பசலைக் கீரை ஜூஸ் குடிப்பதால் கிடைக்கும் 7 வகை நன்மைகள்..!

பசலைக் கீரை டயட் பிரியர்களின் விருப்பமான கீரையாகும். இதில் கிடைக்கும் எண்ணற்ற சத்துக்கள் உடலுக்கு தேவையான ஊட்டச்சத்துக்களை கொடுக்கின்றன. எனவேதான் இதை டீடாக்ஸ் டிரிங்க்ஸாகவும் அருந்துகின்றனர். அவ்வாறு பசலைக்கீரையை ஜூஸாக் அருந்துவதால் கிடைக்கும் நன்மைகள் என்னென்ன பார்க்கலாம்.

உடல் எடையை குறைக்கும் : பசலைக்கீரையில் குறைந்த கலோரிகள் இருப்பதால் இது உடல் எடையைக் குறைக்க உதவுகிறது. அதேபோல் அதிக நியூட்ரியன்ஸ் மற்றும் உடலுக்கு தேவையான ஆரோக்கியமான கொழுப்பும் இருப்பதால் சிறந்த பானமாக இருக்கும்.

நோய் எதிர்ப்பு சக்தியை அதிகரிக்கிறது : பசலைக்கீரையில் விட்டமின் சி நிறைவாக இருப்பதால் நோய் எதிர்ப்பு சக்தியை அதிகரிக்க உதவுகிறது. இதனால் பொதுவான உடல் நல பாதிப்புகளிலிருந்து உங்களை பாதுகாக்க உதவுகிறது.

எலும்பு வலிமை : பசலைக்கீரையில் விட்டமின் கே சத்து இருப்பதால் எலும்பு வலிமைக்கு தேவையான ஊட்டச்சத்து கிடைக்கிறது.

கண்கள் ஆரோக்கியம் : ஆன்டி ஆக்ஸிடன்ட் நிறைந்த பசலைக் கீரை கண்களின் ஆரோக்கியத்தை பாதுகாக்க உதவுகிறது.

சரும ஆரோக்கியம் : பசலைக் கீரையில் உள்ள விட்டமின் சி சரும ஆரோக்கியத்திற்கு நன்மை சேர்க்கிறது. அதுமட்டுமன்றி ஃபிரீ ரேடிகல்களை எதிர்த்துப் போராடும் ஆற்றலையும் கொண்டுள்ளது. இதனால் நீண்ட நாட்களுக்கு இளமையான தோற்றத்தை அளிக்கிறது.

வயிற்றை சுத்தம் செய்யும் : வயிற்று புண்னை ஆற்றுவதில் பசலைக்கீரை சிறந்த மருந்தாகும். அதுமட்டுமன்றி வயிற்றை சுத்தம் செய்து செரிமான செயல்பாடுகளை சீராக்குகிறது.

நோய் அழற்சி எதிர்ப்பு : உங்களுக்கு எந்த வகை நோய் அழற்சி இருந்தாலும் அதை குறைக்கும் ஆற்றலை பசலைக் கீரை கொண்டுள்ளது.