக்கியத்துவம் : நல்ல வளைவான கண் பிருவம், இயற்கையான சரும தோற்றம், சுருட்டை முடி என்று இயற்கையான அழகு தோற்றம் கொண்டவர் தான் சாய் பல்லவி. இந்த இயற்கையான தோற்றம் தான் ரசிகர்களை ஈர்க்கச் செய்கிறது.

ஜிம்முக்கு செல்வதில்லை : நடிகர், நடிகைகள் பலரும் ஜிம் சென்று உடற்பயிற்சி செய்வதை வாடிக்கையாகக் கொண்டுள்ளனர். ஆனால், சாய் பல்லவி அந்தப் பக்கம் எட்டிப் பார்ப்பதில்லை.

நடனத் திறமை : சாய் பல்லவிக்கு நடனத்தில் மிகுந்த ஆர்வம் உண்டு. பல்வேறு நேர்காணல்களில், தனக்கு நடனம் தான் மிகவும் பிடித்த விஷயம் என்று அவரே கூறியிருக்கிறார். குறிப்பாக, நடனமே அவருக்கான உடற்பயிற்சியாக இருக்கிறது.

தியானம் மற்றும் யோகா : மனதில் உள்ள பாரங்களை குறைத்து, மனதை அமைதிப்படுத்துவதற்கு தியானம் மிக அவசியமானது. உடலில் உள்ள பல பிரச்சினைகளுக்கு அது தீர்வு தருகிறது. எனவே, தியானம் மற்றும் யோகா ஆகியவற்றை இவர் விரும்பி செய்கிறார்.

கருணை மிக்கவர் : பிறருக்கு உதவி செய்வதில் சாய் பல்லவிக்கு மிகுந்த ஆர்வம் உண்டு. அவர் மனதில் இருக்கும் கருணை மனதிற்கு அவரது இன்ஸ்டாகிராம் பதிவு ஒன்று சாட்சியாக இருக்கிறது. அந்தப் பதிவில், “ஒருவர் நன்றிக் கடன் செலுத்த வாய்ப்பில்லை என்று தெரிந்தாலும் அவர்களுக்கு நாம் உதவி செய்ய வேண்டும்’’ என்று குறிப்பிட்டிருந்தார்.

இயற்கையை ரசிக்க கூடியவர் : இன்ஸ்டாகிராம் தளத்தில் சாய் பல்லவி அவ்வபோது வெளியிடும் ஃபோட்டோக்கள், இயற்கை மீது அவர் எந்த அளவுக்கு நம்பிக்கை கொண்டிருக்கிறார் என்பதை வெளிப்படுத்துவதாக அமைந்துள்ளன. குறிப்பாக, காலை நேர சூரிய ஒளியை உள்வாங்க வேண்டும்என்று கூறியுள்ளார் அவர்.

மனம் விரும்பியதை செய்யும் சாய் பல்லவி : சாய் பல்லவி மருத்துவம் படித்திருந்தாலும் கூட, தன் மனம் சொல்வதின் அடிப்படையிலும், லட்சியத்தின் அடிப்படையிலும் நடிப்பை தேர்வு செய்தவர் சாய் பல்லவி.