உங்க வயிற்றை க்ளீன் செய்ய வேண்டுமா..? இந்த 3 பானங்களை குடித்து பாருங்க..!

How To Detox Intestine : மனிதன் ஆரோக்கியமாக வாழ ஆரோக்கியமான உணவு அவசியம். ஏனென்றால், உணவில் இருந்துதான் உடலுக்கு ஆற்றல் கிடைக்கிறது. அன்றைய நாள் முழுவதும் சுறு சுறுப்பாக இருக்க உணவு தேவையான ஆற்றலை உடலுக்கு வழங்குகிறது. இன்றைய காலத்தில் நாம் எந்த உணவையும் உடலுக்கு கெடுதி என விட்டு வைப்பதில்லை. நடப்பது, பறப்பது, ஊர்வது, நீந்துவது என அனைத்தையும் உண்கிறோம். அதுமட்டும் அல்ல, சாப்பிடுவதற்கும் நேரம் காலம் பார்ப்பதில்லை. இதனால், அடிக்கடி செரிமானப்பிரச்சனை ஏற்படும். குடலில் அழுக்குகள் தேங்கும். எனவே, நாம் சில நேரங்களில் வயிறு உப்புசமாக இருப்பதை உணர்வோம்.

ஏனென்றால், சிறுகுடலில் உணவு செரிக்கப்பட்டு அதிலிருந்து அத்தியாவசிய ஊட்டச்சத்துக்கள் பெறப்படுகின்றன, ஆனால் சில நேரங்களில் உணவு வயிற்றில் சரியாக செரிமானம் ஆகாததால், உடலுக்கு நிறைய சிக்கல்கள் ஏற்படும். எனவே தான் வயிறு உப்புசமாக இருப்பதை உணர்கிறோம். மற்ற உறுப்புகளில் பிரச்சினை ஏற்பட்டால் நம்மால் சமாளிக்க முடியும். ஆனால், வயிற்றில் ஒரு பிரச்சினை என்றால் எந்த விஷயத்திலும் நம்மால் கவனம் செலுத்த முடியாது. உங்கள் குடலில் தேங்கியுள்ள அழுக்கை முற்றிலுமாக நீக்க விரும்பினால், உங்களுக்கு இயற்கையான மூன்று பழச்சாறுகள் பற்றி கூறுகிறோம். இந்த இயற்கையான சாற்றை உட்கொண்டால், குடலில் உள்ள அனைத்து அழுக்குகளையும் ஒரு நொடியில் சுத்தம் செய்யலாம்.

இந்த இயற்கையான சாற்றில் உள்ள நார்ச்சத்து மலச்சிக்கல் மற்றும் வாயு பிரச்சனைகளை நீக்கும். நார்ச்சத்து பச்சை காய்கறிகள் மற்றும் பழங்களில் அதிகம் உள்ளது. நாங்கள் கூறும் மூன்று வகையான சாறுகளில் ஏதேனும் ஒன்றை இரண்டு மூன்று முறை சாப்பிட்டால், உங்கள் வயிற்றில் உள்ள அழுக்கு முழுமையாக நீக்கப்படும்.

ஆப்பிள் ஜூஸ் : ஹெல்த்லைன் தகவல்படி, பல நாட்களாக வயிறு சரியாகவில்லை என்றால், நீங்கள் ஆப்பிள் ஜூஸை உட்கொள்ளலாம். ஆப்பிள் சாறு குடல் நச்சுத்தன்மைக்கு மிகவும் நன்மை பயக்கும் என்பது பல ஆய்வுகளில் நிரூபிக்கப்பட்டுள்ளது. ஆப்பிள் ஜூஸ் குடித்தால், வயிறு வேகமாக சுத்தமாகும்.

காய்கறி சாறு : ஆய்வு அறிக்கையின்படி, காய்கறி சாறு வயிற்றை சுத்தம் செய்ய மிகவும் நன்மை பயக்கும். காலிஃபிளவர், ப்ரோக்கோலி, கீரை, தக்காளி, கேரட், முட்டைக்கோஸ், பாகற்காய் போன்ற காய்கறி சாறுகளை பருகலாம். இதனால், உங்களின் வயிறு முழுவதும் சுத்தம் செய்யப்படும்.

எலுமிச்சை சாறு : வயிற்றை சுத்தம் செய்ய விரும்பினால் எலுமிச்சம் பழச்சாறு எடுத்துக் கொள்ளலாம். எலுமிச்சை சாற்றில் போதுமான அளவு வைட்டமின் சி உள்ளது. இது அமிலத்தன்மையையும் நீக்குகிறது. எலுமிச்சை சாறு வயிற்றில் மறைந்திருக்கும் தீங்கு விளைவிக்கும் பாக்டீரியாக்களை அழிக்கிறது.

குறிப்பு : ஆப்பிள் ஜூஸ் தயாரிக்கும் போது, அதன் தோலை நீக்க வேண்டாம். ஏனென்றால், அதில் அதிக நார்ச்சத்து உள்ளது. இந்த பானங்களை காலையில் வெறும் வயிற்றில் மிகவும் விரைவான பலன்களை பெறலாம். எலுமிச்சை சாற்றை வெதுவெதுப்பான தண்ணீரில் சேர்த்து குடிக்கலாம்.