நாட்பட்ட வலியால் அவதிப்படுபவர்களுக்கு மன நல பாதிப்புகள் ஏற்படும் - ஆய்வில் தகவல்

முதுகுத் தண்டு வட பாதிப்பு அல்லது காயத்தால் பாதிக்கப்பட்ட 9,000 நபர்களுக்கும் மேற்பட்ட 18 வயதுக்கு மேற்பட்டவர்களிடம், ஒரு தனியார் நிறுவன காப்பீடு சம்மந்தப்பட்ட ஆய்வு மேற்கொள்ளப்பட்டது. அதன் அடிப்படையில், காயம் அல்லது வலி இல்லாதவர்களுடன் ஒப்போடும் போது, முதுகுத் தண்டு வடத்தின் பாதிப்பு, காயம் அல்லது நாள்பட்ட வலி இருப்பவர்களுக்கு மன நல ரீதியான பாதிப்புகள் ஏற்படும். குறிப்பாக, மனச்சோர்வு, பதட்டம், உள்ளிட்ட பல்வேறு உளவியல் ரீதியான பாதிப்புகள் ஏற்பட 80 சதவிகித வைப்பு உள்ளது. மேலும், நாட்பட்ட வழியால் அவதிப்படுபவர்களும் எதிர்மறையாக பாதிக்கப்படுவார்கள்.

மன நலம் மற்றும் வலிக்கும் இடையிலான தொடர்பு பற்றிய ஆய்வுகள் மேற்கொள்ளப்பட்டு வருகின்றன. இந்தக் குறிப்பிட்ட ஆய்வு, மிச்சிகன் மருத்துவமனையின் மருத்துவ ஆராய்ச்சியாளர்களால் மேற்கொள்ளப்பட்டு, ‘ஸ்பைனல் கார்ட்’ என்ற பத்திரிகையில் வெளியிடப்பட்டது. முதுகுத்தண்டு காயத்தால் பாதிக்கப்பட்ட 9,000 க்கும் மேற்பட்ட நபர்களின் தனியார் காப்பீட்டு கிளைம்கள் மற்றும் எந்தக் காயமும் இல்லாத 1 மில்லியனுக்கும் அதிகமான வயது வந்த நபர்களின் ஆரோக்கியமும் ஆய்வு செய்யப்பட்டது.

மன நல மாற்றங்கள், தூக்கமின்மை, மறதி உள்ளிட்ட பல்வேறு உளவியல் ரீதியான பிரச்சனைகள் ஏற்பட்டுள்ளது என்பது கண்டறியப்பட்டுள்ளது. முதுகுத் தண்டு காயம் பட்டவர்கள் மற்றும் நாட்பட்ட காயம் மற்றும் வலியுடன் வாழ்பவர்கள், காயம் இல்லாதவர்களை விட அடிக்கடி மனநலம் பாதிப்புக்கு உள்ளாகிறார்கள் என்பது கண்டறியப்பட்டது.

மோசமான முதுகுத்தண்டு காயத்தால் பாதிக்கப்படும் ஒவ்வொரு நபருக்கும், தீவிரமான மன அழுத்தம், மனச் சோர்வு மற்றும் அடிக்கடி மன நிலையில் மாற்றங்கள் ஆகியவை தவிர்க்க முடியாத பக்க விளைவுகளாகும்.

இந்த ஆய்வில், PTSD என்று கூறப்படும் விபத்துக்குப் பின்பு ஏற்படும் மன நல பாதிப்பு, முதுகெலும்பு பாதிப்பு மற்றும் நரம்பியல் வலியால் அவதிப்படுபவர்களுக்கு அதிகமாக ஏற்படுகிறது. நாட்பட்ட வலி, தீவிரமான காயத்துடன் வாழ்கிறோம் என்ற எண்ணத்தை விளைவிக்கும்.

முதுகெலும்பு காயம் அல்லது பாதிப்பு உள்ள நோயாளிகளைப் பார்க்கும் போதே, அவர்கள் என்ன விதமான மன நல பாதிப்புக்கு உள்ளாகும் சாத்தியம் இருக்கிறது என்பதை மருத்துவர்கள் அடையாளம் காண, இந்த ஆய்வு உதவும் என்று ஆராய்ச்சியாளர்கள் கூறியுள்ளனர்.

உளவியல் பாதிப்பு ஏற்படும் ஆபத்து உள்ள நபர்கள் மற்றும் நாட்பட்ட வலி கொண்டவர்கள் இரண்டுக்குமான சோதனை மற்றும் ஆரம்ப கால சிகிச்சையை எளிதாக்கும் வகையில் மருத்துவம் மேம்பட வேண்டும் என்று ஆய்வின் முதன்மை ஆசிரியரும், மருத்துவம் மற்றும் மறுவாழ்வு இணை-பேராசிரியருமான மார்க் பீட்டர்சன் கூறினார்.

இந்த ஆய்வு, தண்டுவட பாதிப்பு சம்மந்தப்பட்ட காப்பீட்டு கிளைம் கோரியவர்களின் தகவல் அடிப்படையில் மட்டும் மேற்கொள்ளப்பட்டது. மற்றவர்களும் இதே போன்ற பிரச்சனையால் பாதிக்கப்படலாம், ஆனால் கவனிக்கப்படாமல் போகும் வாய்ப்பு உள்ளது.