உங்களுடைய இந்த பிரச்சனைகளை போக்க ஆளிவிதைகளை இப்படி சாப்பிட்டு வாருங்கள்..!

உங்கள் உடல்நலம் தொடர்பான பிரச்சனைகளை சமாளிக்க நீங்கள் ஆளி விதைகள் சிறந்த மருந்து என்று கூறப்படுகிறது. ஆனால், இதை சாப்பிட்டதும் வாய்க்குள் ஒட்டும் தன்மையுடையதாக மாறிவிடும் என்பதற்காகவே பலர் அவற்றை உண்பதைத் தவிர்க்கிறார்கள். அத்தகைய சூழ்நிலையில், நீங்கள் ஆளி விதைகளை வறுத்து அவற்றை உட்கொண்டால், அவை உங்களுக்கு ஏராளமான ஊட்டச்சத்தை அளிக்கும். அதுமட்டுமல்லாமல், அவற்றை மென்று எளிதில் உண்ணவும் முடியும்.

நிபுணர்களின் கூற்றுப்படி, ஒரு டீஸ்பூன் ஆளிவிதையில் சுமார் 37 கலோரிகள் உள்ளன. மேலும், ஆளிவிதை புரதம், நார்ச்சத்து, தாமிரம் மற்றும் துத்தநாகம் ஆகியவற்றின் நல்ல ஆதாரமாகக் கருதப்படுகிறது. எனவே வறுத்த ஆளி விதைகளின் சில அற்புதமான நன்மைகள் பற்றி myhealth தளத்தில் கூறப்பட்டுள்ள சில தகவல்கள் உங்களுக்காக...

நல்ல தூக்கம் வரும் : தினமும் இரவில் தூங்கும் முன் வறுத்த ஆளிவிதை பொடியை பாலுடன் சேர்த்து சாப்பிட்டு வந்தால் நல்ல தூக்கம் வரும். இதில் உள்ள மெக்னீசியம் உள்ளிட்ட பிற சத்துக்கள் உடலில் செரோடோனின் ஹார்மோனை அதிகரிப்பதில் பயனுள்ளதாக இருக்கும். அதனால் மன அழுத்தம் இல்லாமல் போதுமான தூக்கம் கிடைக்கும்.

ஆற்றல் அளவை அதிகரிக்கிறது : ஆளிவிதையை உட்கொள்வது உடலில் ஆற்றலை அதிகரிக்கச் செய்கிறது. இதில் உள்ள புரதச்சத்து உடல் சோர்வை நீக்கி ஆற்றலை அதிகரிக்க உதவுகிறது. இதற்கு ஆளிவிதையை வறுத்து சாப்பிடுங்கள். வேண்டுமானால் ப்ரெட், சாண்ட்விச் போன்றவற்றிலும் ஆளிவிதை பொடியை சேர்த்து சாப்பிடலாம்.

மனதை கூர்மையாக்கும் : ஆளிவிதையில் ஒமேகா-3 மற்றும் ஒமேகா-6 கொழுப்பு அமிலங்கள் உள்ளன. இது மூளை செல்களை ஆரோக்கியமாக வைத்து மூளையை கூர்மையாக்குகிறது. இதற்கு நீங்கள் அவ்வப்போது சாப்பிட ஆளிவிதையை தின்பண்டமாக செய்தும் சாப்பிடலாம்.

கொலஸ்ட்ராலை கட்டுப்படுத்துகிறது : ஒரு ஸ்பூன் வறுத்த ஆளி விதையை ஒரு நாளைக்கு இரண்டு முறை உட்கொள்வது உடலின் கொலஸ்ட்ரால் அளவைக் கட்டுப்படுத்த உதவுகிறது. இதனுடன், உங்கள் இரத்த அழுத்தம் சாதாரணமாக இருக்கும் மற்றும் இதய ஆரோக்கியமும் மேம்படும்.

எடையைக் குறைக்க உதவுகிறது : நீங்கள் உடல் எடையை குறைக்க விரும்பினால், உங்கள் உணவில் ஆளிவிதை சேர்க்க மறக்காதீர்கள். இதில் உள்ள நார்ச்சத்து, உடலின் மெட்டபாலிசத்தைக் கட்டுப்படுத்தி, விரைவான எடையைக் குறைக்க உதவுகிறது. இதற்கு தினமும் உணவு சாப்பிட்ட பிறகு ஒரு ஸ்பூன் வறுத்த ஆளிவிதையை சாப்பிடுங்கள்.

வயிறு பிரச்சனைகளை சரி செய்யும் : வறுத்த ஆளிவிதையை தொடர்ந்து உட்கொள்வது வயிற்றுக்கு மிகவும் நன்மை பயக்கும். நார்ச்சத்து அதிகம் உள்ளதால், ஆளிவிதை மலச்சிக்கல், அமிலத்தன்மை மற்றும் வயிற்று வலி போன்ற பிரச்சனைகளை நீக்கி செரிமான அமைப்பை வலுப்படுத்த உதவுகிறது.

தோல் மற்றும் முடி ஆரோக்கியம் : ஆளிவிதை வைட்டமின் சி மற்றும் ஒமேகா கொழுப்பு அமிலங்களின் சிறந்த ஆதாரமாகக் கருதப்படுகிறது. இது சேதமடைந்த சரும செல்களை அகற்றுவதன் மூலம் சருமத்தை ரேடிகல்கள் இல்லாமல் ஆக்குவது மட்டுமல்லாமல், முடிக்கு ஊட்டமளித்து, அதை ஆரோக்கியமாகவும், பளபளப்பாகவும் மாற்ற உதவுகிறது.