கொலஸ்ட்ராலுக்கு புதிய மருந்து கண்டுபிடிச்சாச்சு.. மாரடைப்பு பிரச்சனை குறைந்துவிடும் என நம்பிக்கை..!

இதய நோய்க்கு காரணமாக இருக்கும் கொலஸ்ட்ரால் பிரச்சனை உயிருக்கு பெரும் அச்சுறுத்தல் தரக்கூடியதாக உள்ளது. இதற்கு வாழ்க்கை முறை முக்கிய காரணமாக சொல்லப்பட்டாலும் அதை கட்டுப்பாட்டில் கொண்டு வருவதும் பெரும் சிரமமாக உள்ளது. கொலஸ்ட்ரால் இதய நோய் மட்டுமல்லாது உடலளவில் பல ஆரோக்கிய சீர்கேட்டை தருவதாகவும் மருத்துவர்கள் தெரிவிக்கின்றனர்.

இதெல்லாம் ஒரு புறம் இருக்க.. கொழுப்பை நாம் தவிர்க்கவும் முடியாது.. உடல் செல்கள் இயங்க, உடலுக்கான ஆற்றலை பெற கொழுப்புதான் அவசியம் தேவைப்படுகிறது. ஆனால் அது அளவாக இருக்கும் வரை பிரச்சனை இல்லை. அளவை மீறும்போது கெட்ட கொழுப்பு அதிகரித்து உயிருக்கு ஆபத்தாக மாறுகிறது.

உயர் கொழுப்பு அளவை குறைக்க உதவும் ஸ்டேடின்ஸ் (Statins) மாத்திரையை தான் மருத்துவர்கள் பெரும்பாலும் பரிந்துரைப்பார்கள். ஆனால் அதன் பக்கவிளைவு காரணமாக பலரும் அந்த மாத்திரையை தொடர மாட்டார்கள்.

எனவே இதற்கு சரியான மாற்று தேவை என கருதிய ஆய்வாளர்கள் தொடர்ந்து ஆய்வு மேற்கொண்டு வருகின்றனர். இந்நிலையில் நெக்ஸ்லெடால் (Nexletol) என்னும் புதிய மாத்திரையை கண்டுபிடித்துள்ளனர். இது மாரடைப்பு அபாயத்தையும் குறைப்பதாக கண்டறியப்பட்டுள்ளது.

ஸ்டேடின்ஸ் (Statins) மாத்திரையை கொடுக்கும்போது அதன் பக்கவிளைவுகளை சமாளிக்க கூடுதலாக bempedoic acid என்னும் கெமிக்கல் கலந்த மாத்திரையும் சேர்த்து பரிந்துரைக்கப்படும். ஆனால் இந்த மாத்திரைக்கு அப்படி தேவைப்படாது என ஆய்வாளர்கள் கூடுகின்றனர்.

ஸ்டேடின்ஸ் மாத்திரை என்னதான் பக்கவிளைவுகளை கொண்டிருந்தாலும் கொழுப்பை கட்டுக்குள் வைக்க இந்த மாத்திரையை தவிர்க்க முடியாத சூழல் உள்ளது. இனி அந்த கவலையை போக்க நெக்ஸ்லெடால் சரி செய்து விடும் என நம்பிக்கை தெரிவிக்கின்றனர்.

உடலின் அதிக கொலஸ்ட்ரால் அல்லது LDL cholesterol அளவு அதிகரிக்கும்போது அது தமனிகளில் தேங்கி இதயத்திற்கு செல்லும் இரத்த ஓட்டத்தை தடுக்கிறது. இதனால் மாரடைப்பு , பக்கவாதம் போன்ற ஆபத்தான நோய்களுக்கு வழிவகுக்கிறது. இதை தடுக்கவே ஸ்டேடின்ஸ் மாத்திரைகள் பரிந்துரைக்கப்படுகிறது. அவ்வாறு இந்த மருந்தை உட்கொள்வதால் கல்லீரலின் அதிக LDL cholesterol உற்பத்தியை தடுகிறது. இதனால் இதயம் தொடர்பான பாதிப்புகளையும் தவிர்க்க முடியும்.

ஆனால் ஆய்வுப் படி ஸ்டேடின்ஸ் பக்கவிளைவு காரணமக 10% அதிகமான மக்கள் இந்த மாத்திரையை உட்கொள்வதில்லை. அதாவது இது தசை வலி, உடல் சோர்வு போன்ற பாதிப்புகளை உண்டாக்குகிறது. ஆனால் தற்போது கண்டுபிடிக்கப்பட்டுள்ள Nexletol மாத்திரையில் இது போன்ற தசை வலி இல்லை. அதேசமயம் கல்லீரல் உற்பத்தி செய்யும் கெட்ட கொலஸ்ட்ராலையும் தடுக்கிறது என ஆய்வாளர்கள் தெரிவித்துள்ளனர்.