பப்பாளி இலையில் இத்தனை நன்மைகளா..? எப்போது... எப்படி சாப்பிட வேண்டும் தெரியுமா..?

பப்பாளியில் என்னற்ற நன்மைகள் இருப்பதை அனைவரும் அறிந்ததே. அதேசமயம் பப்பாளி மட்டுமன்றி அதன் மரமே மருத்துவ குணங்கள் அடங்கியதுதான். குறிப்பாக பப்பாளி இலை எண்ணற்ற இயற்கை வைத்தியங்களை உள்ளடக்கியது. மாத்திரைகளால் கூட சரி செய்ய முடியாத பிரச்னைகளை பப்பாளி இலை சரி செய்துவிடுகிறது. குறிப்பாக டெங்கு, டைஃபாய்டு போன்ற நோய்களுக்கு பிளேட்லெட் எண்ணிக்கையை அதிகரிக்க பப்பாளி இலையின் சாறு முக்கிய பங்கு வகிக்கிறது.

பருவநிலை தொற்று : பருவநிலை மாற்றத்திற்கு ஏற்ப வரும் டெங்கு, சிக்கன் குனியா, டைஃபாய்டு போன்ற நோய்களுக்கு பப்பாளி இலைதான் முக்கிய பங்கு வகிக்கிறது. இதுவரை இந்த நோய்களுக்கான பிரதியேக ஊசி , மாத்திரைகள் இல்லை என்பதால் பப்பாளி இலைகள்தான் முதன்மை மருத்துவமாக உள்ளது.

சர்க்கரை அளவை கட்டுப்படுத்தும் : சர்க்கரை நோயாளிகளுக்கு இரத்ததில் குளுக்கோஸ் அளவை சீராக பராமரிக்க உதவுகிறது.பப்பாளி இலையில் முற்றிலும் ஆண்டி ஆக்ஸிடண்ட்தான் இருப்பதால் இன்சுலின் அளவை கட்டுப்படுத்துகிறது.

செரிமாணம் சீராகும் : வாயு தொல்லை, வயிறு மந்தம், நெஞ்சு எரிச்சல் போன்ற பிரச்னைகளுக்கு பப்பாளி இலை சிறந்தது. இதில் நார்ச்சத்து இருப்பதால் வயிறு பிரச்னை, செரிமாணப் பிரச்னைகளுக்கு உதவும்.

நோய் அழற்சி : தசை பிடிப்பு, மூட்டுவலி, போன்றவற்றிற்கும் பப்பாளி இலை சாப்பிடலாம்.

முடி வளர்ச்சி : பப்பாளி சாறை தலை முடியின் வேரில் படும்படி தேய்த்துவிட்டால் முடி வளர்ச்சி சீராக இருக்கும். அதோடு இதில் பூஞ்சைகளை எதிர்த்துப் போராடும் ஆற்றல் இருப்பதால் பொடுகுத் தொல்லைக்கு பப்பாளி இலை உதவும்.

சரும ஆரோக்கியம் : பப்பாளி ஜூஸ் குடிப்பதால் சருமத்தில் பொலிவு அதிகரிக்கும். மென்மையான, தெளிவான சருமத்தைப் பெறுவீர்கள். இதில் பப்பைன் என்னும் வேதிப்பொருள் இருப்பதால் அது இயற்கையாகவே இறந்த செல்களை நீக்கி சருமத்தை பழுதுபார்க்கும். எனவே வயதான தோற்றத்தை தவிர்க்கவும் பப்பாளி ஜூஸ் உதவுகிறது.

புற்றுநோய் : பப்பாளி இலை புற்றுநோயை தவிர்க்க பாரம்பரிய மருத்துவமாக கடைபிடிக்கப்படுகிறது. இருப்பினும் இதை உறுதி செய்யும் ஆய்வுகள் இல்லை. ஆனால் பப்பாளி இலை சாப்பிட்டு வருவதால் புற்றுநோய் செல்களின் வளர்ச்சியை தடுக்கலாம் என்ற் கூறப்படுகிறது.

பப்பாளி இலை ஜூஸ் எப்படி போடுவது..? ஃபிரெஷ் பப்பாளி இலைகள் மற்றும் தண்ணீர் எடுத்துக்கொள்ளுங்கல். இலைகளை துண்டுகளாக நறுக்கிக்கொள்ளுங்கள். அதை மிக்ஸியில் கொஞ்சம் தண்ணீர் ஊற்றி மைய அரைத்து வடிகட்டி குடிக்கலாம். உங்களுக்கு டெங்கு போன்ற காய்ச்சல் இருப்பின் 100 ml ஜூஸை மூன்றாக பிரித்து நாளின் மூன்று வேளைகள் குடிக்கலாம். கசப்பாக இருப்பின் கொஞ்சம் உப்பு அல்லது சர்க்கரை சேர்த்துக்கொள்ளலாம்.