அதிகரிக்கும் PCOS... கவனிக்காமல் விட்டால் இத்தனை பிரச்சனைகள் வருமா..? எச்சரிக்கும் மருத்துவர்.!

இன்றைய காலத்தில் பெண்களை அதிகளவில் பாதிப்புக்குள்ளாகும் நோய்களில் ஒன்றாக உள்ளது பிசிஓஎஸ் எனப்படும் பாலிசிஸ்டிக் ஓவரி சின்ட்ரோம் தான். ஹார்மோன் பிரச்சனைகளால் ஏற்படும் இந்நோயில் பெண்களக்கு குழந்தை பிறப்பு தாமதமாகிறது. இதனால் தான் இன்றைக்கு பெரும்பாலான பெண்கள் மருத்துவமனைகளில் சிகிச்சை மேற்கொண்டு வருகின்றனர். ஒருவேளை நீங்கள் பிசிஓஎஸ் பிரச்சனைக்கு சிகிச்சை அளிக்கவில்லை என்றால் பல பிரச்சனைகளை நீங்கள் சந்திக்க நேரிடும் என எச்சரிக்கின்றனர் மருத்துவர்கள். முதலில் பிசிஓஎஸ் நோய் பாதிப்பு ஏற்படுவதற்கான அறிகுறிகள் என்னென்ன? என்பது குறித்து தெரிந்துக் கொள்வோம்.

PCOS இன் அறிகுறிகள்: இந்நோய் பாதிப்பு ஏற்படும் பெண்களுக்கு உடலில் . ஈஸ்ட்ரோஜன் மற்றும் ஆண்ட்ரோஜன்கள் போன்ற ஹார்மோன்கள் அதிகமாக சுரக்கும். இதன் காரணமாக உடல் எடை அதிகரிப்பு, கழுத்து அக்குள் மற்றும் தோல் மடிப்புகள், அதிகப்படியான முடி மற்றும் முகப்பரு, மற்றும் உடலில் கெட்ட கொழுப்புகள் ஏற்படும்.

இதுப்போன்ற மாற்றங்களை நீங்கள் கண்டுகொள்ளாமல் விட்டுவிடும் போது தான், மாதவிக்கின்மை போன்ற ஹார்மோன் செயலிழப்பை ஏற்படுத்தலாம். மேலும் உடல் பருமன், மனச்சோர்வு போன்றவற்றிற்கு வழிவகுக்கும்.

நீரிழிவு மற்றும் PCOS: பிசிஓஎஸ் என்பது இன்சுலின் எதிர்ப்பு சக்தி உள்ள ஒரு நிலையாகும். இது நீண்ட காலத்திற்கு நீரிழிவு நோயை ஏற்படுத்தும். மேலும் பிசிஓஎஸ் உள்ள பெண்களில் லெப்டின் என்ற ஹார்மோனின் அதிகரிப்பு நீரிழிவு நோயை ஏற்படுத்தும்

உயர் இரத்த அழுத்தம் மற்றும் PCOS: PCOS உள்ள பெண்களுக்கு அதிக கொழுப்பு மற்றும் ட்ரைகிளிசரைடுகள் இருக்கும். மேலும் அவற்றில் சில ஹார்மோன்கள் மற்றும் வளர்ச்சிக் காரணிகள் உடலில் பல மாற்றங்களை ஏற்படுத்துவதோடு, உடலில் இரத்த அழுத்தத்தை அதிகரிக்கிறது. எனவே முறையான சிகிச்சை எடுத்துக்கொள்ள வேண்டும் என அறிவுறுத்துகின்றனர் மருத்துவர்கள்.

எண்டோமெட்ரியல் புற்றுநோய் மற்றும் PCOS: பி.சி.ஓ.எஸ்.க்கு சிகிச்சையளிக்கப்படாமல் விடும் போது, எண்டோமெட்ரியல் புற்றுநோய் ஏற்படுவதற்கு வழிவகுக்கிறது. ஆம் பிசிஓஎஸ் உள்ள பெண்கள். எண்டோமெட்ரியல் புற்றுநோயை உருவாக்குவதற்கான நுழைவு வாயிலாக உள்ளது.

எப்படி பராமரிப்பது?... பிசிஓஎஸ் பிரச்சனைகளால் பல்வேறு பாதிப்புகள் ஏற்படாமல் இருக்க வேண்டும் என்றால், நீங்கள் ஆரோக்கியமான எடையை பராமரிப்பது முக்கியம். உங்களது உடல் எடையை நீங்கள் குறைக்கும் போது இன்சுலின் மற்றும் டெஸ்டோஸ்டிரோன் அளவும் சேர்ந்து குறையும். இதோடு மீண்டும் அண்டவிடுப்பை ஏற்படுத்தக்கூடும். இதனால் குழந்தை பிறப்பில் எவ்வித தாமதமும் ஏற்படாது.

மேலும் கார்போஹைட்ரேட் அதிக அளவு உணவுகள் உங்களின் இன்சுலின் அளவை அதிகரிக்கலாம் என்பதால், இதுபோன்ற உணவுகளை நீங்கள் தவிர்க்க வேண்டும். மேலும் உடற்பயிற்சி, வாக்கிங் போன்றவற்றை மேற்கொள்ள வேண்டும்.