Coronavirus : உங்கள் இதயத்தின் ஆரோக்கியத்தை பாதுகாக்கும் நேரமிது..! இயற்கையான வழிகள் என்னென்ன..?

கொரோனா வைரஸ் மக்களிடையே பீதியையும் , பதட்டத்தையும் அதிகரிப்பதால் பலரும் இதய நோயால் பாதிக்கப்படுவதைக் காண முடிகிறது. ஏற்கெனவே பாதிக்கப்பட்டவர்களின் நிலைமை இன்னும் மோசமாகிறது. இந்த சமயத்தில் ஆரோக்கியமான வாழ்க்கை முறையை கடைப்பிடிக்க வேண்டியதன் கட்டாயத்தில் இருக்கிறோம். எனவே இதற்காக முதலில் நாம் செய்ய வேண்டியது உடல் எடையை அதிகரிக்கமல் பார்த்துக்கொள்வதுதான். ஏனெனில் உடல் எடை அதிகரிப்புதான் இதய பாதிப்புகளுக்கு முக்கிய காரணமாக ஆய்வுகள் சொல்கின்றன. அதோடு உயர் இரத்த அழுத்தம், சில புற்றுநோய் வகைகளையும் நாம் பெற வேண்டியது இருக்கும். எனவே இன்றிலிருந்து இந்த விஷயங்களை கடைபிடிக்கத் தொடங்குங்கள். அவை என்னென்ன பார்க்கலாம்.

கிரீன் டீ : கிரீன் டீ தற்போது பலரும் குடிக்கத் தொடங்கியுள்ளனர். இது உடல் எடையைக் குறைக்க உதவுவது மட்டுமன்றி இதய பாதிப்புகளை உண்டாக்கும் பிரச்னைகளிலிருந்தும் எதிர்த்து போராட உதவுகிறது. சுகாதார ஆய்வுகளிலும் கிரீன் டீ குடிப்பது டைப் 2 நீரிழிவு நோய் மற்றும் இதய பாதிப்புகளின் ஆபத்திலிருந்து பாதுகாப்பதாக உறுதி செய்யப்பட்டுள்ளது.

மஞ்சள் : மஞ்சளின் நன்மைகளை பலரும் அறிந்திருக்கக் கூடும். நோய் எதிர்ப்பு சக்தியை கொண்டிருப்பது மட்டுமன்றி இதயத்தை பாதுகாக்கும் பண்புகளையும் கொண்டுள்ளது. கர்குமின் என்னும் பண்பானது நோய் எதிர்ப்பு அழற்சி மற்றும் புற்றுநோய் செல்களை தாக்கும் குணம் கொண்டது. நோய் எதிர்ப்பு அழற்சியானத் இதயத்தின் இரத்த ஓட்டத்தை சீராக்குகிறது. அழற்சி நோய்களை கட்டுப்படுத்துகிறது.

பூண்டு : எகிப்தியர்கள் காலகட்டத்தில் பூண்டு மருத்துவ குணம் நிறைந்தது என அதிகம் பயன்படுத்தியுள்ளனர். குறிப்பாக இதயம் தொடர்பான பாதிப்புகளை தடுக்கும். இதில் கார்போஹைட்ரேட் மட்டுமன்றி பொட்டாசியம், பாஸ்பரஸ், ஸிங்க் மற்றும் விட்டமின் ஏ. பி யும் அடங்கியுள்ளன.

குறைவான கொழுப்பு : கொழுப்பு அதிகமாக சேர்வதும் இதய பாதிப்புகளுக்கு முக்கிய காரணம். எனவே உடலில் கொழுப்பு சேரவிடாமல் பார்த்துக்கொள்ளுங்கள்.

இரத்த உறைவை கட்டுப்படுத்துங்கள் : இரத்த உறைவு காரணமாகவே மாரடைப்பு உண்டாகிறது. எனவே இயற்கையான முறையில் உணவுகள் மூலம் கட்டுப்படுத்துங்கள். இதற்கு பூண்டு உதவுகிறது. இரத்தம் உறைவதை கட்டுப்படுத்தி , அடைக்கும் இரத்த செல்களை சரி செய்யும் ஆற்றல் பூண்டுக்கு உண்டு.

இரத்த அழுத்தத்தை கட்டுப்படுத்துங்கள் : உயர் இரத்த அழுத்தமும் இதய பாதிப்பை ஏற்படுத்தும். இரத்த அழுத்தத்தின் உடனடி மாற்றத்தை நிகழ்த்தக்கூடிய ஆற்றலும் பூண்டுக்கு உண்டு. எனவே பூண்டு நன்கு சாப்பிடுங்கள்.

இஞ்சி : இஞ்சியும் வீடுகளில் பொதுவாக பயன்படுத்தக்கூடியதுதான். எனவெ இதுவும் கொழுப்பை கரைத்து , இரத்தத்தில் சர்க்கரை அளவை கட்டுக்குள் வைத்திருக்கும்.

குடைமிளகாய் : குடைமிளகாய் பலருடைய ஃபெவரெட்டாக இருக்கிறது. இதிலும் இதயத்தை பாதுகாக்கும் பண்புகள் இருப்பதை ஆய்வில் கண்டறிந்துள்ளனர். இரத்த அழுத்தத்தை கட்டுப்படுத்தி, இரத்த சர்க்கரை அளவையும் சீராக வைத்திருக்க உதவுகிறது. மன அழுத்தத்தை போக்கி, இதய தசைகளை வலுபெற செய்கிறது. உடல் எடை குறைக்கவும் உதவுகிறது.